Thursday, March 20, 2008

အဲဒီည



အဲဒီည
တိတ်ဆိတ်လိုက်ပုံများ
ငါ့ကဗျာရဲ့အသက်ရှူသံ
ငါပြန်ကြားနေရတဲ့အထိ...။

အဲဒီည
လွင့်မျောလိုက်ပုံများ
အတောင်ပံတွေနဲ့ငါ့ကို
ငါလက်မှိုင်ချရတဲ့အထိ...။

အဲဒီည
လွတ်လပ်လိုက်ပုံများ
လမင်းကြီးအိမ်အလည်ခေါ်လာတဲ့ငါ့ကို
ငါလက်မြောက်အရှူံးပေးရတဲ့အထိ...။

အဲဒီည
အထိန်းအကွပ်မဲ့လိုက်ပုံများ
ကျကွဲသွားတဲ့ ကာရံနဲ့ဦးနှောက်
ငါတစစီလိုက်ကောက်ရတဲ့အထိ...။

အဲဒီည
ဆွဲဆောင်လိုက်ပုံများ
ညမွှေးပန်းရနံ့သင်းတဲ့ပါးနှစ်ဘက်ကို
ငါခိုးနမ်းမိတဲ့အထိ...။

အဲဒီည
ရူးသွပ်လိုက်ပုံများ
ကဗျာတပုဒ်ထဲခုန်ချသွားတဲ့ငါ့ကို
ငါဘယ်လိုမှတားမရတဲ့အထိ...။

တန်ခူး
11:00AM 20-Mar-2008

12 comments:

ကိုပေါ said...

ကောင်းလှချည်လား၊ ဒေါင်းမြကြည်ရယ်။ အဲသည်လို ညကို မခံစားဖြစ်တာကြာပြီ။ အခု တန်ခူးရေးလိုက်တော့မှ အလန့်တကြား ခံစားဖြစ်သွားတယ်။

Anonymous said...

အဲဒီည
အိပ်ကောင်းလိုက်ပုံများ
မနက်မှာတောင်ငိုက်ရင်းထ
ရုံးနောက်ကျရတဲ့အထိ...။
( ဟဲ...နောက်တာပါတန်ခူးရေ...ကိုယ်ကတကယ်အဲလိုဖြစ်နေလို့ :-) )

တန်ခူးရဲ့ညလေးကတကယ်ကိုလှပါလားနော်...လှလွန်းလို့ ကဗျာရော ကဗျာဖတ်သူတွေပါငိုရတဲ့ ည ဖြစ်သွားတယ်။

စူး said...

အဲဒီညမှာပေါ့
ချစ်သူကခေါ်ပေမဲ့
မသေချာရှေ့ရေးကြောင့်
သွေဖယ်ကာငြင်းလိုက်ရတယ်
ဆွေးပါပေါ့ ယနေ့တိုင်..။

ဟီးဟီး နောက်တာနော်။ တကယ်ထင်နဲ့။

စူး said...

အမရဲ့ကဗျာမှာ ပေါက်ကရပြောပီး မြတ်နိုးကုန်ကြမ်းရသွားတယ်။ နောက်နေ့ထပ်တင်လိုက်မယ်။

pandora said...

လိုက်ဆွဲတာတောင် မမီလိုက်တော့ဘူးပေါ့
ခုန်ချသွားတယ်

အဲသည်ညတွေမှာ အစအဆုံးနစ်မြုပ်ရရင် ကောင်းတာပေါ့. ဒီညတော့ နစ်မြုပ်နေတယ်။ ဂွတ်ဖရိုက်ဒေး ပိတ်တာကိုး

သက်ဝေ said...

အဲဒီည
ေ၀၀ါးလိုက်ပုံများ
သီနေတဲ့ ပုလဲ
တစ်ကွဲစီ ကြွေကျသွားတဲ့အထိ...။

အဲဒီည
မှောင်မိုက်လိုက်ပုံများ
တောက်ပ ဆင်စွယ် ပုလဲသွယ်
ဘယ်လိုမှ ဖွေရှာမရတော့တဲ့ အထိ...။

"အဲဒီည" အတွက် ကျေးဇူးပါ တန်ခူးရေ...။

Anonymous said...

ပီတိ
ကိုယ့်ရင်ဖောက်ကြည့်သူမြင်၏။
သူ့အတွေးကိုယ့်လွှမ်း၏။
စာနာနှလုံးသားသူပိုင်၏။
အခါခါပြန်ကြည့်၊
အော်.. မမြင်နိုင်ပေမဲ့၊
အသိနဲ့တင်ကျေနပ်၏။

အညာသူ~

စိုးထက် - Soe Htet ! said...

အဲဒီညပေါ့ ... ဘလော့ဂ် လည်ရင်း မိုးလင်း သွားတယ် :)

တန်ခူး said...

ကိုပေါရေ...တခါတခါ အိပ်စက်ပစ်လိုက်ရမှာ နှမျောစရာကောင်းတဲ့ညတွေပေါ့။

ထနောင်းရေ...ဟုတ်တယ်နော်။ များသောအားဖြင့် တို့ညတွေလဲအဲဒီလိုပဲ။

တချို့လဲ မြတ်နိုးပြောတဲ့ညလေးတွေနဲ့ပေါ့။

ပန်ရေ... အစအဆုံးနစ်မြုပ်ရတဲ့အရသာလေးက ဝိုင်ချိုချိုတခွက်ပေါ့။ ဒါပေမယ့် ကလေးငိုတော့ ကဗျာထဲက မြန်မြန်ပြန်တက်ခဲ့ရတယ်။

လွမ်းရတဲ့ညတွေပေါ့ သက်ဝေရယ်။

လာလည်တာကျေးဇူးပါ မအညာသူ။

ကိုစိုးထက်ရေ...မနက်ကျတော့ပြန်အိပ်ရတော့မှာသေချာတယ်။

ကလိုစေးထူး said...

လေနုအေး ဆိုတဲ့ ဘလော့ဂ်နာမည်နဲ့ `အဲဒီည´ ဆိုတဲ့ ကဗျာနဲ့ လိုက်ပါပေ့ဗျာ။ ကျနော် မနက်က အလုပ်သွားခါနီး လာဖတ်ရတော့ နောက်ဆုံးပို့စ်ကိုပဲ သေချာဖတ်လိုက်ရတယ်။ ဒါနဲ့ အခု အလုပ်ကအပြန် ညနေမှာ တခေါက်လာဖတ်တာ။ ကဗျာလေးက တော်တော် ငြိမ်းချမ်းတာပဲ။

တန်ခူး said...

commentလေးအတွက် ကျေးဇူးအထူးပါ ကိုစေးထူးရေ။

shinlamin said...

အရမ်းကြိုက်လို့ အားပေးသွားတယ်နော်
ဆက်ပြီး ရေးနိုင်ပါစေ