Sunday, June 10, 2018

ဆယ်တန်းအောင်ရင် ဘာလုပ်ကြမယ်... ဘွဲ့ ရရင် ဘာလုပ်ကြမယ် (အပိုင်း -၂)

ဘွဲ့ ရရင် ဘာလုပ်ကြမယ်

"ကျွန်တော်ဒီနှစ် နောက်ဆုံးနှစ်မို့  ကျောင်းပြီးတာနဲ့  နိုင်ငံခြားတန်းသွားချင်ပါတယ်၊ အကြံပေးပါဦးအန်တီ"

"ကျောင်းပြီးရင် ဂျပန်မှာ သွားအလုပ်လုပ် သင့်သလား၊ စင်္ကာပူလာသင့်သလားရှင့်"

"စလုံးကိုလာဖို့  အေဂျင်စီက သိန်း၄၀လောက်တောင်း နေလို့ လုပ်သင့်သလားအန်တီ"

"ကျောင်းပြီးရင် ဘယ်သင်တန်းတွေ တက်ရမလဲရှင့်"

ကျွန်မဆီ messenger ထဲကနေ မေးကြတဲ့ မေးခွန်းလေး တချို့ ပါ။ တယောက်ချင်းစီကို ဖြေထားတဲ့အဖြေလေးတွေကို စုစုစည်းစည်းဖြစ်အောင် ပြန်ရေးပြပါ့မယ်။

ကျွန်မ အာအိုင်တီနောက်ဆုံးနှစ်မှာ အတော်စဉ်းစားခဲ့တဲ့ အကြောင်းအရာတွေပါပဲ။ ကျောင်းဆက်တက်မလား၊အလုပ်ဝင်မလား၊ အစိုးရအလုပ်လား၊ အပြင်အလုပ်လား၊ ကျောင်းမှာ ဆရာမ ပြန်လုပ်မလား၊ နိုင်ငံခြားထွက်မလား၊ ဘယ်နိုင်ငံသွားမလဲ... စသဖြင့် မေးခွန်းပေါင်းများစွာ ကိုယ့်ကိုယ်ကို ပြန်မေးခဲ့ရတဲ့ အချိန်တွေ ဖြစ်သလို နီးစပ်ရာ ဆရာ၊ ဆရာမ၊ မိဘဆွေမျိုး၊ ကျောင်းမှ နှစ်ကြီးအကိုအမတွေဆီလဲ မေးခဲ့ပါတယ်။

ဘွဲ့ ရရင် ဘာလုပ်မယ်ဆိုတာ လူတဦးချင်းစီရဲ့ ရည်မှန်းချက်ပန်းတိုင်အပြင် မိသားစုအခြေအနေပေါ်လဲ မူတည်တာမို့  ဘွဲ့ အတူတူရကြဦးတောင် တယောက်နဲ့ တယောက် ဆုံးဖြတ်ချက်တွေဟာ ဘယ်လိုနည်းနဲ့ မှ တူဖို့မလွယ်ပါဘူး။ တခါတလေကျတော့ ဖြစ်ပေါ်လာတဲ့ အခြေအနေ၊ အကြောင်းအရာ၊ အခွင့်အရေးပေါ်မူတည်ပြီး ဆုံးဖြတ်လိုက်ရတာမျိုးလဲ ရှိပါတယ်။

အဲဒီအချိန်ဟာ ကိုယ့်ဘဝရပ်တည်မှုအတွက် အတော်လေးအရေးကြီးတဲ့အချိန်မို့  သေချာအချိန်ယူ စဉ်းစားသင့်ပါတယ်။ ဟိုစမ်းစမ်း၊ ဒီစမ်းစမ်း လုပ်ကြည့်ဦးမယ်ဆိုတာမျိုးကိုတော့ ကျွန်မ အားမပေးပါဘူး။ ဘဝထဲစဝင်ကြရတော့မယ့်အခါ အချိန်ဟာ သိပ်အရေးကြီးပါတယ်။ ဘာလုပ်ရမှန်းမသိသေးလို့  သင်တန်းတွေတက်ရင်း စောင့်ကြည့်နေတယ်ဆိုတဲ့ အချိန်ကာလဟာ ၃လထက် ပိုမကြာသင့်ပါဘူး။ လုပ်သက်နဲ့  လုပ်ငန်းအတွေ့ အကြုံဟာ ဘဝအတွက် အရမ်းအရေးပါတာမို့  လမ်းတခုရွေးခြယ်ပြီးမှ မကြိုက်ဖူး၊ နောက်တမျိုးပြောင်းမှဆိုရင် တခါ တစ်က ပြန်စရပါမယ်။ တကယ်လို့ သာ အစကတည်းက သေချာစဉ်းစား ဆုံးဖြတ်ခဲ့ရင် အတော်အသင့်ရှိတဲ့ လုပ်သက်အတွေ့ အကြုံတခု ရနေလောက်ပြီ။ ဒါကြောင့် မရွေးခြယ်ခင် သေချာစဉ်းစားသင့်ပါတယ်။

ဒီနေရာမှာအဖော်ကောင်းလို့  ဆိုတာမျိုး မဖြစ်သင့်ပါဘူး။ သူများတွေနဲ့ ကိုယ်နဲ့  ရည်ရွယ်ချက်၊ ဝါသနာ၊ မိသားစုအခြေအနေ၊ ကိုယ်ပိုင် အရည်အချင်း ထပ်တူမကျနိုင်ပါဘူး။ ကျွန်မပတ်ဝန်းကျင်မှာ မြင်တွေ့ နေကျ ကိစ္စမို့ သတိပေးတာပါ။ ဥပမာပေးရရင် သူများတွေ ရေထဲဆင်းလို့  လိုက်ဆင်းပြီး သင်္ဘောအရာရှိ၊ သင်္ဘောသား စသဖြင့် လုပ်လိုက်မိပြီးမှ အဲဒီဘဝကို လက်မခံနိုင်ပဲ မပျော်ရွှင်စွာ ဆက်လုပ်နေရတယ်ဆိုတဲ့ မိတ်ဆွေတွေ အများကြီးကြုံဖူးသလို၊ သူများတွေ တပ်ထဲဝင်လို့  လိုက်ဝင်လိုက်တာ ဘယ်လိုမှ မပျော်နိုင်လို့  အရပ်ဝတ်လဲချင်တာ ခုထိလဲလို့ မရလို့  စိတ်ညစ်နေတယ်ဆိုတဲ့ မိတ်ဆွေတွေလဲ အများကြီးကြုံခဲ့ဖူးပါတယ်။ ဒါကြောင့် ဆုံးဖြတ်ချက်မချခင် အရင်သေချာ အပြန်ပြန်အလှန်လှန် စဉ်းစားသင့်ပါတယ်။

ဘွဲ့ ရပြီးတဲ့သူတွေ အများစု စဉ်းစားကြတဲ့၊ သိချင်ကြတဲ့ မေးခွန်းလေးတချို့ ကို ဖြေပေးပါရစေ။ ကျွန်မရဲ့ အတွေ့ အကြုံကို အခြေခံဖြေတာမို့  အမှားအယွင်းနဲ့  လိုအပ်ချက်များရှိရင် နားလည်ပေးပါနော်။

ဘယ်သင်တန်းတွေ တက်သင့်သလဲ

ဆယ်တန်းအောင်ပြီးကာစအချိန်နဲ့  ဘွဲ့ ရပြီးကာစအချိန်တွေမှာ အများစုတက်ကြတဲ့ သင်တန်းတွေက အင်္ဂလိပ်စကားပြောနဲ့  ကွန်ပြူတာသင်တန်းတွေပါ။ ဖော်မြူလာကြီးလိုကို ဖြစ်နေတာပါ။ ဒီနေရာမှာ ကျွန်မတို့ တိုင်းပြည်က ကလေးတွေကို ပြောပြချင်တာက အတတ်ပညာ၊ အသိပညာတခုဟာ စာသင်ခန်းထဲမှာမှ၊ သင်တန်းထဲမှာမှ သင်ယူတတ်မြောက်နိုင်တာ မဟုတ်ဖူးဆိုတာပါပဲ။ ကိုယ့်ပတ်ဝန်းကျင်မှာ ရှိနေတဲ့ သတင်းအချက်အလက်၊ စာအုပ်စာတမ်းတွေကို အသုံးပြုပြီး ကိုယ်ကိုယ်တိုင်လေ့လာရင် ပိုထိရောက်တယ်ဆိုတာ သိစေချင်ပါတယ်။

အထူးသဖြင့် အင်္ဂလိပ်စကားပြောပါ။ ဘာသာစကားတခုဟာ စာသင်ခန်းထဲမှာ ၁လတန်သည်၊ ၃လတန်သည် လေ့လာလိုက်ရုံနဲ့  မတတ်မြောက်နိုင်ပါဘူး။ စဉ်ဆက်မပြတ် လေ့လာနေရမှာပါ။ အရမ်းကျယ်ပြန့် တဲ့အရာမို့  စုဗူးစုသလို နေ့စဉ်စုဆောင်းနေရမယ့်အရာပါ။

ဘာသာစကားတခုကို အမြန်ဆုံးနဲ့  အထိရောက်ဆုံး သင်ယူနိုင်တဲ့နေရာက media တွေက တဆင့်ပါ။ ရုပ်ရှင်ကြည့်ပါ၊ သီချင်းနားထောင်ပါ၊ သတင်းနားထောင်ပါ၊ စာအုပ်ဖတ်ပါ။ ရုပ်ရှင်ကြည့်တဲ့အခါ စာတမ်းထိုးပါခဲ့ရင်တောင် မဖတ်မိအောင် ကြိုးစားပြီး အားစိုက်နားထောင်ပါ။ တဖြေးဖြေးနားလည်လာ ပါလိမ့်မယ်။ သီချင်းနားထောင်တဲ့အခါလဲ စာသားကို အာရုံစိုက်ပါ။ လိုက်ဆိုကြည့်ပါ။ စာအုပ်ဖတ်တဲ့အခါ အဘိဓာန်ကို မဖြစ်မနေလှန်ရမယ့် အခါမျိုးမှ လှန်ပါ။ အဘိဓာန်ချည်းလှန်နေရင် ဖတ်ရှိန်ပျက်ပြီး အဆုံးထိမဖတ်ဖြစ်တော့ကြလို့ ပါ။ ရုပ်ရှင်၊ သီချင်း၊ သတင်း၊ စာအုပ် အားလုံးမှာ ကြည့်ဖြစ်ဖို့ ၊ ဖတ်ဖြစ်ဖို့ ၊ နားထောင်ဖြစ်ဖို့  အဓိကက နားယဉ်ဖို့ အဓိကမို့  မငြီးငွေ့ စေအောင် ကိုယ်စိတ်ဝင်စားမယ့် ဇာတ်လမ်းမျိုးကို ရွေးခြယ်လုပ်ပါ။ ဇွဲရှိရှိလုပ်ပါ။ စိတ်ပါဝင်စားရင် သူ့ အလိုလိုကို နှလုံးသားထဲ ဝင်သွားတာပါ။ အကောင်းဆုံး ဥပမာပေးရရင် ကျွန်မတို့ နိုင်ငံက ကိုရီးယားပရိသတ် ကိုရီးယားဘာသာစကားကို ရုပ်ရှင်တွေက တဆင့် အတော်ရနေကြတာပါ။ ထမင်းစားရေသောက်၊ နေ့ စဉ်အခေါ်အဝေါ်တွေ သိနေကြတာဟာ ကိုရီးယားကားတွေ အမြဲကြည့်နေကြလို့ ပါ။ အဲဒီလိုပဲ အင်္ဂလိပ်ကားလေးတွေ ကြည့်စေချင်တယ်။ ကြည့်ချင်စရာကောင်းတဲ့ အင်္ဂလိပ်ဇာတ်ကားလေးတွေ အများကြီးပါ။ ဒီလောက်ခက်ခဲတဲ့ ကိုရီးယား ဘာသာစကားတောင် နားဝင်လာရင် ကမ္ဘာပေါ်မှာ သင်ကြားရအလွယ်ဆုံး အင်္ဂလိပ်ဘာသာစကားဆို ပိုလို့ လွယ်မယ်ဆိုတာ ယုံကြည်ပေးပါ။

စကားပြောအတွက် အရေးကြီးဆုံးက ပြောရဲဖို့ ပါ။ ပထမဆုံးပြောရဲဖို့  လိုပါတယ်။ အမှားအယွင်းကြောက်နေရင် နှုတ်မရဲတာမို့  မှားမှာ မကြောက်ပါနဲ့ ။ နှုတ်ရဲမှ အမှားကို ဖြေးဖြေးချင်းပြင်ယူပါ။ နေ့ စဉ်ပြောနိုင်မယ့် သူတယောက်ရှာပါ။ နေ့ စဉ်ပြောဖြစ်ပါစေ။ ပြောမယ့်သူမရှိရင် အခန်းတံခါးပိတ်ပြီး ကိုယ်နဲ့ ကိုယ်ပြောပါ။ သင်တန်းတက်စရာမလိုပဲ တလအတွင်း သိသိသာသာ ပြောတတ်လာပါလိမ့်မယ်။

ကွန်ပြူတာသင်တန်းတွေ တက်ကြတာ အခြေခံတက်ကြတာများပါတယ်။ အခြေခံဆိုတာ သင်တန်းမလိုပဲ ကိုယ့်ဘာသာလေ့လာ တတ်မြောက်လို့ ရတဲ့အရာပါ။ ခုဆို ကျွန်မတို့ နိုင်ငံမှာ အင်တာနက်က နေရာအနှံ့ အပြားရနေပြီမို့  ကိုယ်လိုချင်တဲ့ သတင်းအချက်အလက်တွေက ဖုန်းလေးသုံးပြီးရှာလိုက်ရင်ကို အတော်အဆင်ပြေနေပါပြီ။ တချိန်လုံး Facebook ပေါ်မှာ အချိန်ကုန်နေမယ့်အစား google ပါ၊ YouTube ပါ။ bill အကုန်ခံပြီး သီချင်းဆိုပြိုင်ပွဲတွေတောင် ကြည့်ကြသေးတာပဲ။ သင်တန်းသွားတက်ရင် သင်တန်းစရိတ်အပြင် ခရီးသွားစရိတ်ကကုန်သေးတာ။ ကွန်ပြူတာအခြေခံကို အင်တာနက်က တဆင့် သင်ယူရင် ၃ရက်အတွင်း တတ်ပါတယ်။ Facebook ပေါ်မှာလဲ ပညာရေးဆိုင်ရာ page တွေအများကြီးမို့  ဆယ်လီတွေ page ကို နေ့ တိုင်းမရောက်မဖြစ်ရောက်သလို ကိုယ့်ပညာရေးဝမ်းစာဖြည့်ဖို့ က ပိုလိုလေ့လာသင့်တယ် မဟုတ်လား။

အဓိက ပြောပြချင်တာကတော့ သင်တန်းတက်ခြင်း၊ မတက်ခြင်းထက် ကိုယ်ကိုယ်တိုင် သင်ယူလေ့လာခြင်းက ပိုပြီး ထိရောက်တယ်ဆိုတာပါ။

နိုင်ငံခြားမှာ အလုပ်လုပ်သင့်သလား

တိုးတက်တဲ့ နိုင်ငံခြားတိုင်းပြည်တွေဟာ အဘက်ဘက်က နောက်ကျကျန်ခဲ့တဲ့ ကျွန်မတို့ နိုင်ငံထက် အလုပ်အခွင့်အရေး ပိုပေါများနိုင်တာရယ်၊ ပိုမို့ ခေတ်မှီတဲ့ နည်းပညာတွေ လေ့လာနိုင်တာရယ်၊ အတွေ့ အကြုံတွေ ရနိုင်တာရယ်ကြောင့် နိုင်ငံခြားမှာ အလုပ်လုပ်ခြင်းဟာ ထည့်သွင်းစဉ်းစားရမယ့် အချက်ပါ။ ဒါပေမယ့် နိုင်ငံခြားသွားမှလားဆိုတော့ မဟုတ်ပါဘူး။ နိုင်ငံခြားမသွားပဲနဲ့  ကျွန်မတို့ နိုင်ငံအတွင်းမှာကို အလုပ်အခွင့်အလမ်းတွေ အများကြီးပါ။ လုပ်ငန်းရှင်တွေ အရာရှိ၊ ဝန်ထမ်းရှားပါးမှု ပြဿနာနဲ့  ရင်ဆိုင်နေုကရပါတယ်။ ကျွန်မကိုယ်တိုင်အပါအဝင်ပါ။

အလုပ်လက်မဲ့တွေ ဒီလောက်ပေါနေပါလျက် ဘာလို့  ဝန်ထမ်းတွေ ရှားပါးနေရသလဲဆိုတော့ စိတ်ဓါတ်တွေကြောင့်ပါ။ အဓိကက သင်ယူတတ်မြောက်လိုတဲ့ လိုချင်စိတ် တကယ်မရှိကြဘူး၊ သစ္စာမရှိကြဘူး၊ အလေးအနက်မထားကြဘူး၊ ငွေအတွက်သက်သက် စဉ်းစားကြတယ်၊ အလုပ်ပေါ် စေတနာမထားကြဘူး။ အဲဒီစိတ်ဓာတ်လေးတွေသာ ပြင်လိုက်ကြရင် အလုပ်ရှားပါးမှုပြဿနာက ချက်ချင်းဖြေရှင်းနိုင်မှာပါ။

ပြည်တွင်းမှာ လုပ်လို့ ဘယ်လောက်ရမှာလဲဆိုသူတွေကို လက်တို့ ပြောပြချင်တာကတော့ တကယ်စေတနာကောင်းကောင်းနဲ့ လုပ်ရင် နိုင်ငံခြားမှာရတဲ့ ဝင်ငွေထက်ပိုရနိုင်တယ် ဆိုတာပါပဲ။

ဘွဲ့ရပြီးပြီးချင်း နိုင်ငံခြားထွက် အလုပ်လုပ်တာ ကျွန်မအားမပေးပါဘူး။ အလုပ်ဆိုတာ လုပ်ဖူးမှ တကယ်သိတာမို့  ဘွဲ့ ရပြီးပြီးချင်း အဆင်ပြေတဲ့အလုပ်တခုမှာ အနည်းဆုံး တနှစ်လောက်လုပ်ပြီးမှ ထွက်စေချင်ပါတယ်။ ကိုယ်သွားမယ့် နိုင်ငံပေါ်မူတည်ပြီး ဘာသာစကားကို ကျွမ်းကျင်အောင်လေ့လာစေချင်ပါတယ်။ မထွက်ခင် အဲဒီနိုင်ငံရဲ့  လက်ရှိအခြေအနေကို သေချာလေ့လာစုံစမ်းပါ။ အလုပ်အခွင့်အလမ်းတွေ လေ့လာပါ။ ကိုယ်ရေးရာဇဝင် သေချာပြင်ဆင်ပြီး တလလောက်ကြိုပြီး အလုပ်တွေ အင်တာနက်ကတဆင့် အရင်လှမ်းလျှောက်ထားပြီး အင်တာဗျူးတွေ ၃,၄ခုလောက် စုချိန်းပြီးမှ ထွက်သင့်ပါတယ်။ ကြိုတင်ပြင်ဆင်မှုက အသက်ပါပဲ။

