ဖြောင့်ချက်

ဟိုးမိုးကောင်းကင်မှာ
၁၃တွေခြိမ်းတဲ့နေ့ က
ကိုယ့်အင်္ကျိဖြူဖြူလေး
မီးကျွမ်းသွားခဲ့တယ်...

ရောင်စုံဖန်ခွက်လေးတွေကို
၁၃တွေလွှတ်လွတ်ချတော့
ကိုယ့်ဖဝါးလေး
သွေးတွေစွန်းခဲ့တယ်...

အဝါရောင်နှင်းဆီပန်းအိုးလေးကို
ဝိညာဉ်မဲ့စေတဲ့၁၃ကြောင့်
ပန်းခြောက်လေးပေါ်
မျက်ရည်စီးခဲ့တယ်...

Chocolate Coated နှလုံးသားတခုကို
တံခါးမခေါက်ပဲ
ကိုယ့်အိမ်ထဲအရောက်
ပို့ ခဲ့တဲ့၁၃...

အချစ်အချစ်လို့ 
အော်ရောင်းနေတဲ့၁၃ရေ
ဘဝတခုလုံးပေးဝယ်လိုက်ရတာက
ဗျူဟာမာယာ အပုပ်အသိုးတွေ...

ခဏခဏမက်တဲ့
အိပ်မက်ဆိုးတွေထဲ
ကောင်းကင်ကြီးက
၁၃တွေရွာရွာချတိုင်း
ကိုယ်ဟာအကွယ်အကာမဲ့
ဒဏ်ရာတွေနဲ့ 
တဆိတ်... များလွန်းပြီ၁၃ရယ်...

ညကလကိုခဏဖွက်လို့ 
ပြက္ခဒိန်ထဲက၁၃တွေ
အပြီးထုပ်ပိုးပြီး
စကြာဝဌာအပြင်ဘက်
လွှင့်ပစ်ခဲ့တယ်...။

တန်ခူး
8:41am 16-Jan-2018

အချစ်ရှိသလား

Do you have love?

ခုတလော သားက အချစ်အကြောင်း လာလာဆွေးနွေးတော့ သားကို ကြိတ်စူးစမ်းလေ့လာရင်း သားရဲ့ထူးဆန်းတဲ့အတွေးတွေကို မြင်ရတာက စပြီး ဒီစာလေးရေးဖို့ စဉ်းစားမိတာပါ... High School ကျောင်းသား သားပတ်ဝန်းကျင်မှာ အချစ်ဆိုတဲ့စကားလုံး ဟိုတစ ဒီတစ ကြားရပြီထင်ပါတယ်...

"မေမေ အချစ်ဆိုတာ တကယ်မရှိဘူး... တကယ်တော့ လူတွေက သူတို့ မျိုးဆက်သစ်တွေ ကျန်ရစ်ခဲ့စေချင်လို့  အိမ်ထောင်ပြုကြတာ... ချစ်လို့ မဟုတ်ဘူး" တဲ့...

သားပြောတာ တစိတ်တပိုင်းမှန်ပေမယ့် အကုန်မမှန်ဘူးသားရဲ့... မေမေ အချစ်အကြောင်းစာတပုဒ်ရေးမယ်... ဒါပေမယ့် မေမေရေးမယ့်အချစ်က love between every relationship လို့ သားကို အကြမ်းဖျင်းပြောခဲ့ပါတယ်...

အချစ်ဆိုတာ လူတယောက်ချင်းစီက သူ့ အတွေ့ အကြုံအရ အမျိုးမျိုး အဓိပ္ပါယ်ဖွဲ့ ဆိုကြတာမို့  ခုကျွန်မရေးမယ့် အချစ်ဆိုတာလဲ ကျွန်မအမြင်သက်သက်သာဖြစ်ကြောင်း အရင်ဆုံးအသိပေးပါရစေနော်...

အချစ်ဆိုတာ ၂မျိုးပဲရှိပါတယ်... ကိုယ့်ကိုယ်ကိုချစ်တဲ့အချစ်နဲ့  သူတပါးကိုချစ်တဲ့အချစ်... relationship တိုင်းမှာ ကျွန်မပြောတဲ့၂မျိုးက ပြိုင်တူညီတူမျှတူ ရှိနေဖို့ ခဲယဉ်းလွန်းလှတယ်... တခုက အမြဲအလေးသာမြဲ...

မိဘနဲ့ သားသမီး, မောင်နှမသားချင်း, ဆရာနဲ့ တပည့်, လုပ်ဖော်ကိုင်ဖက်, သူငယ်ချင်း, ချစ်သူ, လင်မယား... စတဲ့စတဲ့ relationship တိုင်းမှာ တချို့ က ကိ်ုယ်ကချစ်တတ်သူလို့ ထင်ပေမယ့် တကယ်က ကိုယ့်ကိုယ်ကို ချစ်နေကြတာပါ... ဥပမာပြောရရင် ကိ်ုယ့်သားသမီးကို တသွေးတသံတမိန့် ကိုယ်ပြောတာ လုပ်ရမယ်ဆိုတဲ့မိဘတွေဟာ သားသမီးကို ကောင်းတာဖြစ်စေချင်လို့  ဘယ်လောက်ပဲပြောပြော တကယ်က သူတို့ ကိုယ်သူတို့ ချစ်နေကြတာပါ... သားသမီးတွေရဲ့ ကိုယ်ပိုင်ခံစားမှု, နှလုံးသားကို လျစ်လျူရှူထားလိုက်တာဟာ သားသမီးတွေကို ချစ်ပါတယ်ဆိုတာ စဉ်းစားစရာပါ...