Agent ပွဲစားနဲ့ လာသင့်သလားဆိုတဲ့ မေးခွန်းအတွက် အဖြေက သေချာလေ့လာပြီးမှ ငွေပေးစေချင်ပါတယ်။ ငွေအရင်မပေးမိပါစေနဲ့ ။ အဲဒီပွဲစားနဲ့  အလုပ်ရသွားတဲ့သူရှိလား ၊ သူတို့ ရောအဆင်ပြေကြသလား သေချာစုံစမ်းပြီးမှ လုပ်သင့်ပါတယ်။ တကယ်ရိုးသားတဲ့ပွဲစားက သိသင့်သိထိုက်တာ မှန်သမျှ မခြွင်းမချန် အကုန်ပြောမှာပါ။ မပြောဘူး၊ ဝေ့လယ်ချောင်ပတ်ဆိုရင်တော့ သတိသာထားပါတော့။ မြန်မာအချင်းချင်းကို လ်ိမ်နေကြတာ ကျွန်မကိုယ်တွေ့ပါ။ နိုင်ငံခြားလာလိုဇောနဲ့  ကျွန်မကို အသိမပေးပဲ လုပ်လိုက်ကြတဲ့ ကျွန်မဆွေမျိုးတချို့  အလိမ်ခံကြရတာ မျက်မြင်ပါ။ Permit အတုပြတယ်။ ငွေတောင်းတယ်။ ဒီက immigration မှာ စုံစမ်းလိုက်တော့ အတုဖြစ်နေတယ်။ ငွေကကျွံပြီးနေပြီ။ ကျွန်မအသိကောင်မလေး တယောက်ဆို လေယဉ်လက်မှတ်အတုပါ အရောင်းခံလိုက်ရတယ်။ သတိထားကြပါနော်။

နောက်တခုက အလုပ်တော့ ရပါရဲ့ ပြောတုန်းကတခြား လုပ်ရတော့တခြား။ အီကိုနဲ့ ပြီးထားတဲ့ ကောင်မလေး စာရင်းကိုင် အလုပ်ရမယ်ဆိုလို့  ပွဲစားနဲ့ လာလိုက်တာ သူများအိမ်မှာ အိမ်အကူအလုပ်ဖြစ်နေပါတယ်။ သူ့ ခမျာ ပွဲစားခကျေအောင် မနဲလုပ်ပြီးမှ ပြန်ရရှာပါတယ်။ ကျွန်မအိမ်မှာ part time လာလုပ်ပေးတဲ့ ကောင်မလေးပါ။ တခါ အသိ အာအိုင်တီကျောင်းဆင်း ကောင်လေးတယောက် အင်ဂျင်နီယာအလုပ်ဆို ပွဲစားနဲ့ လာလိုက်တာ တကယ့်အလုပ်ကြမ်းအလုပ်ဖြစ်နေခဲ့ပါတယ်။ သူ့ ခမျာ အလေးအပင်တွေ နေ့ တိုင်း မ ရနဲ့  ကျန်းမာရေးပါ ထိခိုက်ရပါတယ်။

ဒီတော့ ခြုံငုံပြောရရင် နိုင်ငံခြားလာမယ်ဆိုရင် သေချာပြင်ဆင်လေ့လာစူးစမ်းပြီး အားလုံးအဆင်သင့်ဖြစ်မှလာကြပါ။ မလောပါနဲ့ လို့ အကြံပေး ပါရစေ။

ကျွန်မတို့ နိုင်ငံက မျိုးဆက်သစ်လေးတွေ ဘဝအတွက် အကောင်းမွန်ဆုံး၊ အသင့်တော်ဆုံး၊ ပျော်ရွင်စရာအကောင်းဆုံးလမ်းလေးတွေ မှန်ကန်စွာ ရွေးခြယ်နိုင်ကြပါစေ။

တန်ခူး
9:34am
10 Jun 2018

Friday, June 8, 2018

ဆယ်တန်းအောင်ရင် ဘာလုပ်ကြမယ်... ဘွဲ့ ရရင် ဘာလုပ်ကြမယ်

မနစ်ကတည်းက ရေးချင်နေခဲ့တာပါ... လာမေးကြတဲ့သူတွေကို တဦးချင်းဖြေဖြစ်ခဲ့တဲ့အခါ စာလေးတပုဒ်ရေးတင်ရင် အမြဲဖတ်လို့ ရနေမှာပေါ့လို့  တွေးမိလို့ ပါ...

စာတပုဒ်ထဲ အရမ်းရှည်သွားမစိုးလို့  ၂ပိုင်းခွဲတင်ပေးပါ့မယ်...
ကျွန်မဖြတ်သန်းလာတဲ့ အတွေ့ အကြုံ, ဗဟုသုတနဲ့  ကျွန်မပတ်ဝန်းကျင်က မြင်ရတွေ့ ရတဲ့ အတွေ့ အကြုံတွေပေါ်မူတည်ပြီး ရေးတာမို့  အမြင်တွေ လွတ်လပ်စွာ ကွဲလွဲခွင့်ရှိပါတယ်...
ကျွန်မတို့  ဘဝမှာ လမ်းဆုံတွေ အများကြီးကြုံခဲ့ရတယ်... ကြုံခဲ့ရဦးမယ်... အဲဒီအခါ ကိုယ်ရွေးခြယ်လိုက်တဲ့ ရှေ့ ဆက်မယ့်လမ်းဟာ မှန်ကန်မှသာ ကိုယ်လိုချင်တဲ့ ပန်းတိုင်ကိုရောက်ကြမယ် မဟုတ်လား... ပန်းတိုင်လေးတွေ မှန်ကန်စွာ ရွေးခြယ်နိုင်ဖို့  စေတနာနဲ့ ကျွန်မရဲ့ မဖြစ်ညစ်ကျယ် အတွေးလေးနဲ့ ဒီစာရေးတာမို့  အမှားများပါရင် ခွင့်လွှတ်ပါနော်...

ဆယ်တန်းအောင်ရင် ဘာလုပ်ကြမယ်

ဘယ်တက္ကသိုလ်သွားမလဲ

ကာယကံရှင်ကိုယ်တိုင် သေချာစဉ်းစားသင့်ပါတယ်... ကိုယ့်အနာဂတ်ကို ကိုယ်ဘယ်လိုဖြစ်ချင်သလဲ... ကိုယ့်ဝါသနာနဲ့ စိတ်ဝင်စားမှုကဘာလဲ... ကိုယ့်အိပ်မက်တွေ, ရူးသွပ်မှုတွေကရော ဘာလဲ... ကိုယ်ကိုယ်တိုင်ဘာလုပ်ရမှန်းမသိမှ မိဘဆွေမျိူး, မိတ်ဆွေ အပေါင်းအသင်းတွေနဲ့  တိုင်ပင်ပါ... လမ်း၂ခု,၃ခု ဝေဝါးနေရင် ချရေးပါ... ချရေးတဲ့အခါ လမ်းတခုချင်းစီအတွက် အကောင်းတွေရော, အဆိုးတွေရောချရေးပါ... အဲဒါမှ နှိုင်းယှဉ်စဉ်းစားနိုင်မှာပါ... ဒီနေရာမှာ ကျွန်မအပွင့်လင်းဆုံးတခုပြောချင်တာကတော့ ကိုယ့်ဘဝအတွက် ရွေးခြယ်မှုမှာ ပတ်ဝန်းကျင်က ဒီလိုမြင်, ဒီလိုထင်မယ် ဆိုတဲ့ ပတ်ဝန်းကျင်လွှမ်းမိုးမှုကို တဆိတ်ဘေးဖယ်ထားစေချင်ပါတယ်... မိဘတွေကိုလဲ တိုက်တွန်းချင်တာက ပတ်ဝန်းကျင်မှာ ဂုဏ်ရှိစေချင်လို့ , တင့်တယ်စေချင်လို့  ဒါပဲရွေးရမယ်ဆိုတဲ့ အတင်းအကြပ်သဘောမျိုးတွေ မဖြစ်စေချင်ဘူး...

ကျွန်မတို့  ဆယ်တန်း တက္ကသိုလ်တွေ လျှောက်ကြတုန်းက ဆေးကျောင်းက အမှတ်အမြင့်ဆုံး... အာအိုင်တီက ဒုတိယပေါ့... ဆေးကျောင်းအမှတ်မှီပြီး အာအိုင်တီတက်ဖို့ ရူးသွပ်တဲ့ ကျွန်မသူငယ်ချင်းတယောက်ကို သူ့ မိဘတွေက ဆေးကျောင်းတက်ဖို့  အတင်းအကြပ်ဖိအားပေးခဲ့လို့ သူ့ ဝါသနာကို ကြောခိုင်းခဲ့ရတာ ကြားရတော့ အတော်စိတ်မကောင်းခဲ့ဘူး... ကိုယ်ဝါသနာပါရာ, ကိ်ုယ်ရူးသွပ်ရာလမ်းကြောင်းကို လျှောက်လမ်းရတဲ့အခါ အဲဒီလူဟာ ပိုလို့ ထူးချွန်အောင်မြင်မှာ သေချာပါတယ်... ပြီးတော့ ဝါသနာနဲ့  ဘဝဖြတ်သန်းခွင့်ရတာ ဘယ်လောက်ကံကောင်းလိုက်သလဲနော်...

ဆေးရုံတရုံဟာ ဆရာဝန်နဲ့ ချည်း ဖွဲ့ စည်းထားတာ မဟုတ်သလို, စက်ရုံတရုံဟာလဲ အင်ဂျင်နီယာတွေနဲ့ ချည်း လည်ပတ်နေတာမဟုတ်ပါဘူး... သူနာပြုမရှိပဲ ဆေးရုံတရုံမဖြစ်သလို သန့် ရှင်းရေးဝန်ထမ်းမရှိပဲ ဆေးရုံတရုံအဂါင်္ရပ်နဲ့ မညီနိုင်ပါဘူး... ဆရာဝန်, သူနာပြု, အင်ဂျင်နီယာ, ရှေ့ နေ, တရားသူကြီး, ဆရာမ, စစ်ဗိုလ်,စစ်သား, စာရင်းစစ်, စာရင်းကိုင် စသဖြင့် လောကကြီးမှာ အလုပ်အကိုင်တွေတိုင်းက သူ့ နေရာနဲ့ သူ မျှတစွာလိုအပ်ပါတယ်... ဒါကြောင့် ကိုယ့်ဝါသနာ, ကိုယ့်ရူးသွပ်မှုနဲ့  ကိုယ်ယုံကြည်ရာကို ရဲရဲဝံ့ဝံ့ရွေးခြယ်ကြပါလို့ တိုက်တွန်းချင်ပါတယ်...
ကျွန်မ မနှစ်က ဒါးက, ဝက်ထိုးမှာ Education event လေးသွားတော့ ကလေးတွေနဲ့  အမေးအဖြေလုပ်ခဲ့တုန်းက သိပ်ချစ်စရာကောင်းတဲ့အဖြေလေးတွေရခဲ့တာ မှတ်မိပါတယ်... ဆရာမလုပ်ချင်တယ်... သူနာပြုဖြစ်ချင်တယ်... ကလေးတယောက်ကဆို အားကြိုးမာန်တ ပြောတယ်... စစ်သားကြီးဖြစ်ချင်တယ်တဲ့... အဲဒါ သူတို့ လေးတွေရဲ့ဖြူစင်တဲ့ အနာဂတ်ရည်မှန်းချက်လေးတွေပါ... သွားကြပါစေ... အန္တရာယ်မရှိရင် ဘယ်လမ်းမဆိုရဲရဲဝံ့ဝံ့ လျှောက်ကြပါစေ... တခုပါပဲ... ကိုယ်လျှောက်တဲ့လမ်းမှာ အထူးချွန်ဆုံးဖြစ်အောင် ကြိုးစားကြဖို့ ပါပဲ... လမ်းပေါ်မှာ လမ်းမပျောက်သွားဖို့  အရေးကြီးပါတယ်...

နိုင်ငံခြားသွားရမလား

ဒီခေတ်ကြီးမှာ တော်တော်များများ စဉ်းစားကြတဲ့ လမ်းပေါ့နော်... မြန်မာနိုင်ငံပညာရေးစနစ်ကြီး ဆိုးဝါးနေလို့  သွားကိုသွားမှ ဖြစ်မယ်ဆိုတဲ့ အယူအဆကြီးတော့ ကျွန်မ အားမပေးချင်ပါဘူး...
ဒီနေရာမှာ ကျွန်မတိုက်တွန်းချင်တာကတော့ ဝါသနာရယ်, လက်ရှိရတဲ့အမှတ်, ဝင်ခွင့်စာမေးပွဲ စသဖြင့် ကိုက်ညီမှုရှိသလား... သေချာစဉ်းစားပါ... သူက အာအိုင်တီ အမှတ်တော့မှီတယ်... ဒါပေမယ့် ကျောင်းကြီးက အခွံပဲရှိတော့တာမို့ စင်္ကာပူက poly ပဲ လွှတ်တော့မယ်... US,UK, Ausi က ရရာ college လေး တက်ခိုင်းမယ်... အဲဒီလို အတွေးနဲ့ ဆုံးဖြတ်ချက်တွေကို ကျွန်မ နှမျောမိတယ်... မြန်မာနိုုင်ငံမှာ Bachelor’s degree တခု ရဖို့ အခြေအနေပေးပါလျက် သူများနိုင်ငံမှာ တဆင့်ချပြီး diploma သွားယူတာက ပညာရေးစနစ် ဘယ်လောက်ကွာဟတယ်ပြောပြော အချိန်တွေက ပိုတန်ဖိုးရှိတာမို့  သေချာစဉ်းစားသင့်ပါတယ်... နိုင်ငံခြားက တက္ကသိုလ် တခုခု တက်ခွင့်ရ တာမျိုးဆိုရင် ကျွန်မအားပေးပါတယ်... နိုင်ငံကြီးတွေမှာကိုပဲ ပညာရေးကို စီးပွားရေးအနေနဲ့  လုပ်နေကြတာမို့  နိုင်ငံခြားသွားတက်မယ်ဆို တဆင့်နိမ့်မတက်ဖို့ နဲ့  ကိုယ်တက်မယ့် တက္ကသိုလ်, ကောလိပ် ရဲ့ အခြေအနေကို သေချာ လေ့လာစုံစမ်းပြီးမှ တက်သင့်ပါတယ်...

ကျွန်မလက်လှမ်းမှီတဲ့ ယခုကျွန်မနေထိုင်နေတဲ့ စင်္ကာပူနိုင်ငံကိုပဲ ဥပမာပေးပါရစေ... Polytechnic မှာ diploma ရဖို့ ၃နစ်တက်ရပါတယ်.. university မှာ degree ရဖို့  နောက် ၃နှစ်ကြာပါတယ်..( full timeတက်ရင်ပါ, part timeဆို အလုပ်တဘက်နဲ့ မို့ ၅နှစ်လောက်အထိကြာနိုင်ပါတယ်) ... စုစုပေါင်း၆နှစ်တက်မလား... ဒါမှမဟုတ် မြန်မာနိုင်ငံမှာ degree တခုယူပြီးမှ master လာတက်မလား... ကျွန်မကတော့ ဒုတိယလမ်းကြောင်းကို ပိုစဉ်းစားစေချင်ပါတယ်... တကယ်လို့  မြန်မာနိုင်ငံမှာ degree ယူတုန်းက အမှတ်တွေသာကောင်းခဲ့ရင် စကောလာ့ရှစ်နဲ့ တက်ဖို့ အခွင့်တောင်ရှိပါတယ်... ကျွန်မကိုယ်တိုင်ရွေးခြယ်ခဲ့တဲ့လိုင်းပါ...

တကယ်လို့  ကိုယ့်ကလေးက မြန်မာနိုင်ငံမှာသာ ဆက်ထားရင် ဟိုမရောက်ဒီမရောက်နဲ့  အချိန်အားတွေများ လတ်လျားလတ်လျားဖြစ်ပြီး ပျက်ဆီးမှာစိုးရင်တော့ နိုင်ငံခြားပို့ သင့်ပါတယ်... အဲဒါမှ အချိန်တန်ဖိုးပိုသိလာသလို, ကိုယ့်ခြေထောက်ပေါ်လဲ ကိုယ်ရပ်တည်လာနိုင်မှာပါ...

တကယ်လို့  အဝေးသင်တက်ဖို့ စဉ်းစားခဲ့ရင် ပိုတဲ့အချိန်တွေကို အကျိုးရှိအောင် အလုပ်လုပ်သင့်ပါတယ်... ဘယ်အလုပ်မဆို လုပ်ရဲတဲ့သတ္တိကို မွေးကြပါ... ဒီနိုင်ငံမှာ ကလေးတွေကျောင်းပိတ်ရင် 7-Elevenတို့  McDonald’s ,KFC တို့ , ဟော်တယ်, စားသောက်ဆိုင်တခုခုတို့ မှာ part time ဝင်လုပ်ကြတယ်... ကျွန်မတို့ နိုင်ငံမှာလဲ အဲဒီလို အလုပ်မရွေးရင် လုပ်စရာတွေ အများကြီးပါ... အလုပ်ရတဲ့ အတွေ့ အကြုံကို ဘယ်သင်တန်းမှာမှ ပိုက်ဆံပေးတက်လို့ သင်ယူလို့ မရပါဘူး...

ဒီလောက်ဆို နိုင်ငံခြားသွားသင့်, မသွားသင့် စဉ်းစားလို့ ရလောက်ပြီထင်ပါတယ်...

ဆုံးဖြတ်ချက်တွေ မှန်ကန်စွာနဲ့ အနာဂတ်ကို အလှပဆုံးခြယ်မှုန်းနိုင်ကြပါစေ...

(ဘွဲ့ ရရင်ဘာလုပ်ကြမယ်ကို ဆက်ရေးပါမယ်)

တန်ခူး
7:52am
8-Jun-2018

ဝါဆိုအလွမ်း

ဝါဆိုရေ...

မိုးစက်တွေဟာ အတိတ်ကလို သစ္စာရှိတုန်းပဲ...
တို့ ခြံထောင့်က စပယ်ရုံလေးကလဲ မွှေးပျံ့ နေတုန်းပဲ...
စာသင်ကျောင်းက ခေါင်းလောင်းသံတွေကလဲ အချိန်မှန်နေတုန်းပဲ...
အဖြူနဲ့ အစ်ိမ်းရောင်လေးတွေ မျက်စိရှေ့ က ဖြတ်ပြေးတိုင်း ပန်းသီးတလုံးလို လတ်ဆတ်ခဲ့တဲ့ ရင်ခုန်သံတွေကို သတိရတယ်...
ဘဝဆိုတာ ကျောင်းသင်ခန်းစာဆိုတဲ့ ပုံစံခွက်တခုထဲကနေ ခုန်ထွက်ခဲ့ဖူးတဲ့အချိန်တွေဟာ ခုပြန်တွေးတော့ ဆွတ်ပျံ့ ဖွယ်...
သစ်ပင်တက်နေဆဲငါက သစ်ရွက်လှုပ်ရုံနဲ့ တော်ရုံရင်မခုန်တတ်တဲ့ ခပ်ရွတ်ရွတ်ဆယ်ကျော်သက်...
ဓာတုဗေဒစာအုပ်အောက်မှာ တက္ကသိုလ်ဘုန်းနိုင်ဝတ္ထုတွေဝှက်ပြီး အဖေမသိအောင် ခိုးဖတ်ရတာတော့ ရင်အခုန်မြန်တယ်...
ခုချိန်ပြန်တွေ့ ရင်မေးကြည့်ချင်တာက နင်နဲ့ ငါ အဲဒီတုန်းက ဆံပင်ပုံလေးတွေ ဘာလို့ တူနေခဲ့တာလဲ... ငါကြိုက်တဲ့ကောင်မလေးတွေနဲ့  နင်ကြိုက်တဲ့ကောင်မလေးတွေရော ဘာလို့ လာလာတူနေခဲ့တာလဲ... ရီချင်စရာနော်ဝါဆို...
သူများတွေစာအော်ကျက်တော့ ငါက ပျင်းစရာကောင်းလွန်းတဲ့သမိုင်းစာတွေကို တူးတူးသီချင်းတွေဖွင့်ရင်း မှတ်တယ်... ကက်ဆက်ခွေ အငှားဆိုင်က အင်ဂျင်နီယာဦးလေးကြီးက တူးတူးခွေဆို ငါ့အတွက် အမြဲချန်ထားပေးပြီး သမီးဆရာဝန်မလုပ်နဲ့  အင်ဂျင်နီယာပဲလုပ်လို့  အမြဲပြောတတ်တယ်... တကယ်က နင်ကငါ့ထက် အင်ဂျင်နီယာရူးသွပ်သူ...
အားမနာတမ်းပြောရရင် သင်္ချာတွေတွက်ရင်း နင်ဆိုညည်းတတ်တဲ့ အမုန်းမျက်လုံးသီချင်းကတော့ အတော်ချာတာပဲ...
နင်တော်တာဆိုလို့  ငါ့ဆီက ငှားသွားတဲစာအုပ်လေးတွေကို အဖုံးလှလှလေးတွေ ဖုံးပေးတာပဲရှိတယ်... အဲဒီတုန်းက ကျောင်းရှေ့ လာရောင်းတဲ့ Time Magazine ထဲက ဆုတ်ထားတဲ့ ကာလာနဲ့ စာမျက်နှာလေးတွေကို ၁ဝပြားပေးပြီး ဖုံးခဲ့ရတာ... ပါတိတ်လေးတွေဝတ်ထားတဲ့ စင်္ကာပူလေကြောင်းလိုင်းက လေယဉ်မယ်လေးတွေပုံများတွေ့ ရင် အလုအယက်ဝယ်ရတာ...
နင်ငါ့ကိုဖုံးပေးတဲ့စာအုပ်ဖုံးလေးတွေက ကျောက်မျက်ပြက္ခဒိန်ကကောင်မလေးချောချောလေးတွေ... လှမှလှ... အဲဒါငါစာရှင်းပြခပေါ့ဝါဆိုရေ... တကယ်က နင်ကဉာဏ်ကောင်းသူ... ဒါပေမယ့်စာမကြိုးစားချင်တဲ့ငဆိုး... ကောင်မလေးတွေ ပိုးဖို့ ပဲစဉ်းစားနေတတ်သူ...
မှတ်မိနေသေးတယ်ဝါဆို... မနက်အစောကြီး ငါတက်တဲ့ အင်္ဂလိပ်စာကျူရှင်အခန်းထဲမှာ ပြုံးဖြီးဖြီးနဲ့ နင့်မျက်နှာကြီးကို... စာလိုချင်တဲ့မျက်နှာတစက်မှမပေါက်တဲ့ရုပ်ပေါ့...
သတိရစရာတွေဟာ ပြန်စဉ်းစားကြည့်ရင် တို့ ခေတ်က ကင်မရာတွေထဲ ထည့်ရတဲ့ဖလင်လိပ်တွေလို အစဆွဲလိုက်ရင် တခွေလုံးပါတတ်တာမျိုးနော်...
သော်ကပန်းနီနီလေးတွေရယ်, ဂျာကင်အနက်ရောင်နွေးနွေးလေးရယ်, writing pad လှလှလေးတွေရယ်, ဆီလွန်လွယ်အိတ်ကလေးပေါ်က စတီးကြယ်စိလေးတွေနဲ့ ထိုးခဲ့တဲ့နာမည်လေးတွေရယ်, သရဲကြောက်တဲ့ညတွေရယ်, ဖုန်းထဲက စကားသံတွေရယ်...
ငါလေစာတွေ အများကြီးရေးခဲ့တယ်...
ဘဝမှာ ကြံဖူးတွေ့ ဖူးခဲ့တဲ့သူတွေအကြောင်း...
အဖြစ်အပျက်တွေအကြောင်း...
နင့်အကြောင်းရေးမလို့ ကြံတိုင်းငါ့လက်တွေ တွန့် ဆုတ်နေခဲ့တယ်... ဘာလို့ လဲ ငါလဲမသိဘူး... ဒီနေ့ တော့ ချရေးဖြစ်တယ်... မရေးဖြစ်ခဲ့တဲ့နင့်အကြောင်းကို အရိုးသားဆုံး, အဖြူစင်ဆုံးသတိရခြင်းသက်သက်နဲ့ ပါ...
မိုးကအရင်တုန်းကအတိုင်းရွာနေပြီကွယ်
လွမ်းတယ်ဝါဆိုရယ်...

တန်ခူး
1:41pm
7 Jun 2018

ပန်းသီးပုပ်တွေအကြောင်း

တချို့ အရာတွေက
အချိန်ကာလတခုလိုတယ်
ရိုးသားမှုစစ်မှန်ရင်
ဘက်မလိုက်ဖူး
ဒိုင်လုပ်ချင်ရင်
အလင်းထဲကကြည့်
ရာဇဝင်ဆိုတာ
ပြန်ညှိလို့ ရတဲ့အရာမှမဟုတ်တာ
ရှူးးး တိုးတိုး
မင်းအော်ရောင်းနေတဲ့
ပန်းသီးပုပ်တွေအကြောင်း
လူတွေပြောကြပါလိမ့်မယ်

တန်ခူး
12:02am
8-Jun-2018

ဆေးလား,ဘေးလား



"ဂီတာအိုတောင်
ပျိုရွယ်နေဆဲတေးသံတွေ
သီချင်းသစ်ဖြစ်သေးရင်
အကြင်နာဆိုတာ
ဒီတယောက်နဲ့ ပဲ
ပြီးသင့်သလား"
မေမြို့ မိုးသီချင်းစာသားတွေဟာ
ဖောက်ပြန်တတ်တဲ့
ယောင်္ကျားတွေအတွက်
လက်နက်တွေဖြစ်
ခေတ်ကြီးကိုက
မီးဖိုချောင်ဝင်နေတဲ့
မိန်းမအလစ်
ကလစ်တချက်နဲ့ 
ချစ်လို့ ရတဲ့ခေတ်...

ဇရာကိုလှည့်စား
Apps တွေများများလာတော့
မှုန်နေအောင်လှသူတွေကလဲ
အများသား
အရေးအကြောင်းတွေဖျောက်
ကောက်ကြောင်းတွေရောက်
အသက်၂၀နဲ့ ၅၀
ရွယ်တူလိုဖြစ်
အမယ်...
လူတွေအလစ်မှာ
နှလုံးသားအသစ်တွေနဲ့ 
ချစ်နေကြတော့
ဟိုအန်တီကြီးနဲ့ မော်ဒယ်သူငယ်ဇာတ်လမ်း
ဆန်းတော့မဆန်းဘူးရယ်...

မိန်းမတယောက်
ညရောက်မှ
ပျော်သင့်သလား
သောက်သင့်သလား
DJသင့်သလား
လွတ်လပ်မှုအဓိပ္ပါယ်
လွဲမှားမှုတွေကြား
ဖို ဝါဒီနဲ့ မ ဝါဒီမကွဲပြား
ဘေဘီပျော်နေသလားတဲ့
ဘယ်သူ့ ကဘယ်သူ့ ကိုညာ
ဘယ်သူ့ ကဘယ်သူ့ ကိုနာစေတာ
ကာယကံတွေသာအသိဆုံးဖြစ်မယ်...

ခက်တယ်
၅၀ကျော်ရင်
U turn တတ်သလား
အဖီးတလိုင်း
Status တွေကြားမှာ
ကိုကိုလား, မောင်လား
ဘေဘီလား, ချာတိတ်လား
အိမ်ကယောင်္ကျားမှအားမနာ
ကဗျာ, အက်ဆေး
စာတွေရေး
ကွေးပြနေတာ
အနုပညာလား
ဖောက်ပြန်မှုလား
ရှင်းပြပါလားအန်တီ...

Messenger ဟာ
ဈေးပေါပေါ
အချိန်ပိုင်းဟိုတယ်တခုထက်တန်တယ်
တချိန်တည်း
၂ယောက်ထက်မနဲ
တွဲလို့ ရတယ်...
Viber ဆိုတာ
ကာရာအိုကေလို
လူမမြင်ဘူး
ကျူချင်တိုင်း
ကျူလို့ ရတယ်တဲ့
စားနေကျကြောင်ဖားတွေစကား
Desperate Housewives တွေ
ကြားစေချင်လိုက်တာ...

ဝေးသွားတဲ့အခါ
ချစ်သစ္စာစွဲမြဲထားဦးနော်
အိုမေရယ်
မမေ့နဲ့ ယုံကြည်ပါတဲ့
ကိုငှက်ရယ်
လာဆိုပြလှဲ့ ပါ
ဝေးမသွားပါဘူး
ဧည့်ခန်းတခုထဲမှာ
အဆိပ်ဖုန်းတလုံးနဲ့ 
နည်းပညာရဲ့
ဖျားယောင်းမှုအောက်မှာ
သစ္စာတရားတွေ
ပါးလျကြေမွ
ရစရာမရှိတော့တာ...
သီလတွေလွယ်လွယ်ကျိုး
လင်းနေပါသော်လည်း
အမှောင်တွေထဲတိုးတိုးနေကြတာ...

ဒီလိုနဲ့ ပဲ
လက်မှိုင်ချလိုက်ရတော့မှာလား
ဇူကာဘတ်ရယ်
Facebook ဆိုတာ
သုံးတတ်လျင်ဆေး
မသုံးတတ်လျင်ဘေးဆိုတာ
သူတို့ သိအောင်ပြောပြပေး
တော်ကြာ
ငရဲပြည်မလောက်လို့ 
ကျူးကျော်တွေရောက်မစိုးလို့ ပါ...။

တန်ခူး
4:31pm
5-Jun-2018

Thursday, February 8, 2018

ဆယ်ကျော်သက်

ဒီမနက် ဆယ်ကျော်သက်အရွယ်ကျောင်းသူလေးကို ဆရာမက သူ့ ဖုန်းခိုးတယ်ဆို စွတ်စွဲလို့  ကျောင်းသူလေး ကိုယ့်ကိုယ်ကို သတ်သေသွားတယ်ဆိုတဲ့သတင်းကို ဖတ်မိတော့ ရင်ထဲမှာ အတော့်ကို ဝမ်းနည်းကြေကွဲမိတယ်... ဖုန်းတလုံးနဲ့ ဘဝတခုလဲလိုက်ရတဲ့အဖြစ်... ဆရာမရဲ့လုပ်ရပ်တွေကလဲ ပြင်းထန်လွန်းလိုက်တာ... အထူးသဖြင့် ဆယ်ကျော်သက်အရွယ်တွေကို သင်တဲ့ဆရာမဟာ ဆယ်ကျော်သက်အရွယ်ရဲ့ စိတ်အခြေအနေတွေကို လေ့လာထားသင့်တယ်... လက်လွတ်စပယ် ပြောဆို, စွတ်စွဲအရှက်ရစေတာဟာ အတော့်ကို လက်ခံလို့ မရတဲ့အဖြစ်... ကျွန်မက ဆယ်ကျော်သက်အရွယ်သားတယောက်ရဲ့မိခင်ဖြစ်နေတော့ ဒီအဖြစ်အပျက်ကို မိဘနေရာက ပူးဝင်ခံစားရင်း ကြေကွဲမိတယ်...

သားသုတလေးကို ကျန်းမာရေး, ပညာရေး, လူမှုရေး, ဘာသာရေးစသဖြင့် လူ့ ဘဝထဲဝင်တဲ့အခါ အဆင်သင့်ဖြစ်အောင်ဆို ဟိုးငယ်ငယ်လေးကတည်းက အသေးစိတ်လေးကအစ ကျွန်မနည်းကျွန်မဟန်နဲ့  ပျိုးထောင်ခဲ့တယ်... အရွယ်အမျိုးမျိုးမှာ အခက်အခဲအမျိုးမျိုးရှိခဲ့ပေမယ့် ကျွန်မဖြေရှင်းခဲ့လို့ ရတာချည်းပါပဲ... အဲဒီအခက်အခဲတွေထဲမှာ အခက်ခဲဆုံးအရွယ်ကတော့ ဆယ်ကျော်သက်အရွယ်ပါ... မနှစ်ကစလို့  သားလေးရဲ့ဆယ်ကျော်သက်လက္ခဏာတွေ စပြလာတဲ့အခါ ကျွန်မအတွက် အဆင့်တိုင်းအဆင့်တိုင်းဟာ မျှော်လင့်မထားတဲ့ challenging တွေချည်းပါ... အတော်လဲစိတ်ပင်ပန်းရတဲ့အချိန်တွေပါပဲ... အဲဒီလိုပြောတော့ သားလေးက သိပ်ဆိုးနေလို့ လားလို့ မေးရင် မဆိုးပါဘူးလို့ ပဲဖြေရမှာပါ... အမြဲတမ်း သားကိုသွန်သင်တဲ့အခါမှာ ချောမွေ့ နေခဲ့မှုလေးတွေဟာ ဆယ်ကျော်သက်ရဲ့ ခေါင်းမာမှုတွေကြောင့် ကျွန်မနဲ့ သားကြား တင်းမာမှုတွေ ရှိလာခဲ့တာတွေကြောင့်လို့ ဆိုလို့ ရပါတယ်... ဒီpost ကို ရေးရတဲ့ရည်ရွယ်ချက်က ဆယ်ကျော်သက်အရွယ်ကလေးမိဘတွေအတွက် ကျွန်မအတွေ့ အကြုံတွေမျှဝေချင်တဲ့ စေတနာနဲ့ ပါ... တယောက်နဲ့ တယောက် အတွေ့ အကြုံတွေတူချင်မှ တူပါလိမ့်မယ်... ကျွန်မတွေ့ ကြုံရတဲ့အခက်အခဲတွေကို တချို့ လူတွေကြုံတွေ့ ရကောင်း ကြုံတွေ့ နိုင်တာမို့  ဝေမျှပေးခြင်းပါ...

သားသုတက နိုင်ငံရပ်ခြားမှာ ကြီးပြင်းရသူမို့  ကျွန်မရဲ့အကြီးမားဆုံးမျှော်လင့်ချက်(အစိုးရ်ိမ်ဆုံးလို့ လဲပြောလို့ ရတာပေါ့လေ) က လိမ္မာယဉ်ကျေးတဲ့မြန်မာအမျိုးသားလေးဖြစ်ဖို့ ပါ... ကိုယ်ချင်းစာတရား, မေတ္တာတရားတွေထားတတ်ဖို့ ပါ... ဆရာဝန်ကြီး, အင်ဂျင်နီယာကြီးတွေဖြစ်ဖို့ ကျွန်မ အဲဒီလောက် မျှော်လင့်ချက်တွေမပြင်းပြပါဘူး... လူတန်းစေ့နေနိုင်မယ့် ပညာတခုတတ်ရင် ကျေနပ်ပါပြီ... ဒါပေမယ့် နှလုံးရည်ညံ့မှာတော့ ကျွန်မစိုးရိမ်ပူပန်မိတာအမှန်ပါပဲ...

ဒီနိုင်ငံမှာ Secondary 1 က စလို့  smart phone ပေးကိုင်ရပါပြီ... ကျောင်းက communications တွေက what’s app group တွေနဲ့ အသုံးများတာကြောင့် ပေးကိုပေးရပါတယ်... ပြဿနာက အဲဒီကစပါတယ်... ဖုန်းကိုစွဲတော့တာပဲ... စကားပြောနဲလာတယ်... မိဘနဲ့ ထိတွေ့ မှုနဲလာတယ်... စက်ရုပ်ဆန်လာတယ်... သားက ကျွန်မလို multitasking သမားမဟုတ်တော့ ပိုဆိုးတော့တာပေါ့... ဖုန်းကိုင်နေရင် ဘာမှမကြား, ပတ်ဝန်းကျင်ဘာဖြစ်လို့ ဖြစ်နေမှန်းမသိ... အဲဒီလိုအဖြစ်ကြီးကို ငယ်ငယ်ကလို ဖုန်းသိမ်းတဲ့နည်းနဲ့ Control လုပ်တယ်, အချိန်နဲ့ သုံးဖို့ စည်းကမ်းထားတယ်... အဲဒီမှာ သားနဲ့ ကျွန်မကြား ပြဿနာတွေ စတယ်... ဆယ်ကျော်သက်အရွယ်မှာ ထိန်းချူပ်ခံရတာကို မလိုလားတတ်ကြဘူးလေ... ခံစားချက်တွေက အဆုံးစွန်ရောက်တတ်တာ... သူ့ ဘဝကပဲ သူများတွေထက်ဆိုးနေသလိုမျိုးပေါ့... ထိန်းလေ ရုန်းလေ ဆိုတာ ကျွန်မသဘောပေါက်လာသလို ကျွန်မငယ်ဘဝကို ပြန်စဉ်းစားကြည့်မိတယ်... ဒီအခါ သားနေရာက ကျွန်မပြန်စဉ်းစားတာပါ...

ကျွန်မဟာ မိဘတွေရဲ့ပုံစံခွက်ထဲမှာ ကြီးပြင်းလာရသူပါ... အင်္ကျိအဝတ်အစားကအစ မိဘရွေးတာ ဝတ်ရတယ်... တက္ကသိုလ်ရောက်လို့ ဘာသာတွဲရွေးတာက အစမိဘစိတ်တိုင်းကျရွေးရတယ်... ကျွန်မမိဘတွေ ကျွန်မကို ဆုံးမရအခက်ဆုံးအချိန်က 2nd year အရေးအခင်းတွေ ဖြစ်တဲ့အချိန်... ကျွန်မ ၁၈နှစ်အရွယ်လောက်ကပေါ့... အာအိုင်တီသပ်ိတ်မှာ မိဘတွေမသိအောင် အိမ်ကခိုးခိုးထွက်ပြီး သွားလှုပ်ရှားတယ်... အိမ်က သိသွားတော့ အိမ်တံခါးသော့ခပ်ပြီး ကျွန်မကို ထောင်ချသလို ထားခဲ့တယ်... အဲဒီမှာ ဆယ်ကျော်သက် ဇာတိပြတော့တာပဲ... ထိန်းလေ ရုန်းချင်လေ... အဲဒီတုန်းက ကျွန်မတို့ အ်ိမ်က ခြေတံရှည်ပျဉ်ထောင်အိမ်လေးပါ... ပိတ်ထားတဲ့ ပြူတင်းတံခါးကနေ ကျွန်မ အောက်ကိုခုန်ချခဲ့တယ်... အတော်လေးမြင့်တာ အောက်ရောက်မှသိတယ်... ကြီးကြီးမသိအောင် ခြံတံခါးကို ကျော်တက်ပြီး အာအိုင်တီသွားဖို့  သူငယ်ချင်းအိမ်သွားခဲ့တယ်... အဲဒီမှာ စိတ်မချလို့ အိမ်ကိုလာချောင်းတဲ့အဖေနဲ့ တွေ့ တော့ ကျွန်မကို အဖေက ရိုက်နှက်အိမ်ကိုခေါ်သွားခဲ့တယ်... ကိုယ်လုပ်တာဘာမှားလို့ လဲဆိုတဲ့ ဆယ်ကျော်သက်အရွယ်ရဲ့ခေါင်းမာမှုမှာ မိဘနေရာက ကိုယ်ချင်းမစာနိုင်ခဲ့... ညဘက်တွေကျ လမ်းပေါ်မှာ စစ်ဖိနပ်သံတွေကြားရင် အိမ်တွေ အမှောင်ချလို့  တိတ်တိတ်လေးငြိမ်ကြရတဲ့အချိန်မှာ ကျွန်မက ကိုယ့်မျက်စိရှေ့ တင် အဖြူအစိမ်းဝတ်ကျောင်းသားလေးတွေ သေနတ်ဒဏ်ရာတွေရကုန်တဲ့မြင်ကွင်းပဲ ပြေးပြေးမြင်ပြီး နောက်ဖေးမီးဖိုချောင်က အမေအသားခုတ်တဲ့ဓားမပြေးဆွဲပြီး အိမ်ရှေ့ လမ်းပေါ်ထွက်ဖို့ လုပ်တာ... ဆယ်ကျော်သက်အရွယ်ရဲ့ တဖက်စွန်းကျတဲ့ခံစားမှု... ကျွန်မကို ဖေရယ်, မေရယ်, ကြီးကြီးရယ် ၃ယောက် ဝိုင်းချူပ်ကြရတယ်... ခုပြန်စဉ်းစားတော့ အဲဒီအချိန်က ကျွန်မမိဘတွေ ဘယ်လောက်များ စိုးရိမ်ပူပန်စိတ်ဆင်းရဲခဲ့ကြလေမလဲ... ဆယ်ကျော်သက်အရွယ်မှာ စိတ်ခံစားမှုပြင်းထန်တဲ့အခါ ဘာကိုမှမမြင်ရတဲ့ ကျွန်မအတိတ်ကို ကျွန်မပြန်ကြည့်ဖြစ်တယ်...

ကျွန်မဆယ်ကျော်သက်နဲ့ သားဆယ်ကျော်သက် ချိန်ထိုးစဉ်းစားမိတဲ့အခါ ကျွန်မက သားထက်ပိုခေါင်းမာတာတွေ့ ရတော့ သားနေရာက ကိုယ်ချင်းစာပြီး ကျွန်မစံတွေ လျော့ချပစ်ရတော့တယ်... သူဖုန်းသုံးနေတာ အန္တရာယ်ရှိတဲ့အလုပ်မှ မဟုတ်တာပဲလေလို့ ဖြေတွေးတယ်... ဖုန်းလျော့သုံးဖို့ အတင်းအကျပ်မဟုတ်တဲ့ တခြားနည်းတွေ စဉ်းစားတယ်... ဥပမာ- ကျွန်မအိမ်ရှင်းနေတုန်း သားကိုတခုခုကူခိုင်းတာမျိုး, ကျွန်မအပြင်သွားအဝတ်တွေမီးပူတိုက်နေတုန်း သားကို အိမ်နေရင်းအဝတ်တွေခေါက်ခိုင်းတာမျိုး, ကျွန်မတပတ်စာဈေးဝယ်ရင် မေမေတယောက်ထဲလေးလို့ လိုက်ခဲ့ပေးပါဆိုတာမျိုး... အဲဒီလိုတွေ ဉာဏ်သုံးပြီး ဖုန်းသုံးချိန်နဲအောင်, ကျွန်မနဲ့ စကားတွေပြောအောင် လုပ်ရပါတယ်... သားဟာ ဖုန်းနဲ့ ဝေးနေချိန်ဆို ငယ်ငယ်ကလို သိပ်ချစ်စရာကောင်းပါတယ်... အဲဒီအချိန်ဆို သူကစကားတွေ ဆက်တိုက်ပြောတတ်တယ်... သူနဲ့စကားတွေပြောမှ သူဖုန်းသုံးတဲ့အခါ စာတွေဖတ်နေတယ်ဆိုတာ သိရတယ်... ကျွန်မ မသိသေးတဲ့ trump အကြောင်းတွေကအစ AI( artificial intelligence) အကြောင်းအထိ သူနှံ့ စပ်အောင်လေ့လာထားတာ ကြားရတော့ ကျွန်မသက်ပြင်းခိုးချမိတယ်... သူစိတ်ဝင်စားတဲ့အကြောင်းအရာတွေမဆိုးသေးဘူးပေါ့...

ဆယ်ကျော်သက်အရွယ်မှာ တခါတလေ လက်ခံလို့ ကို မရတဲ့ခေါင်းမာမှုတွေကလဲ အများသား... မနှစ်က စာမေးပွဲတခုမှာ ကျွန်မကို timetable မပြ... သူမဖြေရသေးဘူးထင်လို့  ကျွန်မက သတိပေးတော့မှ ဒီနေ့ စာမေးပွဲနောက်ဆုံးနေ့ မေမေလို့ ပြောတော့ ကျွန်မအတော်လေးကို ဒေါသထွက်မိတယ်... စာတလုံးမှမဖတ်ပဲ သွားဖြေတဲ့စာမေးပွဲကျပြီ, သွားပြီလို့ ကျွန်မတွက်ခဲ့တာ... result ထွက်လာတော့ ပြုံးဖြီးဖြီးနဲ့ လာပြောတယ်... မေမေ သားအတန်းထဲမှာ Maths နဲ့  physics အများဆုံးတဲ့... ကျွန်မအတော်လေးအံ့သြသွားပြီး ကျက်စာတွေအောင်လားဆိုတော့ အကုန်အောင်တယ်တဲ့... တခါတလေ ကိုယ့်ရဲ့စိုးရိမ်ပူပန်မှုတွေကပဲများနေသလားတွေးမိပြီး သားက်ိုလေပြေလေးနဲ့ ပြောရတယ်... စာမကျက်ပဲနဲ့ တောင် ဒီလိုဆို စာလေးသာပုံမှန်လုပ်ရင် အမှတ်တွေဒီထက်ပိုကောင်းမှာပေါ့သားရယ်လို့ ...

ကျွန်မက နူးညံ့ပျော့ပြောင်းချိုချိုသာသာထဲက မဟုတ်ပါဘူး... ဒါပေမယ့် ဆယ်ကျော်သက်အရွယ်မှာ သတိထားရတဲ့အချက်တွေက စကားနားမထောင်တိုင်း စိတ်လက်မာန်ပါ မရိုက်မိဖို့ ရယ်, သူများနဲ့ နှိုင်းယှဉ်မပြောမိဖို့ ရယ်, လူ့ ရှေ့ သူ့ ရှေ့ မှာ သူအရှက်ရစေတဲ့အကြောင်းအရာတွေ မပြောမိဖို့ ရယ်, ပြီးတော့ သူ့ privacy မထိခိုက်မိဖို့ ရယ်ပါ... သူတို့ အရွယ်က ထိလွယ်ရှလွယ်ခံစားလွယ်မို့ အတော်လေးသတိထားရပါတယ်... ထိန်းတော့ထိန်း မသိမသာထိန်းဆိုပြီး ကျွန်မကိုယ်ကျွန်မပဲ ခဏခဏပြန်သတိပေးရပါတယ်...

မိဘတွေဆီက လွတ်မြောက်ပြီ, လူကြီးဖြစ်ပြီဆိုတာ ပြချင်တော့ ကျောင်းလိုက်ပို့ တာလဲမခံချင်သလို , လမ်းလျှောက်လို့ လက်လေးတွဲ, ပုခုံးလေးဖက်တာတောင် မခံချင်တော့ပါဘူး... ဒါက လူ့ ရှေ့ သူ့ ရှေ့ မို့ ပေမယ် မနက်ခင်း သူ့ အဖေကားမောင်းပြီး ကျောင်းပို့ တဲ့အခါ ကျွန်မက မေတ္တာသုတ်လေးရွတ်ပေးရင် ခေါင်းလေးထိုးခံပြီး ကားပေါ်ကဆင်းလို့ နဖူးလေးနမ်းရင် ကျေနပ်နေတတ်ပြန်ရော... ခုထိကျွန်မနဲ့ တခန်းထဲအိပ်တုန်းပါ... ပြောချင်တာက ဆယ်ကျော်သက်စိတ်လေးတွေဟာ ဟိုမရောက် ဒီမရောက်နဲ့ တခါတခါ သံပုရာသီးလေးဖြစ်လိုက် တခါတခါပန်းသီးလေးဖြစ်လိုက်နဲ့  ကိုင်တွယ်ရအတော်လက်ပေါက်ကပ်တဲ့အရွယ်ပါ...

ဒီအရွယ်မှာ မိဘတွေသတိထားရမယ့် အရေးကြီးဆုံးအချက်ကတော့ အရှက်ရစေမယ့်စကား, အပြုအမူမပြောမိအောင်, မလုပ်မိအောင်နဲ့  စိတ်ဖိစီးမှုသိပ်မပေးဖြစ်အောင်ပါ... သူတို့ ခံစားမှုအတိမ်အနက်ဟာ ခန့် မှန်းရအရမ်းခက်ပါတယ်... ကျောင်းကဆရာ,ဆရာမနဲ့ သူငယ်ချင်းတွေရဲ့ဆက်ဆံရေးတွေလဲ အမြဲမပြတ်သတိထားမိဖို့ လိုပါတယ်... ကျွန်မအစချီခဲ့တဲ့ ကြေကွဲစရာသတင်းထဲက ဆရာမနဲ့ ကျောင်းသူလေးရဲ့ဆက်ဆံရေးမှာ ဒီအဖြစ်ဆိုးကြီးမတိုင်မှီ မပြေလည်ခြင်းတွေ, နှိမ်ချဆက်ဆံခြင်းတွေရှိနေမယ်လို့  ကျွန်မသံသယဖြစ်မိတယ်... ကျွန်မတို့ ဆယ်ကျော်သက်ရင်သွေးလေးတွေရဲ့လုံခြုံရေးဟာ မိဘ, ဆရာတွေရဲ့ ကိုင်တွယ်တတ်မှုပေါ်မှာ အရမ်းမူတည်တာကြောင့် ဒီpost လေးနဲ့ ကိုယ့်ကိုယ်ကိုလဲ သတိပေးရင်း ကျွန်မနဲ့ ဘဝတူမိဘတွေကိုလဲ ချစ်ခြင်းအားဖြင့် သတိပေးပါရစေနော်...။

တန်ခူး
9:51am
8-Feb-2018

Wednesday, February 7, 2018

Debate vs Quarrel

ခုတလော facebook ကြည့်လိုက်ရင် live အပြန်အလှန်တိုက်ပွဲတွေ ဟိုက ဒီက share ကြတာ တွေ့ ရတယ်... သားနဲ့ အခန်းထဲမှာ နားနေတုန်း ဘာတွေလဲဆို ဖွင့်ကြည့်လိုက်တော့ ဘာမှန်းတောင်မသိသေး ညစ်ညမ်းတဲ့အဆဲတွေ ဆက်တိုက်ကြားရတော့ သားက လှမ်းမေးတယ်... ဘာတွေလဲမေမေတဲ့... အမြန်ဆုံးပိတ်လိုက်ရတယ်... အယူအဆတွေ ကွဲလွဲလို့ ရပါတယ်... အတွေးအခေါ်တွေကွဲလွဲလို့ ရပါတယ်... ကိုယ့်အယူအဆ, အတွေးအခေါ်ကို သူများကလက်ခံစေချင်ရင် လက်ခံနိုင်ဖို့ ပြောတတ်အောင်လေ့ကျင့်ပါ... ဆဲခြင်းဘာသာဗေဒနဲ့ ပြောရင် လက်မခံတဲ့အပြင် အရင်က ကိုယ့်လက်ခံတဲ့သူတွေတောင် လက်မခံတဲ့အခြေအနေဖြစ်သွားတတ်ပါတယ်... ဆဲမှ အနိုင်ရတာ မဟုတ်ပါဘူး... ကိုယ်ပြောချင်တဲ့အချက်ကို အသေအချာထိထိမိမိသူများလက်ခံလာအောင် ပြောတတ်မှ ပညာပါ...

ကျွန်မကိုယ်တွေ့ အဖြစ်အပျက်လေးပြောပြရရင် ကျွန်မငယ်ငယ်က ရပ်ကွက်ထဲမှာ အရမ်းကစားချင်ဆော့ချင်တယ်... စည်းကမ်းကြီးတဲ့မိဘတွေက တချို့ ကလေးတွေဆဲသံကြားရတော့ ခွင့်မပြုဘူး... အဆော့အကစားသန်တဲ့ကျွန်မ အတင်းပူဆာတော့ မေမေက ကတိတခုတောင်းတယ်... သူများဆီက အဆဲတွေကူးမလာပါဘူးဆို ကစားတဲ့... မေမေ့ကို ကတိပေးခဲ့တယ်... တကယ်သွားဆော့တော့ ကစားလို့ ရှုံးရင် အဆဲနဲ့ အနိုင်ယူကြတယ်, အဆဲနဲ့ ငြင်းခုန်ကြတယ်... အဲဒီမှာ မဟုတ်မခံကျွန်မက ကိုယ်လဲမှန်နေပါလျက် နေရင်းထိုင်ရင်း အဆဲချည်းခံနေရတော့ စဉ်းစားတယ်, ဘယ်လိုအထိရောက်ဆုံးနည်းနဲ့  တုန့် ပြန်မလဲ... ကစားပွဲမှာ ကိုယ်ကနိုင်နေပါလျက်နဲ့  အဆဲခံထိ မစိုးလို့  အရှုံးပေးပါတယ်လို့  ပြောလိုက်ရတာကို ကလေးပီပီမခံချင်... ဒီမှာ အဆဲမပါပဲ, ရိုင်းစိုင်းတဲ့စကားလုံးမပါပဲ ကိုယ်မှန်တယ်ဆိုတာကို ချက်ကျလက်ကျ, ရဲရဲဝံ့ဝံ့ပြောတတ်အောင်ကြိုးစားခဲ့တယ်... အဆဲမပါပဲ ကျွန်မငယ်ဘဝရပ်တည်နိုင်ခဲ့တယ်... နောက်ပိုင်း ကျွန်မနဲ့ကစားရင်း ဆဲရမှာတောင် သူတို့ ဝန်လေးလာတယ်... သဘာဝတရားကိုက ဆိုးတာနဲ့ ကောင်းတာ ကောင်းတာကို ပိုလုပ်ချင်ကြတာပါ...

မနှစ်က ကျွန်မ ဧရာဝတီတိုင်း ဒါးက, ဝက်ထိုးနဲ့ ပုသိမ်က ကလေးတွေအတွက် educational event လေးလုပ်ခဲ့တဲ့အခါ debate program လေးထည့်ခဲ့တယ်... အရမ်းအားရစရာကောင်းပါတယ်... ခေါင်းစဉ်က "အလွတ်ကျက်သင့်, မကျက်သင့်"တဲ့... ကလေးတွေ debate concept ကိုနားလည်ကြတယ်... ကိုယ်ယုံကြည်ရာကို အချက်အလက်ပြည့်ပြည့်စုံစုံနဲ့  သေချာ ပြောနိုင်ကြတယ်... ဒေါသမပါဘူး... အရမ်းအားရစရာကောင်းပါတယ်...

ကျွန်မ ရေးခဲ့ဖူးတဲ့ Debate vs. Quarrel ဆိုတဲ့စာလေးပြန်တင်ပေးလိုက်ပါတယ်... ကိုယ့်ယုံကြည်ချက်, ရပ်တည်ရာကို ယဉ်ကျေးစွာရပ်တည်နိုင်ကြပါစေ...

Debate vs. Quarrel
==============

ပုဂံနဲ့ ပတ်သက်ပြီး ကျွန်မတို့ နိုင်ငံရဲ့ အရင်က အတော့်ကိုနာမည်ကြီးတဲ့ အာဏာရှင်တယောက်နဲ့  အင်တာဗျူးကို ကြည့်မိတော့ မနေ့ က သားနဲ့  ကားပေါ်မှာ ဆွေးနွေးဖြစ်တာလေး သွားသတိရတယ်...

"မေမေ... တကယ်ဆို အင်္ဂလိပ်က မြန်မာပြည်ကို သိမ်းပိုက်လိုက်တာ အရမ်းကောင်းတာနော်" တဲ့... သားစကားကို စိတ်ဝင်စားသွားတာကြောင့် ဘာလို့ လဲလို့ မေးတော့ သားကပြန်ဖြေပါတယ်... "ဘုရင်စနစ်က အာဏာရှင်စနစ်... ဘုရင်သေရင် ဘုရင့်သားက smart မဖြစ်လဲ ဘုရင်ပြန်ဖြစ်တယ်လေ... တကယ်လို့  အင်္ဂလိပ်မသိမ်းခဲ့ရင် ဘုရင်စနစ်ဆက်ရှိနေမှာပေါ့" တဲ့... ကျွန်မပြန်ဖြေပါတယ်... အင်္ဂလိပ်မသိမ်းလဲ ကိုယ့်ဘာသာဖြုတ်ချလို့ ရမှာပေါ့သားရဲ့... သိမ်းပိုက်တဲ့စနစ်ကလဲအရင်းရှင်ကိုလိုနီစနစ်ပဲလေဆိုတော့... သားက ကျွန်မအရမ်းသဘောကျတဲ့အဖြေတခုပြန်ဖြေပါတယ်..."sudden change ဘယ်ဟုတ်ပါ့မလဲမေမေတဲ့... ဖွားဖွားစုအုပ်ချူပ်နိုင်ဖို့  အကြာကြီးအချိန်ယူခဲ့ရတယ်မိုလား"တဲ့... ကျွန်မသဘောကျမိတယ်ဆိုတာ သားရဲ့logical thinking လေးကိုပါ... ဘုရင်ရဲ့တသွေးတသံတမိန့် စနစ်ဆိုးကို ကြောက်ရွံ့ ပြီး အပြောင်းအလဲprocess ကြာမယ်လို့ သူတွေးလိုက်တာ... "ဖွားဖွားစုလို အကြောက်တရားကင်းအောင် လူတွေကို inspire လုပ်ပေးနိုင်မယ့်ခေါင်းဆောင်ရှိရင် အာဏာရှင်စနစ်ဆိုတာ ပြိုလဲမှာပါပဲသားရယ်" လို့  ကျွန်မဖြေခဲ့တယ်...

ကျွန်မပထမအစမှာ ပြောခဲ့တဲ့ အင်တာဗျူးကို ကျွန်မက အာဏာရှင်ဟောင်းကြီးနဲ့  အင်တာဗျုးတဲ့ညီမလေး ဦးနှောက်စီးချင်းထိုးပွဲလို့  မြင်မိတယ်... ပုဂံဘုရားတွေကို ပြုပြင်သင့်မပြုပြင်သင့် ဆွေးနွေးကြတယ်... အာဏာရှင်ဟောင်းကြီးက ပြုပြင်သင့်တယ်ဆိုတဲ့ဘက်က... အင်တာဗျူးတဲ့ညီမလေးက မပြုပြင်သင့်ဘူးဆိုတဲ့သူတွေကိုယ်စား သဘောကိုမေးတာပါ... အာဏာရှင်က debateနဲ့ စတာပါ... ဒါပေမယ့် ညီမလေးရဲ့မေးခွန်းတွေကို သူdebate ပြန်မလုပ်နိုင်တော့ ဒေါသပါလာတယ်... တကယ်ဆို သူ့ မှာ debate လုပ်နိုင်တဲ့ ability သာရှိရင် သူတည်ငြိမ်စွာနဲ့  တုန့် ပြန်ပြီး အရမ်းလှတဲ့ အင်တာဗျူးလေးဖြစ်လာမှာပါ... အဆုံးမှာတော့ အာဏာရှင်ကြီးက ဉာဏ်ပညာမပါတဲ့ quarrel ရန်ထောင်ခြင်းနဲ့  အဆုံးသတ်သွားတယ်... အသက်ငယ်ပေမယ့် အကြောက်တရားကင်းစွာ အင်တာဗျူးဆုံးတဲ့အထိ တည်တည်ငြိမ်ငြိမ်မေးသွားတဲ့ ညီမလေးကို ချီးကျူးမိတယ်...

ကျွန်မဇွန်လက မော်လမြိုင်နည်းပညာတက္ကသိုလ်ကို educational event လေးသွားခဲ့တော ကျွန်မတို့ ရဲ့စီနီယာကြီးအန်ကယ်ဦးဝင်းထိန်ဦး ကလေးတွေဆရာတွေကိုမေးခဲ့တဲ့ မေးခွန်းလေး သွားသတိရတယ်... ကျပန်းစကားပြောပွဲတို့  စကားရည်လုပွဲတို့ အတွေ့ အကြုံရှိလားတဲ့... ကလေးတွေမှာ အဲဒီအခွင့်မရှိခဲ့ပါဘူး... တကယ်တော့ရှိသင့်ပါတယ်... အာဏာရှင်ခေတ်မှာ မပြောရဲမဆိုရဲအောင် ပါးစပ်တွေအပိတ်ခံခဲ့ရတော့ အဲဒီကောင်းတဲ့ အလေ့အကျင့်လေးတွေ ပျောက်ကုန်တာပါ... တကယ်တော့ ပြဿနာတခုကို အဖြေရှာကြတဲ့အခါ debate နည်းကို သုံးမှ အကောင်းဆုံးအဖြေရမှာပါ... Quarrel ဘက်ရောက်သွားရင်တော့ မတရားအနိုင်ရဖို့  အပြင်းထန်ဆုံးစကားလုံးတွေ...အရိုင်းဆုံးစကားလုံးတွေသုံးနှုန်းပြီး ကိုယ်အနိုင်ရဖို့ လူတဘက်သားကို ချိုးနှိမ်ပြောဆိုတဲ့ personal attack အသွင်ပြောင်းပြီး နဂိုဆွေးနွေးတဲ့ ရည်ရွယ်ချက်ပျောက်ကုန်တာအမှန်ပါ... ခုနကျွန်မပြောပြတဲ့ အင်တာဗျုးခံရတဲ့ အာဏာရှင်ကြီးလိုလေ...

ကျွန်မတို့ တိုးတက်ခေတ်မှီတဲ့ခေတ်ကြီးမှာ လူဖြစ်နေကြတဲ့အခါ ကိုယ့်အမြင်ကိုယ့်အတွေးကို ဦးနှောက်ဉာဏ်ပညာသုံးပြီး အဆင့်အတန်းရှိစွာ တုန့် ပြန်တတ်ဖို့ အရေးကြီးပါတယ်... Physical ကိုအားကိုးတုန့် ပြန်သတ်ကြတယ်ဆိုတာ ခုခေတ်မှာ ရာဇဝတ်မှုဆိုတဲ့ဥပဒေနဲ့  တားမြစ်ထားပါပြီ... ကိုယ်အနိုင်ရချင်ဇောနဲ့ လူတဘက်သား ဂုဏ်သိက္ခာကို ထိပါးပြောဆိုတာကိုလဲ အသရေဖျက်မှုဆိုတဲ့ ဥပဒေနဲ့ တားမြစ်ထားတဲ့ခေတ်မှာ quarrel နဲ့  personal attack ဆိုတာ လုပ်တဲ့သူတွေ ရှက်စရာကောင်းတာ အမှန်ပါပဲ...

အကောင်းဆုံးဥပမာပြရရင် ကျွန်မတို့  တိုင်းပြည်အမေအမေစုဆိုရင် world media မှာ နာမည်ကြီး interviewer တွေတောင် လက်ဖျားခါအောင် ဖြတ်ထိုးဉာဏ်ကောင်းလွန်းပြီး အဖြေတိုင်းကို အကောင်းမွန်ဆုံးနဲ့  အဆင့်အတန်းအရှိဆုံးဖြေဆိုနိုင်သူပါ... အမေဘယ်တော့မှ သူတပါးကို တိုက်ခိုက်ဖြေဆိုတာမျိုးမရှိခဲ့ပါဘူး...

တိုးတက်တဲ့တိုင်းပြည်တွေမှာ debate association, debate competition တွေနဲ့  မျိုးဆက်သစ်တွေကို proper debate လုပ်နိုင်အောင် ပြုစုပျိုးထောင်ကြပါတယ်... ကျွန်မတို့  တိုင်းပြည်ကြီး ရွေ့ နေပါပြီ... အကူးအပြောင်းကာလမှာ နိုင်ငံတကာက စီးပွားရေးလုပ်ငန်းရှင်တွေလဲ အာရုံစူးစိုက်လာကြပြီ... ရင်းနှီးမြှပ်နှံလာကြပါပြီ... ကျွန်မတို့ မြန်မာပြည်ဟာဖော်ရွေရင်းနှီးတတ်တဲ့ နှလုံးရည်မြင့်မားတဲ့သူတွေနေထိုင်ကြတာပါ... ဒီတော့ စကားအပြောအဆိုမှာလဲ နိုင်ငံတကာနဲ့  ရင်ဘောင်တန်းနိုင်အောင် ဆဲရေးတိုင်းထွှာခြင်း, သူတပါးကိုယ်ရေးကိုယ်တာထိခိုက်ခြင်းတွေ ရှောင်ရှားပြီး အဆင့်အတန်းရှိစွာနဲ့  ပြောဆိုကျင့်ကြံနေထိုင်ကြပါစို့ လို့  တိုက်တွန်းပါရစေရှင်...

(စာကြွင်း : ကျွန်မအဖေရဲ့ အသက်မွေးဝမ်းကျောင်းအလုပ်က ရှေ့ နေပါ... သူ့ ဝါသနာနဲ့ သူ့ personality ပါကိုက်လွန်းလို့ သူရွေးခြယ်ခဲ့ပြီး ခုအသက်၇၀ကျော်တဲ့အထိ မြတ်မြတ်နိုးနိုးလုပ်နေတုန်းပါ... ကျွန်မက အဖေသွေးပါတယ်လို့ ဆိုရပါမယ်... Debate လုပ်ရတာကို နှစ်ခြိုက်ပါတယ်... ဒါပေမယ့် တဘက်က ရန်ဖြစ်တဲ့အသွင်ဆောင်သွားရင် ကျွန်မဆက်ဖြစ်လေ့မရှိပါဘူး... ကျွန်မရည်ရွယ်ချက်အပျောက်မခံနိုင်လို့ ပါ... ရန်ဖြစ်ခြင်းဖြင့်အနိင်ယူခြင်းကို အနိုင်လို့ ကျွန်မမသတ်မှတ်ပါဘူး... Abuse လို့ ပဲသတ်မှတ်ပါတယ်)

တန်ခူး
4:15pm
7-Feb-2018

Saturday, February 3, 2018

ကမောက်ကမ

ကိုယ့်တိုင်းပြည်မြေနင်းလိုက်တာနဲ့  နွေးနွေးထွေးထွေး ခံစားမှု သူ့ အလိုလို ရင်ထဲရောက်လာစမြဲ... ဒီတခါ အလုပ်ကိစ္စနဲ့ ဆိုတော့ ခေါင်းထဲမှာ လုပ်စရာတွေ တစီတတန်းနဲ့  စိတ်ဖိစီးမှုတွေရှိပေမယ့် ဒီမြေဒီရေ ရောက်တာနဲ့ တင် အားအင်တွေက ပြည့်ဖြိုးလာမြဲ...

ဒီနေ့ လေယဉ်ပေါ်တက်တော့ ကိုယ့်စိတ်ထဲ လေယဉ်များမှားစီးသလား သံသယတောင်ဝင်မိတယ်... ကိုယ့်ဘေးပတ်ပတ်လည်မှာ စလုံးတရုတ်မဟုတ်တဲ့ ပြည်ကြီးတရုတ် သို့ မဟုတ် ဟောင်ကောင်တရုတ်လူမျိုးတွေချည်း... ဒီအချိန်ဟာ holiday season မဟုတ်တာကြောင့် သူတို့ လဲ ကိုယ့်လို အလုပ်ကိစ္စနဲ့  လာကြတာပဲဖြစ်မှာပါလို့ တွေးပြီး လေယဉ်မူးတတ်တဲ့ကိုယ် သောက်ထားတဲ့ဆေးအရှိန်နဲ့  အိပ်ပျော်သွားခဲ့တယ်...

ကမောက်ကမက လေယဉ်ဆင်းပြီး immigration မှာစတယ်... Myanmar National မြန်မာနိုင်ငံသားများဆိုတဲ့ စီတန်းမှာ စီိလိုက်တော့လဲ တရုတ်တွေချည်း... ဖုန်းကဒ်လဲဖို့  tool လေးမေ့ခဲ့လို့  ငှားမယ်ကျန်ကြည့်တော့ နဘေးကလူက တရုတ်လိုအကျယ်ကြီးပြောနေတာကြားရတယ်... သူတို့ ဘာလို့  မြန်မာနိုင်ငံသားဆိုတဲ့စီတန်းထဲရောက်နေတာလဲလို့  ကိုယ်စပ်စုကြည့်မိတယ်... ဟိုဘက်စီတန်းရှေ့ ဆုံးက အမျိုးသမီးကို immigration အရာရှိက စီတန်းမှားတယ်လို့  ပြောလိုက်တော့ အမျိုးသမီးက သူ့ အဖော်အမျိုးသားကို ပြောလိုက်ပြီး သက်ဆိုင်ရာစီတန်းနောက်နားမှာသွားစီတယ်... အမျိုးသားက သိသိလျက် ဆက်စီနေတယ်... ခုနဖုန်းပြောနေတဲ့ ကိုယ့်နဘေးက လူရဲ့passport ကို ကိုယ်စပ်စုလိုက်တယ်... အိုး.. အနီရောင် passport ... ကိုယ်နဲ့ တပုံစံထဲ... သေချာတာက သူဟာ မြန်မာစကား တလုံးမှတတ်ပုံမရ... မြန်မာပြည်က တရုတ်လူမျိးတွေ (အကုန်လို့ တောင်ပြောလို့ ရတယ်) မြန်မာစကားကို ပြောတတ်ကြပါတယ်... ဒီလူ့အရွယ်ကလဲ ကိုယ်နဲ့ မတိမ်းမယိမ်း... ချက်ချင်းလက်ငင်း အုံဖွဆို မြန်မာနိုင်ငံသားဖြစ်သွားလေသလား...

ဟိုတလောက ရန်ကင်းက golden City မှာ ကိုယ်တို့ အခန်းလေး decorate လုပ်ဖို့ ရောက်တော့ အဲဒီမှာ လုပ်နေတဲ့အလုပ်သမားတွေ မြန်မာလိုမပြောတတ်တဲ့ တရုတ်လူမျိုးတွေ... သူတို့ ဘယ်လိုနေခွင့်နဲ့ နေထိုင်လဲစိတ်ဝင်စားမိသလို တချိန်ထဲ စိတ်ထဲ ခိုးလို့ ခုလုဖြစ်မိတယ်... ဒီလောက်ကြီးမားတဲ့project ကြီးတခုမှာ ကိုယ့်နိုင်ငံသားတွေ အတွက် အလုပ်အခွင့်အလန်းတွေ အများကြီးရနိုင်တဲ့နေရာတခုမှာ အလုပ်သမား80% လောက်က မြန်မာစကားမတတ်သူတွေ... သူတို့ passport ကရော ဘာရောင်တွေဖြစ်မလဲ... စဉ်းစားနေမိတယ်...

ငွေ သိန်း၄၀၀၀ အလိမ်ခံလိုက်ရတဲ့ သူငယ်ချင်းဇနီးမောင်နှံ တရားခံဖမ်းမမိလို့ စိတ်ပင်ပန်းနေကြတယ်... ဖမ်းရမယ့်ရဲက တရားခံကို ထွက်ပြေးဖို့ ကြိုအကြောင်းကြားသတဲ့... ဦးလေးလို ခင်ရတဲ့ အန်ကယ်ဦးကိုနီကို ဘယ်သူသတ်သလဲ... ဒီတိုင်းပြည်ကြီးထဲမှာနေပြီး ကိုယ့်အိမ်ကိုယ်မီးနဲ့ ရှို့ နေတာက passport အနီကိုင်ထားတဲ့ မြန်မာနိုင်ငံသားတွေလား, ဒါမှမဟုတ် ခြစားနေတဲ့စိတ်ဓါတ်တွေနဲ့  ရာစုနှစ်ပေါင်းများစွာ စနစ်ဆိုးဒဏ်ကိုခံရတဲ့ ကြိမ်စာသင့်သူတွေလား....

ကိုယ့်တိုင်းပြည်ကြီးက ဘာနဲ့ တူသလဲဆိုတော့ အိတ်ပေါက်နဲ့ ဖားကောက်နေရသလိုပါပဲ... အမေ့ခမျာ ဟိုယိုပေါက်ဖာရ, ဒီယိုပေါက်ဖာရနဲ့  နားရတယ်ကိုမရှိရှာဘူး... ဒီကြားထဲ အာဏာရှင်စနစ်ကို ပြန်အသက်သွင်းချင်သူတွေကလဲ အချိန်ပြည့်ကြိုးစားလို့ ... အမေ့ကိုသနားတယ်လို့ အော်နေတဲ့ ကိုယ်ကျရော ဘာအသုံးကျသလဲ... တကယ့်ကို ကမောက်ကမနဲ့ ....

ကိုယ့်ပစ္စည်းယူပြီး ထွက်လာတော့ လေဆိပ်အထွက်မှာ ဟိုအထုတ်အတင်းယူသယ်, ဒီအထုတ်အတင်းယူသယ်သူတွေနဲ့  ခုနက မြန်မာစကားမပြောတတ်သူတို့  ဘာသာစကားတွေရဲ့ ကမောက်ကမကြားမှာ...

ဘာပဲဖြစ်ဖြစ်< br/ > အမုန်းများရပ်
ချစ်ကြပါ
အမေမောလှပါပြီလေ....။

တန်ခူး
9:46pm
22-Jan-2018

ပွဲဈေးတန်းချစ်သူ

ပွဲဈေးတန်းတွေ့ လိုက်တာနဲ့  ရင်ခုန်လှုပ်ရှား ပျော်မြူးသွားတတ်တာ ဟိုးငယ်ငယ်လေးကတည်းကနေ ဒီနေ့ ထက်ထိပါ။ ကျွန်မတို့ ငယ်ငယ်က ပွဲဈေးတန်းတွေက အများသား။ သင်္ကြန်, သီတင်းကျွတ်, တန်ဆောင်တိုင် စသဖြင့် ရာသီအလိုက်ပွဲတွေရှိသလို လွတ်လပ်ရေးပွဲ, စာပေဟောပြောပွဲ တွေကအစ ရပ်ကွက်ထဲက ကုလားဘုရားမီးနင်းပွဲအထိ ပွဲဈေးတန်းတွေရှိတတ်တယ်။ ရပ်ကွက်သူကျွန်မက ညနေစောင်း ပွဲဈေးတန်းလေး စအသက်ဝင်တာနဲ့  စုဗူးလေးတောင် ဖောက်ပြီး ဈေးတန်းထဲရောက်တတ်သူ။

ပွဲဈေးတန်းဆိုတာကလဲ အမျိုးအမည်က အစုံသား။ ဈေးလေးတွေက အပေါသား။ စားစရာတွေကလဲ အများသားမိုလား။ ပွဲဈေးတန်းအစက ဝယ်စားသွားတဲ့ အုန်းသီးနိုင်နိုင်နဲ့ ကောက်ညှင်းကျည်ထောက်ကလေးက ပွဲဈေးတန်းအလယ်တောင် မရောက်သေး ဟိုငေးဒီငေးရင်း စားတော့ ကုန်သွားတတ်တယ်။ ကလေးအရွယ်က ပွဲဈေးတန်းပတ်ရင် ကိုယ်စိတ်ဝင်စားတဲ့ဆိုင်ဆို ထိုင်တောင်ငေးနေတတ်တာမျိုး။ ဂျူံလေးတွေနဲ့  အရုပ်မျိုးစုံလုပ်ရောင်းတဲ့ဦးလေးကြီးနားဆို ကျွန်မတို့ ကလေးတွေ အုံငေးနေတတ်တယ်။ မျောက်ကလေး, ဆင်ကလေး, ကြောင်ကလေး, နဂါးကလေးစသဖြင့် ဦးလေးကြီးလက်နဲ့ ကျွမ်းကျင်စွာ လုပ်တဲ့အရုပ်ကလေးတွေကြည့်ုပြီးမှ ကိုယ်လိုချင်တဲ့အရုပ်ကလေးဝယ်တတ်တာ။ ကျွန်မကတော့ မင်းသမီးအရုပ်ကလေးဝယ်လေ့ရှိတယ်။

လက်ထဲကမုန့် ပြတ်တော့ မုန့် လင်မယားထပ်ဝယ်စားရင်း ရဟတ်စီးဖို့ တန်းစီ။ အမြင့်ကြောက်တဲ့ကျွန်မအတွက် ပွဲဈေးတန်းက ရဟတ်လောက်သာ စီးရဲတော့အတော်ပေါ့။ ပြီးတော့ ဒန်အ်ိုးဒယ်ခွက်ကစားစရာလေးတွေရောင်းတဲ့ဆိုင်မှာ စိတ်ကြိုက်ရွေးဝယ်ပြီး လက်နဲ့ လှည့်တဲ့ကူဖီးလ်ကို ဘာဘူကြီးဆီကဝယ်စားတယ်။ မိုးပျံဗူပေါင်းလှလှလေးတလုံးဝယ်ပြီးတဲ့အခါ ပါလာတဲ့ပိုက်ဆံလဲကုန်ပြီမို့  ကျေနပ်ပျော်ရွှင်စွာနဲ့ အိမ်ပြန်။ ခုပြန်စဉ်းစားတော့ ငယ်ဘဝကတည်းက ပွဲဈေးတန်းလေးနဲ့ က အတော့်ကိုနေသားကျလာခဲ့တာ။

ဒီနိုင်ငံရောက်လာတော့ အိမ်ပြန်ရောက်တိုင်း ပွဲဈေးတန်းတွေ့ ရင် မနေနိုင် ပတ်ဆဲ, ပတ်မြဲ။ ဖေကတော့ အပျိုဖြစ်တဲ့အရွယ်ကစလို့  ဒီနေ့ ထက်ထိ ပွဲဈေးတန်းပတ်တာမကြိုက်။ ညီမ၂ယောက် ပွဲဈေးတန်းသွားရင် ဖေကဆူပြီ။ ပြီးခဲ့တဲ့အခေါက်က တိုက်တိုက်ဆိုင်ဆိုင် ရပ်ကွက်ထဲက လွတ်လပ်ရေးနေ့ ပွဲဈေးတန်းနဲ့ ကြုံတော့ ပွဲဈေးတန်းပတ်ရင်း ရပ်ကွက်စတိတ်ရှိူးလဲငေးခဲ့သေးတယ်။ ရပ်ကွက်ဥက္ကဌက အိမ်ချင်းကပ်ရက်မို့  စင်နံဘေးမှာ မတ်တပ်လေးငေးနေတဲ့ ကျွန်မတို့ ၂ယောက်တွေ့ တော့ ရှေ့ ဆုံးတန်းမှာနေရာပေးတယ်။ ကျွန်မလောက် ရပ်ကွက်အရေမထူတဲ့ ကျွန်မညီမက သူထိုင်နေကျ ဆေးခန်းက လူနာတွေ တွေ့ သွားမှဖြင့်ဆို ရှက်နေတဲ့အချိန် ကျွန်မကတော့ မခံစားရတာကြာတဲ့ လွတ်လပ်တဲ့အရသာကို ခံစားရင်း အရမ်းနှစ်သက်တဲ့ မျိုးကြီးရဲ့ "သူစိမ်းတယောက်ပါ" သီချင်းကို ပီပီပြင်ပြင်ဆိုသွားနိုင်တဲ့ ရပ်ကွက်ထဲက ရွက်ပုန်းသီးလေးကို ဥက္ကဌက တဆင့်ဆုချလိုက်သေးတာ။ အိမ်ပြန်ရောက်တော့ မအိပ်ပဲစောင့်နေတဲ့ဖေ့ကို သူကြိုက်တဲ့ ထန်းသီးဆံပေးရင်းချော့ရတယ်။

ဒီတခေါက်ပြန်တော့ ဘုရားပွဲ၂ပွဲနဲ့ တိုးတော့ အလုပ်တွေမအားတဲ့ကြားထဲက ပွဲဈေးတန်းတွေ့ ရင် မနေနိုင်လို့ သွားခဲ့သေးတယ်။ ဥက္ကလာပ ဘုရားပွဲနဲ့ ကျိုက္ကဆံဘုရားပွဲပါ။ ကျိုက္ကဆံဘုရားပွဲက ပိုလို့ စည်ကားလွန်းလှတယ်။ မုန့် မျိုးစုံကအစ အဝတ်အစားအလယ် တက်တူးဆိုင်အဆုံး အကုန်ရှိတယ်။ လူတွေက ကြိတ်ကြိတ်တိုး။ ရွှေမန်းသဘင်ကလဲ ခြိမ့်ခြိမ့်သဲ။ ကလစ်တွေ, နားကပ်တွေစုံစီနဖာရောင်းတဲ့ဆိုင်မှာ ကျွန်မညီမကငေးတတ်သလို စာအုပ်ဟောင်းတွေရောင်းတဲ့ဆိုင်မှာ ကျွန်မငေးတတ်တယ်။ ငယ်က အရမ်းနှစ်သက်တဲ့ ကပ်စေးနှဲဒုတ်ထိုးရောင်းတဲ့ဆိုင်တွေ့ တော့ အားရပါးရသွားတုန်း ဗြုန်းကနဲဆို တုတ်တုတ်ကြီးခွေနေတဲ့ မြွေကြီး၂ကောင်တွေ့ တော့ ညီမ၂ယောက် အလန့် တကြားအော်မိကြတယ်။ ကျွန်မတို့ ငယ်ငယ်ကလို မြွေကြီးတွေပြတဲ့ဆိုင်တွေရှိတုန်းလေ။ ကပ်စေးနဲစားရင်း ခပ်လှမ်းလှမ်းလာတော့ ပင်နီတွေနဲ့ ကျွန်မတို့ သင်္ကန်းကျွန်း NLDရဲ့ဈေးရောင်းပွဲကိုတွေ့ ရတယ်။ ကျွန်မညီမက ချင်းပုတီးလေးတွေငေးတုန်း ကျွန်မက စာအုပ်လေးတွေ ဝယ်ဖြစ်တယ်။ 2015 ရွေးကောက်ပွဲက ကိုယ့်နယ်မြေအတွက် လော်ဘီလုပ်ခဲ့တဲ့ လူငယ်အမတ်လေးနေဘုန်းလတ်က သူ့ စာအုပ်လေးမှာ အမှတ်တရလက်မှတ်ထိုးပေးတယ်။ စာအုပ်လေးတွေရပြီး ကြွက်အစစ်နဲ့ တူတဲ့ကြွက်ရုပ်ဆိုင်လေးတွေ့ တော့ သားသုတအတွက် ကြွက်မဲလေးဝယ်။ ခပ်လှမ်းလှမ်းရောက်တော့ တူမလေးခင်ခေတ်သာအတွက် ဒန်အိုးပုတ်လေးတွေဝယ်နဲ့  လက်မလည်ဘူး။ ညီမ၂ယောက်မောလာတော့ ကြံရည်ထိုင်သောက်ရင်း ပန်းအတုဆိုင်လေးငေးကြတယ်။ ပွဲဈေးတန်းက ဗေဒင်ဆရာဆီမှာ နှလုံးသားရေးရာမေးနေပုံရတဲ့ဆယ်ကျော်သက်ကောင်မလေး။ တကယ့် ရသစုံတဲ့ပွဲဈေးတန်းမြင်ကွင်းကို ကျွန်မနှစ်သက်မိတာ ဆန်းသလားနော်။ ထုံးစံအတိုင်းဖေ့ကိုချော့ဖို့ ထန်းသီးဆံနုနုလေးတွေဝယ်ပြီး ညီအမ၂ယောက် အိမ်ပြန်ခဲ့ကြတယ်။

Branded တွေရောင်းတဲ့ shopping center ကြီးတွေပတ်ရတာထက် ပွဲဈေးတန်းလေးတွေပတ်ရတာ ပိုလို့ ရင်ခုန်နွေးထွေးစေတယ်ဆိုရင် ကျွန်မကို ပိုတယ်ထင်ကြမလား။ ဟုတ်ကဲ့။ ကျွန်မက ရပ်ကွက်သဘာဝကို ချစ်တတ်တဲ့ ရပ်ကွက်သူစစ်စစ်ပါ။

တန်ခူး
7:49pm
3-Feb-2018

Saturday, January 20, 2018

ရထားစီးကြသူများ ၂

"ဘောက်ထော်" ဘူတာ။

အမေပြောပြသည့် မိသားစုကျော်ဖြတ်ခဲ့ရတဲ့နေ့ ရက်တွေမှာ အလွန်အရေးပါသည့် ဘူတာလေးတခု။ အဖေနဲ့ အမေ အ်ိမ်ထောင်ကျတော့ အဖေက ဆင်းရဲလို့  ချမ်းသာသည့်အမေ့ဘက်က သဘောမတူတာကြောင့် အိမ်ထောင်ဦးမှာ လှည့်မကြည့်ခဲ့။ သုညကစခဲ့ပေမယ့် မေတ္တာခင်းတဲ့လမ်းဆိုတော့ သူတို့ မောရမှန်းပင်မသိ။ သူများအ်ိမ်မှာငှားနေရသည်။ အဲဒီအချိန်က အဖေရော၊ အမေပါ ကျောင်းဆရာ၊ဆရာမတွေ။ သူတို့ နေ့ တိုင်း မြို့ ပတ်ရထားစီးပြီး ကျောင်းသွားကျောင်းပြန်လုပ်သည်။ ဘောက်ထော်ဘူတာမှာတက်၊ ဘောက်ထော်ဘူတာမှာဆင်း။ ဘောက်ထော်ဘူတာက အဖေတို့ အမေတို့ နဲ့ အတော်သံယောဇဉ်ဖြစ်ခဲ့သည့် ဘူတာ။ ဘယ်လောက်တောင်ဖြစ်ခဲ့သလဲဆို အမေကျွန်မကိုယ်ဝန်လွယ်ထားရစဉ် နေ့စေ့လစေ့မွေးခါနီးအထိ ရထားစီးပြီးကျောင်းသွားတဲ့အခါ ရထားလွတ်မစိုးလို့  ပြေးရတဲ့အခါမျိုးမှာ ရထားမောင်းသည့်ဦးလေးကြီးက အမေ့ကို မှတ်မိနေပြီး နေ့တိုင်းစောင့်ခေါ်တတ်သည်တဲ့။ ဘာရယ်မဟုတ် အဲဒီနေ့ ရက်တွေ အမေပြန်ပြောတိုင်း မျက်ရည်ဝဲတတ်သည်။

ငယ်ငယ်က ကြီးကြီးနဲ့ အတူ အဲဒီဘောက်ထော်ဘူတာမှ ရထားစီးပြီး ဟိုသွား၊ ဒီသွားလျှောက်လည်ခဲ့ဘူးသည်မို့  သည်ဘောက်ထော်ဘူတာလေးက ငယ်ချစ်လို့ ဆိုနိုင်သည်။ အကျွမ်းတဝင် ဘောက်ထော်ဘူတာလေးနဲ့ ဝေးခဲ့တာ နှစ်ပေါင်း၄၀နီးပါး။ ဒီက MRT နေ့ တိုင်းစီးပြီး ကျောင်းသွားတဲ့သားက မြန်မာပြည် transportation system ကိုအလွန်စပ်စပ်စုစု သိချင်လှသည်။ သူလူမှန်းသိကာစကနေ ဒီနေ့ အထိ သူ့ အဖိုးကား၊ သူ့အဒေါ်ကားနဲ့ သွားနေရတော့ တခါတလေ ဆိုက်ကားစီးဖို့  ပူဆာတတ်သည်။ သားနဲ့  တက်စီ စီးလျင် ဈေးဆစ်လို့ မရ။ စင်္ကာပူဒေါ်လာနဲ့ ပြန်တွက်ပြီး သူက တက်စီမောင်းသူကို ပြန်အားနာနေတတ်သူ။ သားစိတ်ဝင်တစားပူဆာသည့် မြို့ ပတ်ရထားကို ပြီးခဲ့တဲ့အခေါက်က ဆွေမျိုးတွေတလှေကြီးနဲ့ စီးခဲ့ကြသည်။

ဘောက်ထော်ဘူတာကိုရောက်တော့ ဆံပင်ဖြူဖြူ၊ မုတ်ဆိတ်မွှေး၊ နှုတ်ခမ်းမွှေးတွေနှင့် အိုမင်းရင့်ရော်လာသည့် အဖိုးအိုကြီးတယောက်နှင့် ပြန်ဆုံသလိုခံစားရသည်။ ဒီအဆောက်အဦး၊ ဒီလှေခါး၊ ဒီသံလမ်းတွေက ကျွန်မငယ်ငယ်ကအတိုင်းပါပဲလား။ ဘာမှမပြုပြင်တော့ နေရာတကာမှာ ဟောင်းနွမ်းအိုမင်းယိုယွင်းခြင်းတွေနဲ့ ။ ရထားလမ်းပေါ်က ပေါင်းပင်တွေက နေ့ တိုင်းသွားလာနေသည့် ရထားလမ်းတခုမဟုတ်သလို။ ရင်ထဲဘာကိုဝမ်းနည်းမိမှန်းမသိ။

ရထားလက်မှတ်ဝယ်တော့ တစောင်၂၀၀။ အခြေခံလူတန်းစားတတ်နိုင်သည့် ပမာဏမို့  ကျေနပ်မိသည်။ ရန်ကုန်မှာမွေးသည့် တူတွေကလဲ ရထားတခါမှမစီးဘူးတော့ သားနဲ့ မထူး၊ သူတို့ အတွက် အကုန်အထူးအဆန်းချည်း။ လက်မှတ်ရောင်းတဲ့သူက နောက်၁၀မိနစ်ကြာရင် ရထားလာမည်လို့ ပြောလိုက်သည်။ ၅မိနစ်အတွင်း ရောက်လာတော့ မမေးမမြန်းနဲ့ ဝမ်းသာအားရတက်သွားသည်။

ကလေးတွေအများကြီးနဲ့ တက်လာသည့် ကျွန်မတို့ ကို ရထားစီးနေကြသူတွေက အံ့သြတကြီးဝိုင်းကြည့်ကြသည်။ ဟိုစူးစမ်း၊ ဒီစူးစမ်းဆိုတော့ သူတို့ အမြင်ဆန်းနေတာဖြစ်မည်။ ရထားကို သားကဓာတ်ပုံရိုက်၊ ကျွန်မက ဓာတ်ပုံရိုက်၊ ရထားစီးနေတုန်း ကျွန်မဦးလေးအငယ်က Facebook ပေါ် Live လွှင့်ဆိုတော့ မြန်မာတွေဖြစ်ပြီး ရထားကိုဘာအထူးအဆန်းဖြစ်နေကြတာလဲ ထင်ကြမည်။

စိတ်ကျေနပ်စရာကောင်းတာက ရထားပေါ်မှာ ကြိတ်ကြိတ်တိုးလူမကျပ်။မတ်တပ်ရပ်သူတချို့ ရှိပေမယ့် အသက်ရှုချောင်လှသည်။ ပြီးတော့ သန့် သန့် ရှင်းရှင်းရှိလှသည်။ ကျွန်မထုံးစံ ရထားစီးသူတွေကို အနည်းငယ်လေ့လာ စကားစမြည်စပြောသည်။ ဒါကိုယ့်တိုင်းပြည်ဆိုတော့ သိသိမသိသိ၊ ဘယ်သူနဲ့ ဖြစ်ဖြစ် မိတ်ဆက်စကားဆို စကားပြောလို့ ရသည်မဟုတ်လား။ ကျွန်မ မတ်တပ်ရပ်သည့်နားမှာ ထိုင်နေသည့်ဦးလေးကြီးက အသက်၆၀နီးပါးရှိမည်။ဆံပင်တွေဖြူ၊ အဝတ်အစားနွမ်းပါးပြီး ဒီအသက်အရွယ်အထိ အလုပ်လုပ်နေပုံရသည်။ YBS နဲ့ ရထားဈေးချင်းတူတူပဲနော်လို့  ကျွန်မကမေးတော့ ဦးလေးကြီးက “မတူဘူးလေသမီးရဲ့၊ ရထားက ၁၀၀ ၊ YBS က ၂၀၀၊ တဝက်သက်သာတယ်၊ လမ်းမပိတ်ဘူး၊ ကားလောက် အန္တရာယ်မများဘူး၊ စီးရတာစိတ်ချမ်းသာတယ်" တဲ့။ မြို့ ပတ်ရထားရဲ့ ကောင်းတဲ့အချက်လေးတွေကို နေ့ တိုင်းစီးနေပုံရတဲ့ဦးလေးကြီးဆီက ကြားရတော့ စိတ်ထဲကျေနပ်ပျော်ရွင်မိသည်။

ဒီမှာ အဒေါ်ကမေးတော့သည်။ အမတို့ ဝယ်လာတဲ့လက်မှတ်ဘာကြောင့် ၂၀၀ ဖြစ်နေပါလိမ့်တဲ့။ ညီမဝမ်းကွဲက အထက်တန်းတွဲသပ်သပ်ရှိနေလားမသိလို့ စဉ်းစားသည်။ အဲဒီမှာပဲ မျက်နှာချင်းဆိုင်မှာ ထိုင်နေသည့် ရုံးဝန်ထမ်းဖြစ်ပုံရတဲ့အမျိုးသမီးလေးက ခပ်သွက်သွက်ဝင်ပြောသည်။၂၀၀ ဆိုတာ Aircon ရထားတဲ့။ သူပြောမှ စောလာသည့်ရထားကို မှားစီးခဲ့ကြတာ သဘောပေါက်သည်။

မကြာခင် ရထားတစီးရဲ့ဆည်းလည်းတွေ ဟိုကဒီက ပေါ်လာသည်။ မြန်မာမုန့် မျိုးစုံအသည်၊ ပဲပြားသုပ်ရောင်းတဲ့အသည်၊ ဒဏ်ကြေဆေးရောင်းတဲ့အသည်၊ ပန်းသီးသည်၊ လိမ္မော်သီးသည်၊ သံပုရာသီးသည်၊ ကွမ်းယာသည်စုံလို့  ထုံးစံအတိုင်း ဝေဝေဆာဆာ၊ ကဗျာတပုဒ်လို ကာရံနဲ့ ရောင်းကြသည်။ သားကို ကြိုပြောပြမထားတော့ သားကတအံ့တသြနဲ့ အသည်တသည်ချင်းစီကို စိတ်ဝင်တစားကြည့်သည်။ ဘေးနားက ကောင်မလေးက အသုပ်ဝယ်စားတော့ စုံစီနဖာအကုန်ပါသည့်ဗန်းထဲမှ ပစ္စည်းတွေ တခုပြီးတခုထည့် ရထားပေါ်တင် အသုပ်အပြီးအစီးသုပ်ပေးနေတာ သူ့ အတွက်အတော်ထူးဆန်းနေသည်။

ခဏနေတော့ အကြောဆေးရောင်းတဲ့အသည်က ဒီတွဲမှာကျောက်ချနေလို့ ဆို သံပုရာသီးသည်အမျိုးသမီးက စောင်းပါးရိပ်ခြေပြောသည်။ တီဗွီမှာကြော်ငြာရင်တောင် အချိန်နဲ့ သူ့ အလှည့်ကိုယ့်အလှည့်ရှိသည်တဲ့။ ပညာသားပါပါပြောလိုက်တော့ ဆေးရောင်းတဲ့သူ တွဲကူးသွားသည်။ ခဏနေတော့ သူ့ သံပုရာသီးတွေကို ညှစ်ပြပြီး ဘယ်လောက်အရည်ရွှမ်းလဲဆို ဆင်ကြီးကြီးလဲရေချိုးပေးလို့  ရတယ်၊ ဆင်သေးသေးလဲရေချိုးပေးလို့ရတယ်ဆိုပဲ။ သားကကြော်ငြာတတ်ပုံကိုသဘောကျလို့ နေပြီး ကျွန်မကိုတိုးတ်ိုးလာပြောသည်။ “very creative” တဲ့။

လမ်းဘေးမြင်ကွင်းတွေကတော့ မသာယာလှ။ တချို့ နေရာတွေ နောက်ဖေးလမ်းကြားနဲ့ တူသည်။ ကန်စွန်းခင်းကြီးတွေတွေ့ တော့ သားကသူကြိုက်တဲ့အရွက်တွေ အခင်းလိုက် အများကြီးတွေ့  ရလို့ ခူးလို့ ရလားမေမေလို့ မေးသေးသည်။ ဆင်းရမယ့်ဘူတာရောက်တော့ ကလေးတွေ မရပ်ခင်မဆင်းကြဖို့ လက်တွေတွဲ၊ သတိတွေပေးရင်း ရှူပ်ရှက်ခပ်နေတဲ့ ကျွန်မတို့ ဆွေမျိုးတသိုက်ကို ရထားပေါ်ကလူတွေက ပြုံးကြသည်။ ဘယ်လောက်ချစ်စရာကောင်းတဲ့၊ ဘယ်လောက်ဖော်ရွေတဲ့တိုင်းပြည်လဲနော်။ ဒီနိုင်ငံက MRTပေါ်မှာဆို နိုင်ငံကြီးသားတွေရဲ့ မျက်စောင်းဒဏ်နဲ့ တင် ကျွန်မတို့ လဲကျနိုင်သည်။

မယ်လမုဘုရားကို ဘူတာကနေခြေလျင်သွားတော့ ငယ်ငယ်မူလတန်းမတက်ခင် အရွယ်က ကြီးကြီးလက်လေးဆွဲပြီး ဒီခရီးကို အတူသွားခဲ့သည့် ကိုယ်ပုံရိပ်ကို မြင်ယောင်မိသည်။ ဆွေမျိုး ၉ယောက်၊ ကုန်ကျစရိတ် ၁၈၀၀ကျပ်နဲ့ မယ်လမုဘုရားဖူးသွားသည့် ဒီခရီးက ပျော်လဲပျော်၊ တန်လဲတန်၊ ကုသိုလ်လဲရမို့ အမှတ်တရပင်။ သားက ရထားစီးရတာ အရမ်းသဘောကျပြီး မှတ်ချက်ပေးသည်။ မေမေ ရထားစီးရင်း wet market သွားသလို၊ food court သွားသလိုပဲနော်တဲ့၊ သူတို့ က ကိ်ုယ်ရှိရာလာရောင်းတော့ အချိန်ကုန်လဲသက်သာ၊ လူလဲသက်သာတယ်နော် ပြီးတော့ ဘယ်စီးစီး စင်္ကာပူဒေါ်လာ ၅ပြားနဲ့ညီတဲ့မြန်မာငွေပဲပေးရတာလို့  အင်္ဂလိပ်လိုမှတ်ချက်ချသည်။ ဟုတ်ပါရဲ့။ သားပြောမှ ကိုယ့်တိုင်းပြည်က မြို့ ပတ်ရထားရဲ့အားသာချက်ကို ကွင်းကွင်းကွက်ကွက်မြင်တော့သည်။

တကယ်တော့ အသစ်တွေဆီလှမ်းစရာမလိုသေးပါ။ လက်ရှိအဆင်ပြေနေတာလေးကို ပိုလို့ ကောင်းအောင် မွမ်းမံပြီး ရထားစီးရေ ခပ်စိပ်စိပ်လေးသာ စီစဉ်လိုက်ရင် ရထားစီးသူတွေ ဒီထက်ပိုများပြီး လမ်းပိတ်ဆို့ မှုပြဿနာလဲ အနည်းနဲ့ အများပြေလည်လာနိုင်လ်ိမ့်မည်လို့ မျှော်လင့်မိသည်။

တန်ခူး
10:36am
19 Jan 2018

( ဒီ post ကို ဘာလို့ ရထားစီးကြသူများ၂ လို့ ပေးခဲ့လဲဆိုတော့ ဒီခေါင်းစဉ်နဲ့ ပဲ အရင်က ကျွန်မblog မှာစာတပုဒ်ရေးခဲ့ဖူးလို့ပါ)

Wednesday, January 17, 2018

ဒိုင်ယာနာ, မြနန္ဒာနဲ့ ကျွန်မတို့ မိန်းခလေးများ

"လောကမှာ လူနည်းနည်းလေးနဲ့ ပန်းတွေအများကြီးရှိရင် သိပ်ကောင်းမှာပဲ၊သိပ်အေးချမ်းမှာပဲ_”

မြနန္ဒာ
( မောင်၊ ကိုကိုနှင့်မြနန္ဒာ)

တကယ်တော့ ဒီနေ့ က အလုပ်အရမ်းများတဲ့နေ့ ... ဒါပေမယ့် ဖတ်လက်စ "မောင်၊ကိုကိုနှင့် မြနန္ဒာ" ကိုပဲ စိတ်ကရောက်နေတော့ အလုပ်တွေခဏပစ်ပြီး ပေပေတေတေ အကျင့်ဆိုးလေးကို မထိန်းပဲလွှတ်ပေးလိုက်တယ်... ၂ကြိမ်ဖတ်ဖူးပြီးသားပေမယ့် ဒီတခါပြန်ဖတ်တော့လဲ မရိုးနိုင်အောင် ခံစားချက်တွေ အသစ်ပြန်ဖြစ်တယ်...

ဇာတ်လမ်းကရိုးရိုးလေးပါ... မိဘတွေပုံစံခွက်ထဲမှာ မှန်ဘီရိုထဲက အလှပြအရုပ်ကလေးတရုပ်လို နေခဲ့ရတဲ့, ဘဝမှာ ကိုယ်ပိုင်ရွေးခြယ်ပိုင်ခွင့်ရှိတယ်ဆိုတာတောင် မသိရှာတဲ့မြနန္ဒာရယ်, သူနဲ့ အခြေအနေချင်းကွာဟတဲ့ကဗျာဆရာလေးလင်း ခေါ် မောင်ရယ်, ပြီးတော့ မိန်းမတွေကို တန်ဖိုးမထား, အလေးမထားပဲ, အိုင်တွေ့ တိုင်းခြေဆေးတတ်တဲ့ ဘွဲ့ ထူးဂုဏ်ထူးအကြီးကြီးနဲ့ ဆရာဝန်ကိုကိုတို့ ရဲ့၃ပွင့်ဆိုင်အချစ်ဇာတ်လမ်း... ဆရာမကြည်အေးရဲ့နာမည်ကြီးဝတ္ထုမို့  လူတော်တော်များများဖတ်ဖူးပြီးသားဖြစ်မှာပါ... ဒီpost လေးကို ရေးရတဲ့ရည်ရွယ်ချက်ကတော့ မိန်းခလေးတွေအတွက်ပါ...

ပထမဆုံးအကြိမ် ဖတ်ခဲ့တုန်းက မောင့်ကို သနားခဲ့တယ်... ဒုတိယအကြိမ်ဖတ်တော့ မောင့်ကို အားမလိုအားမရဖြစ်ခဲ့တယ်... ခုတတိယအကြိမ်ဖတ်တော့ မောင့်ရဲ့စည်းကမ်းရှိမှုနဲ့ ထိန်းချူပ်နိုင်မှုကို တန်ဖိုးထားမိတယ်... မောင်သာ ခံစားချက်အတိုင်းစီးမျောရင် မြနန္ဒာရဲ့ဘဝက တမျိုးတဖုံပြောင်းသွားနိုင်ပေမယ့် မောင်က စည်းက်ိုမကျော်ခဲ့... သူတို့ ၂ယောက်ရဲ့ relationship လေးက သမီးရီးစားမဟုတ်, အထိအတွေ့ မပါတဲ့ ဖြူဖြူစင်စင်အဖော်စစ်စစ်လေးမို့  ချစ်စရာ... ပြန်တွေ့ ကြတော့လဲ သံယောဇဉ်တွေအများကြီးရှိခဲ့ဖူးပေမယ့် ၂ယောက်လုံးအ်ိမ်ထောင်ရှင်တွေ, ကိုယ်ပိုင်မိသားစုတွေနဲ့ ဆိုတဲ့အသိနဲ့  ကိုယ်ကျင့်သိက္ခာကို ရှေ့ ထားပြီး စည်းလေးထားဆက်ဆံကြတာ... မြနန္ဒာကို စွဲလန်းဖူးခဲ့သူ, သူ့ ကဗျာတွေမှာ အမြဲမြနန္ဒာအရိပ်တွေဖုန်းလွှမ်းနေခဲ့ဖူးပေမယ့် အိမ်ထောင်ကျတော့ သူ့ ဇနီးလေးအပေါ်သစ္စာရှိရှိချစ်ခင်စုံမက်စွာပေါင်းသင်းတာ... တကယ်တော့ မောင်က ကိုကို့ လောက်ပညာတွေမတတ်, နိုင်ငံခြားဘွဲ့ ကြီးတွေမရပေမယ့် ကိုယ်ကျင့်သိက္ခာမှာ ကိုကို့ ထက် အပုံသာသူပါ...

ပထမဆုံးအကြိမ်ဖတ်တုန်းကလဲ ကိုကို့ ကို အရမ်းမုန်းတယ်... ဒုတိယအကြိမ်ဖတ်တော့ ပိုလို့ မုန်းတယ်... ခုတတိယအကြိမ်ဖတ်တော့ ကိုကို့ ကိုခါးသက်တယ်... မိန်းမတယောက်ကိုတမျိုးချစ်လို့ ရတယ်ဆိုတဲ့ကိုကိုက မိန်းမတို့ သည်တံတားအောက်မှာဖြတ်စီးသွားသောရေပမာပင်တဲ့... မ်ိန်းမတယောက်ရဲ့ဖြစ်တည်ခြင်းဟာ သူ့ အတွက်ဖျော်ဖြေရေးသက်သက်... ရုပ်ဝါဒီဆန်လွန်းတဲ့ယောင်္ကျားတယောက်, နှလုံးသားမဲ့လွန်းတဲ့ယောင်္ကျားတယောက်လို့ ခံစားမိတယ်...

အဲဒီယောင်္ကျားကိုမှ ခင်ပွန်းတော်ခဲ့ရတဲ့ ကံကြမ္မာနဲ့ မြနန္ဒာ... မြနန္ဒာ ကိုကို့ ကို စချစ်သွားခဲ့ပြီး ကိုကိုက တခြားနိုင်ငံမှာ နိုင်ငံခြားသူတယောက်နဲ့ ပျော်ပါးနေချိန်မှာ သားဦးလေးကိုတယောက်ထဲမွေးခဲ့ရတဲ့ဘဝ...သူ့ ဘဝမှာ ခါးသက်မှုတွေက အများသား... အခါခါသေပြီး အခါခါပြန်လည်ရှင်သန်တတ်တဲ့ မြနန္ဒာရဲ့စိတ်ဓါတ်လေးကို မဖတ်ဖူးသေးတဲ့မ်ိန်းခလေးတွေကို ပြန်လည်ဝေမျှချင်လို့ ပါ...

မိန်းခလေးတယောက်အတွက် အိမ်ထောင်ရေးကံမကောင်းခြင်းဟာ အဆိုးဆုံးလို့ ပြောလို့ ရပါတယ်... အတိတ်ဘဝက ကုသိုလ်ကံတွေကြောင့် ဒီဘဝမှာ အိမ်ထောင်ရေးကံမကောင်းတဲ့အခါ ဘဝကို ဘယ်လိုရင်ဆိုင်ကြမလဲ... အမိုက်မဲဆုံးရင်ဆိုင်ကြတာက ကိုယ့်ကိုယ်ကို သတ်သေကြတယ်... အစွန်းရောက်ဖြေရှင်းတတ်သူတွေက ခင်ပန်းကိုသတ်တယ်... တင်္ဒဂ သတိလက်လွှတ်မှုက တဘဝစာအထိခံစားရတဲ့, ဖြေရှင်းနည်းလို့ ခေါ်လို့ မရတဲ့ မိုက်မဲမှုတွေပါ... အများစုကတော့ သိပ်လွန်လွန်းလာရင် ကွာရှင်းလိုက်ကြတယ်... ကိုရီးယားကားယဉ်ကျေးမှုတွေ စီးမျောလာတဲ့ ဒီခေတ်ကြီးရဲ့ ကြောက်စရာကောင်းတဲ့ ဖြေရှင်းနည်းကတော့ တရားဝင်မကွာရှင်းပဲ နောက်တယောက်နဲ့ တွဲကြတယ်... တချို့ ကျတော့ စိတ်ကျရောဂါဖြစ်ပြီး ဘဝကို အရှုံးပေးလို့ ဘိုသီပတ်သီနဲ့ နေချင်သလိုနေပစ်ကြတယ်...

မြနန္ဒာဘယ်လိုနေလဲကြည့်ပါဦး... ကိုကိုမိန်းမပွေတာက နည်းနည်းမှမဟုတ်တာ... တွေ့ ရာနေရာမှာ တွေ့ ရာမိန်းမနဲ့ တွဲပလိုက်တာမျိုး... ၂ယောက်လောက်က အတည်တကျယူလိုက်သေးတယ်... နိုင်ငံခြားသူနဲ့ ကလေးတယောက်က ရသေးတယ်... မြနန္ဒာကြေကွဲတာပေါ့... သူလဲလူပဲလေ... ငိုကြွေးတယ်... ခံပြင်းတယ်... ဒါပေမယ့် သူ့ သားသမီးလေးတွေအတွက် ကိုကိုနဲ့ မကွဲပါဘူး... ညပြန်မအိပ်တတ်တဲ့ကိုကိုမရှိတဲ့ညတွေ မြနန္ဒာအထီးကျန်တာပေါ့... အထီးကျန်တဲ့အခါ အလုပ်တွေ မရပ်မနားလုပ်တယ်... သူတတ်သိတဲ့အလုပ်တွေပါ... အလုပ်များနေတဲ့သူတယောက်အတွက် အထီးကျန်ဝေဒနာက သက်သာတာတော့အမှန်ပါ... သိပ်သည်းမခံနိုင်တဲ့အခါ သားလေးနဲ့ အဝေးမှာ အာရုံပြောင်းနေတယ်... ယောင်္ကျားပွေရှူပ်လို့  စိတ်ဒုံးဒုံးကျပြီး မပြင်မဆင်မနေဘူး... အများငေးယူရအောင် အမြဲကျော့ကျော့မော့မော့, လှလှပပလေးနေတယ်... သံယောဇဉ်ဟောင်းနဲ့ ပြန်တွေ့ လို အထီးကျန်နေတဲ့စိတ်ကို မလွှတ်ပစ်လိုက်ဘူး... စည်းကမ်းရှိရှိနေတယ်...သူ့ ဆီပြန်လာအောင် မဆွဲဆောင်ဘူး... အပူရုပ်မရှိဘူး... ငိုတာတောင်ကြိတ်ငိုတယ်... ဖြစ်လာတဲ့အခြေအနေကို လက်ခံတတ်အောင်ကြိုးစားပြီး အကောင်းဆုံးဖြစ်အောင် ကိုယ့်ကိုယ်ကို ကုစားနေတာ အတုယူစရာပါ...

မြနန္ဒာကို ဖတ်ရင်း သတိရမိတာက အိမ်ရှေ့ မင်းသမီးလေးဒိုင်ယာနာပါ... ချားလ်ရဲ့ရက်စက်မှုတွေခံရတဲ့အခါ စိတ်တွေ ဟိုးအောက်ခြေအထိ ကျခဲ့ပေမယ့် သူအလုပ်တွေလုပ်တယ်... သူ့ တိုင်းပြည်အတွက်, ကမ္ဘာကြီးအတွက် ပရဟိတတွေ မရပ်မနားလုပ်ရင်း အထီးကျန်မှုဝေဒနာကို သူကုစားခဲ့တယ်...

အိမ်ထောင်ရေးအဆင်မပြေလို့ အဖော်မဲ့ အထီးကျန်နေတဲ့မိန်းခလေးတွေ မြနန္ဒာလို, ဒိုင်ယာနာတို့ လို အလုပ်တွေပိုလုပ်ကြည့်ပါလား... ပတ်ဝန်းကျင်ကို အကိ်ျုးပြုတဲ့အလုပ်တွေဆို ကုသိုလ်လဲရ, အထီးကျန်ဝေဒနာလဲ သူ့ အလိုလိုကုစားပြီးသားဖြစ်မှာပါ...

မြနန္ဒာ ဝိုင်သောက်တယ်, ပါတီတက်တယ်, ကတယ်, ဆေးလိပ်သောက်တယ်, ဖဲရိုက်တယ်... ဒီထွက်ပေါက်တွေ သူလုပ်ခဲ့သေးပါတယ်... အိမ်ထောင်ရေးဖောက်ပြန်တဲ့ထွက်ပေါက်လောက် မဆိုးဝါးပေမယ့် မယူသင့်တဲ့ထွက်ပေါက်တွေပါ... ယူသင့်တဲ့ထွက်ပေါက်ကို ကျွန်မအပေါ်မှာပြောပြခဲ့ပါပြီ... စာတပုဒ်ဖတ်တဲ့အခါ, ရုပ်ရှင်တကားကြည့်တဲ့အခါ စာထဲက ဇာတ်ကောင်စရိုက်အရ အဆိုးနဲ့ အကောင်းဒွန်တွဲနေတတ်ပါတယ်... ကိုယ်က အဆိုးကိုယူမလား, အကောင်းကိုယူမလား... ကိုယ့်အပေါ်ပဲမူတည်တာမို့  ကိုယ့်ဘဝကို အဆိပ်ဖြစ်စေမယ့် သို့ မဟုတ် ကိုယ့်ပတ်ဝန်းကျင်ကို အဆိပ်ဖြစ်စေမယ့် အဆိုးတွေမယူမိဖို့ စဉ်းစားတွေးခေါ်နိုင်ကြပါစေ...

တန်ခူး
9:04pm
17-Jan-2018

Tuesday, January 16, 2018

ဖြောင့်ချက်

ဟိုးမိုးကောင်းကင်မှာ
၁၃တွေခြိမ်းတဲ့နေ့ က
ကိုယ့်အင်္ကျိဖြူဖြူလေး
မီးကျွမ်းသွားခဲ့တယ်...

ရောင်စုံဖန်ခွက်လေးတွေကို
၁၃တွေလွှတ်လွတ်ချတော့
ကိုယ့်ဖဝါးလေး
သွေးတွေစွန်းခဲ့တယ်...

အဝါရောင်နှင်းဆီပန်းအိုးလေးကို
ဝိညာဉ်မဲ့စေတဲ့၁၃ကြောင့်
ပန်းခြောက်လေးပေါ်
မျက်ရည်စီးခဲ့တယ်...

Chocolate Coated နှလုံးသားတခုကို
တံခါးမခေါက်ပဲ
ကိုယ့်အိမ်ထဲအရောက်
ပို့ ခဲ့တဲ့၁၃...

အချစ်အချစ်လို့ 
အော်ရောင်းနေတဲ့၁၃ရေ
ဘဝတခုလုံးပေးဝယ်လိုက်ရတာက
ဗျူဟာမာယာ အပုပ်အသိုးတွေ...

ခဏခဏမက်တဲ့
အိပ်မက်ဆိုးတွေထဲ
ကောင်းကင်ကြီးက
၁၃တွေရွာရွာချတိုင်း
ကိုယ်ဟာအကွယ်အကာမဲ့
ဒဏ်ရာတွေနဲ့ 
တဆိတ်... များလွန်းပြီ၁၃ရယ်...

ညကလကိုခဏဖွက်လို့ 
ပြက္ခဒိန်ထဲက၁၃တွေ
အပြီးထုပ်ပိုးပြီး
စကြာဝဌာအပြင်ဘက်
လွှင့်ပစ်ခဲ့တယ်...။

တန်ခူး
8:41am 16-Jan-2018

Monday, January 15, 2018

အချစ်ရှိသလား

Do you have love?

ခုတလော သားက အချစ်အကြောင်း လာလာဆွေးနွေးတော့ သားကို ကြိတ်စူးစမ်းလေ့လာရင်း သားရဲ့ထူးဆန်းတဲ့အတွေးတွေကို မြင်ရတာက စပြီး ဒီစာလေးရေးဖို့ စဉ်းစားမိတာပါ... High School ကျောင်းသား သားပတ်ဝန်းကျင်မှာ အချစ်ဆိုတဲ့စကားလုံး ဟိုတစ ဒီတစ ကြားရပြီထင်ပါတယ်...

"မေမေ အချစ်ဆိုတာ တကယ်မရှိဘူး... တကယ်တော့ လူတွေက သူတို့ မျိုးဆက်သစ်တွေ ကျန်ရစ်ခဲ့စေချင်လို့  အိမ်ထောင်ပြုကြတာ... ချစ်လို့ မဟုတ်ဘူး" တဲ့...

သားပြောတာ တစိတ်တပိုင်းမှန်ပေမယ့် အကုန်မမှန်ဘူးသားရဲ့... မေမေ အချစ်အကြောင်းစာတပုဒ်ရေးမယ်... ဒါပေမယ့် မေမေရေးမယ့်အချစ်က love between every relationship လို့ သားကို အကြမ်းဖျင်းပြောခဲ့ပါတယ်...

အချစ်ဆိုတာ လူတယောက်ချင်းစီက သူ့ အတွေ့ အကြုံအရ အမျိုးမျိုး အဓိပ္ပါယ်ဖွဲ့ ဆိုကြတာမို့  ခုကျွန်မရေးမယ့် အချစ်ဆိုတာလဲ ကျွန်မအမြင်သက်သက်သာဖြစ်ကြောင်း အရင်ဆုံးအသိပေးပါရစေနော်...

အချစ်ဆိုတာ ၂မျိုးပဲရှိပါတယ်... ကိုယ့်ကိုယ်ကိုချစ်တဲ့အချစ်နဲ့  သူတပါးကိုချစ်တဲ့အချစ်... relationship တိုင်းမှာ ကျွန်မပြောတဲ့၂မျိုးက ပြိုင်တူညီတူမျှတူ ရှိနေဖို့ ခဲယဉ်းလွန်းလှတယ်... တခုက အမြဲအလေးသာမြဲ...

မိဘနဲ့ သားသမီး, မောင်နှမသားချင်း, ဆရာနဲ့ တပည့်, လုပ်ဖော်ကိုင်ဖက်, သူငယ်ချင်း, ချစ်သူ, လင်မယား... စတဲ့စတဲ့ relationship တိုင်းမှာ တချို့ က ကိ်ုယ်ကချစ်တတ်သူလို့ ထင်ပေမယ့် တကယ်က ကိုယ့်ကိုယ်ကို ချစ်နေကြတာပါ... ဥပမာပြောရရင် ကိ်ုယ့်သားသမီးကို တသွေးတသံတမိန့် ကိုယ်ပြောတာ လုပ်ရမယ်ဆိုတဲ့မိဘတွေဟာ သားသမီးကို ကောင်းတာဖြစ်စေချင်လို့  ဘယ်လောက်ပဲပြောပြော တကယ်က သူတို့ ကိုယ်သူတို့ ချစ်နေကြတာပါ... သားသမီးတွေရဲ့ ကိုယ်ပိုင်ခံစားမှု, နှလုံးသားကို လျစ်လျူရှူထားလိုက်တာဟာ သားသမီးတွေကို ချစ်ပါတယ်ဆိုတာ စဉ်းစားစရာပါ...

ဒီလိုပါပဲ... မိတ်ဆွေအပေါင်းအသင်း, သူငယ်ချင်းတွေကြားထဲမှာလဲ တချို့ က ကိုယ့်ကိုယ်ကို ချစ်လွန်းလို့  သူများချစ်တာခံချင်ကြတယ်... လုပ်ပေးလိုက်တဲ့အလုပ်တိုင်းမှာ မျှော်လင့်ချက်တွေက နောက်က ကပ်ပါတယ်... ဟင်းလေးချက်ကျွေးမယ်, ပစ္စည်းလေးလက်ဆောင်ပေးမယ်, ယုတ်စွအဆုံး စကားချိုချိုလေးတွေ ကျအောင်ပြောမယ်... အဲဒီအပြုအမူတွေရဲ့နောက်မှာ မျှော်လင့်ချက်တွေပါနေတယ်... တဘက်လူက မျှော်လင့်တဲ့အတိုင်း မလုပ်ရင် သွားပြီ... တဘက်လူက သူ့ စိတ်ကြိုက်အတိုင်း မလိုက်ရင် အဲဒီလူအဆိုးဖြစ်ပြီ... တကယ်တော့ သူက သူ့ ကိုယ်ပိုင်ပေတံနဲ့  သူများကို တိုင်းပြီး ချစ်တယ်ချစ်တယ်လို့  ကြေငြာနေပေမယ့် သူတကယ်ချစ်တာ သူ့ ကိုယ်သူပါ...

လင်မယားတွေကြားမှာတော့ အသိသာဆုံးပေါ့... ချစ်လို့ လက်ထပ်ပေါင်းသင်းနေထိုင်ကြတယ် ဆိုတဲ့ လင်မယားတော်တော်များများဟာ သူကကိုယ့်ကိုချစ်တယ်ထင်လို့ , သူချစ်တာ ဂရုစိုက်တာခံချင်လို့ , သူ့ ဆီက အချစ်လိုချင်လို့ ဆိုတဲ့ မျှော်လင့်ချက်နဲ့  ကိုယ့်ကိုယ်ကိုချစ်လို့  လက်တွဲထားကြသူတွေ အများကြီးပါ... တချို့ ဆို ကိုယ့်ကို မချစ်တော့မှာစိုးလို့ , ကိုယ့်ကိုပစ်သွားမှာစိုးလို့ ဆိုတဲ့ အကြောက်နဲ့  ကိုယ့်ယောင်္ကျားအရက်သောက်နေလဲ ခပ်ပြုံးပြုံးလေး မတားပဲ သူ့ ကို ပိုချစ်အောင် နားလည်မှုရှိတယ်ဆိုတာ ပြချင်လို့ ဆို အမြည်းလေးလုပ်ပေး, အရက်လေးငှဲ့ ပေးပေါ့... ရောဂါရသွားမှဖြင့် သူ့ ခမျာရောဂါဝေဒနာ ဒဏ်ခံရရှာမယ်ဆိုတာတွေထိ မတွေး...အမုန်းခံမတားမြစ်... ကျွန်မမြင်ဖူးတာ ယောင်္ကျားက သေကောင်ပေါင်းလဲ ရောဂါကြီးတခုခံစားလို့  အရက်နဲ့ လုံးဝမတည့်တာတောင် မုန်းမှာကြောက်လို့ ဆို လက်ပိုက်ကြည့်နေနိုင်တဲ့ တချို့ အမျိုးသမီးတွေပါ... သူတို့  ကိ်ုယ့်ကိုယ်ကို ပိုချစ်ကြသူတွေပေါ့... တကယ်တော့ အေးလဲအတူ အပူလဲမျှကြဖို့  ဘဝ၂ခုပေါင်းခဲ့ကြတာ မဟုတ်လား....

ချစ်သူတွေမှာတော့ ကိုယ့်ကိုယ်ကိုချစ်တာလား, သူ့ ကိုချစ်တာလားဆိုတာ ဝေခွဲရခက်တဲ့အချိန်ပေါ့... ကိုယ့်ကိုချစ်နေစေချင်တာနဲ့  အပြန်အလှန်ကောင်းတာလေးတွေ လုပ်ပေးနေတော့ တကယ်ချစ်သလား, အနစ်နာခံသလား ဝေခွဲရအတော်ခက်ပါတယ်...ဒါပေမယ့် တကယ်ကြည့်ရင် မြင်လို့ ရပါတယ်... ငါကတော့ သူ့ ကိုလွမ်းလိုက်ရတာ သူကတော့ ဘာသိဘာသာကြီးလား... ငါ့ကိုဒီလိုလုပ်လို့  ငါစိတ်ကြိုက်မဟုတ်လို ဖြတ်မယ်ကွာ ဆိုတာမျိုး... ကိုယ့်ချစ်သူမှာ love အချစ်ရှိလား သေချာကြည့်ရင် အမှားနဲနိုင်ပါတယ်...

ဘယ်relationship မျိုးမဆို give & take concept က လုံးဝမကောင်းပါဘူး... ကျွန်မ မကြိုက်ဆုံးဆောင်ပုဒ်တခုက "သင်ကောင်းလျင် ကျွန်ုပ်မဆိုးပါ" ဆိုတဲ့ ဆောင်ပုဒ်ပါပဲ... အဲဒီစာသားထဲမှာကို အပေးနဲ့ အယူကြီးက ပါနေပြီလေ... တဘက်လူဆီက ကြိုတင်မျှော်လင့်ချက်က ပါနေပြီ... ပေးဆပ်ခြင်းဟာ တဘက်လူကိစ္စ အရင်မစဉ်းစားခင် ပထမဆုံးငြိ်မ်းချမ်းတာ ကိုယ့်ကိုယ်ပါ... ကိုယ့်ရင်ထဲက နှစ်နှစ်ကာကာ ချစ်လို့ ကို ကိုယ်လုပ်ပေးတာ, စေတနာမှန်လို့ ကို ကိ်ုယ်ပေးတာ ဘာပြန်ရစရာလိုသေးလို့ လဲနော်...

ခုနောက်ပိုင်း Facebook ယဉ်ကျေးမှုနဲ့ အတူ ပရဟိတဖက်ရှင်တွေပါ ခေတ်စားလာကြတယ်... ပရဟိတ အများအကျိုးအတွက် ကိုယ်ကျိုးစွန့် တကယ်လုပ်တဲ့သူတွေဟာ မျှော်လင့်ချက် အလွန်နည်းကြပါတယ်... မျှော်လင့်ချက်ကြီးနဲ့  ပရဟိတလုပ်နေတယ်ဆိုရင်တော့ တခုခုလွဲချော်နေပြီပေါ့နော်... တကယ်ပေးချင်သလား... ပြတ်အောင်ပေးပလိုက်ပါလို့  တိုက်တွန်းချင်ပါတယ်... ငါက ပရဟိတ လုပ်နေတာ... ငါလိုလူမျိုးကို ကျေးဇူးမတင်ဘူးဆို သွားပြီပေါ့နော်... ကိုယ်ပေးလိုက်တဲ့သူတွေကို တကယ်ချစ်တာလား... ကိုယ့်ကိုယ်ကိုချစ်လို့  သူများတွေကချစ်စေချင်လို့ အပြလုပ်တာလား အတော်ကိုကွာပါတယ်...

ဒီလိုပါပဲ Facebook ယဉ်ကျေးမှုထွန်းကားလာတဲ့အခါ ကော်မန့် ချိုချိုလေးတွေ လိုချင်ကြတော့ virtual world မှာ fake relationship တွေ များလာတယ်... ကိုယ့်နဂိုပုံစံ real image ပေါ်မှာ အရေခွံလှလှလေးတွေ ခြုံပြလာကြတယ်... စရိုက်ကြမ်းတဲ့သူကလဲ အပြယဉ်ကျေးလာတယ်... ရက်စက်တတ်တဲ့သူက ကြင်နာချင်ယောင်ဆောင်လာတယ်... အရမ်းအန္တရာယ်များပါတယ်... ကြောင်ကြာကြာရေမငုပ်နိုင်တဲ့အခါ relationship မှာ complications တွေဖြစ်လို့  ဇာတ်သိမ်းတွေက block တာနဲ့  unfriend လုပ်တာနဲ့  အကျည်းတွေတန်ကုန်ကြပါတယ်...

ကိုယ့်ကိုယ်ကို ချစ်တာအပြစ်လားလို့  ကျွန်မကိုများမေးလာခဲ့ရင် အပြစ်မဟုတ်ပါဘူးလို့  ကျွန်မဖြေမှာပါ... ကျွန်မလဲ ကျွန်မကိုယ်ကျွန်မချစ်ပါတယ်... ကျွန်မပြောချင်တာက relationship တိုင်းမှာ ကိုယ့်ကိုယ်ကို ချစ်စိတ်အားကြီးနေရင် တကယ်မချစ်တတ်တော့ ရေရှည်မှာ impact ဖြစ်နိုင်တာကို ပြောချင်တာပါ... အဆိုးဆုံးကတော့ အတ္တအရမ်းကြီးလာရင် အချစ်ပျောက်သလို, respect အပြန်အလှန်လေးစားမှုလဲ ပျောက်သွားတာပါ... ကျွန်မပြောချင်တာက ကိုယ့်ကိုယ်ကိုချစ်ပါ... ဒါပေမယ့် သူတပါးကို မထိခိုက်မနစ်နာစေပါနဲ့ လို့ ...

သင့်မှာအချစ်ရှိသလား Do you have love?

ရှိတယ်လို့ အလွယ်တကူဖြေကြမှာပါ... သင့်မှာ သူတပါးကို ကိ်ုယ်ချင်းစာတတ်, စာနာသနားတတ်, မျှဝေခံစားတတ်တဲ့အချစ်ရှိပါသလား... အဲဒီလို အချစ်ရှိရင် every relationship becomes beautiful relationship ဖြစ်လာမှာပါ... လူနှစ်ယောက်ကြားမှာ တကယ်လိုအပ်တာဟာ စကားချိုချိုတွေပြောတတ်တဲ့နှုတ်ခမ်းဖျားတခုမဟုတ်ပါဘူး... တကယ်ချစ်တတ်တဲ့နှလုံးသားတခုပါ...

တန်ခူး
6:00pm
15 Jan 2017

မှန်

ကွဲကျသွားခဲ့လဲ
အပိုင်းအစတွေထဲက
မြဲနေတဲ့သစ္စာ။

တန်ခူး
2:15am
15-Jan-2018

Monday, January 8, 2018

ကိုယ်ကစလို့ ပြုပြင်ပါ

အမှောင်ကိုမကြိုက်ရင်
အလင်းပြသူကိုမစောင့်နဲ့ 
ကိုယ်ကအလင်းပြနိုင်အောင်ကြိုးစားပါ...

နေပူတာမနှစ်သက်ရင်
အရိပ်ပေးမယ့်သူကိုမမျှော်နဲ့ 
ကိုယ်ကအရိပ်ပေးသူဖြစ်အောင်အားထုတ်ပါ...

သီလပျက်သူကိုမနှစ်မြို့ ရင်
အပြစ်ဖို့ လို့ ကဲ့ရဲ့မဆိုနဲ့ 
ကိုယ်သာသီလလုံအောင်စောင့်ထိန်းပါ...

လဲပြိုတာကိုလက်မခံနိုင်ရင်
ဖေးကူသူကိုမငေးနဲ့ 
ကိုယ်ကကိုယ့်ကိုမလဲပြိုအောင်ရဲရင့်ပါ...

အလ်ိမ်အညာကိုနာကျင်ရင်
မလ်ိမ်ညာတတ်သူကိုမရှာနဲ့ 
ကိုယ်ကိုယ်တိုင်ကမလ်ိမ်တတ်အောင်ကျင့်ကြံပါ...

သူ့ ကြောင့်ငါကြောင့်
မင်းကြောင့်ဒင်းကြောင့်လို့ 
ထိုးတဲ့လက်ညှိးတွေခဏသိမ်းလို့ 
ကိုယ်ကိုယ့်ကိုအသေအချာဆန်းစစ်
မေတ္တာအနှစ်တွေနဲ့ 
ကိုယ်ကစလို့ ပြုပြင်ပါ...။

တန်ခူး
11:33pm
7-Jan-2018