ဒီလိုပါပဲ... မိတ်ဆွေအပေါင်းအသင်း, သူငယ်ချင်းတွေကြားထဲမှာလဲ တချို့ က ကိုယ့်ကိုယ်ကို ချစ်လွန်းလို့  သူများချစ်တာခံချင်ကြတယ်... လုပ်ပေးလိုက်တဲ့အလုပ်တိုင်းမှာ မျှော်လင့်ချက်တွေက နောက်က ကပ်ပါတယ်... ဟင်းလေးချက်ကျွေးမယ်, ပစ္စည်းလေးလက်ဆောင်ပေးမယ်, ယုတ်စွအဆုံး စကားချိုချိုလေးတွေ ကျအောင်ပြောမယ်... အဲဒီအပြုအမူတွေရဲ့နောက်မှာ မျှော်လင့်ချက်တွေပါနေတယ်... တဘက်လူက မျှော်လင့်တဲ့အတိုင်း မလုပ်ရင် သွားပြီ... တဘက်လူက သူ့ စိတ်ကြိုက်အတိုင်း မလိုက်ရင် အဲဒီလူအဆိုးဖြစ်ပြီ... တကယ်တော့ သူက သူ့ ကိုယ်ပိုင်ပေတံနဲ့  သူများကို တိုင်းပြီး ချစ်တယ်ချစ်တယ်လို့  ကြေငြာနေပေမယ့် သူတကယ်ချစ်တာ သူ့ ကိုယ်သူပါ...

လင်မယားတွေကြားမှာတော့ အသိသာဆုံးပေါ့... ချစ်လို့ လက်ထပ်ပေါင်းသင်းနေထိုင်ကြတယ် ဆိုတဲ့ လင်မယားတော်တော်များများဟာ သူကကိုယ့်ကိုချစ်တယ်ထင်လို့ , သူချစ်တာ ဂရုစိုက်တာခံချင်လို့ , သူ့ ဆီက အချစ်လိုချင်လို့ ဆိုတဲ့ မျှော်လင့်ချက်နဲ့  ကိုယ့်ကိုယ်ကိုချစ်လို့  လက်တွဲထားကြသူတွေ အများကြီးပါ... တချို့ ဆို ကိုယ့်ကို မချစ်တော့မှာစိုးလို့ , ကိုယ့်ကိုပစ်သွားမှာစိုးလို့ ဆိုတဲ့ အကြောက်နဲ့  ကိုယ့်ယောင်္ကျားအရက်သောက်နေလဲ ခပ်ပြုံးပြုံးလေး မတားပဲ သူ့ ကို ပိုချစ်အောင် နားလည်မှုရှိတယ်ဆိုတာ ပြချင်လို့ ဆို အမြည်းလေးလုပ်ပေး, အရက်လေးငှဲ့ ပေးပေါ့... ရောဂါရသွားမှဖြင့် သူ့ ခမျာရောဂါဝေဒနာ ဒဏ်ခံရရှာမယ်ဆိုတာတွေထိ မတွေး...အမုန်းခံမတားမြစ်... ကျွန်မမြင်ဖူးတာ ယောင်္ကျားက သေကောင်ပေါင်းလဲ ရောဂါကြီးတခုခံစားလို့  အရက်နဲ့ လုံးဝမတည့်တာတောင် မုန်းမှာကြောက်လို့ ဆို လက်ပိုက်ကြည့်နေနိုင်တဲ့ တချို့ အမျိုးသမီးတွေပါ... သူတို့  ကိ်ုယ့်ကိုယ်ကို ပိုချစ်ကြသူတွေပေါ့... တကယ်တော့ အေးလဲအတူ အပူလဲမျှကြဖို့  ဘဝ၂ခုပေါင်းခဲ့ကြတာ မဟုတ်လား....

ချစ်သူတွေမှာတော့ ကိုယ့်ကိုယ်ကိုချစ်တာလား, သူ့ ကိုချစ်တာလားဆိုတာ ဝေခွဲရခက်တဲ့အချိန်ပေါ့... ကိုယ့်ကိုချစ်နေစေချင်တာနဲ့  အပြန်အလှန်ကောင်းတာလေးတွေ လုပ်ပေးနေတော့ တကယ်ချစ်သလား, အနစ်နာခံသလား ဝေခွဲရအတော်ခက်ပါတယ်...ဒါပေမယ့် တကယ်ကြည့်ရင် မြင်လို့ ရပါတယ်... ငါကတော့ သူ့ ကိုလွမ်းလိုက်ရတာ သူကတော့ ဘာသိဘာသာကြီးလား... ငါ့ကိုဒီလိုလုပ်လို့  ငါစိတ်ကြိုက်မဟုတ်လို ဖြတ်မယ်ကွာ ဆိုတာမျိုး... ကိုယ့်ချစ်သူမှာ love အချစ်ရှိလား သေချာကြည့်ရင် အမှားနဲနိုင်ပါတယ်...

ဘယ်relationship မျိုးမဆို give & take concept က လုံးဝမကောင်းပါဘူး... ကျွန်မ မကြိုက်ဆုံးဆောင်ပုဒ်တခုက "သင်ကောင်းလျင် ကျွန်ုပ်မဆိုးပါ" ဆိုတဲ့ ဆောင်ပုဒ်ပါပဲ... အဲဒီစာသားထဲမှာကို အပေးနဲ့ အယူကြီးက ပါနေပြီလေ... တဘက်လူဆီက ကြိုတင်မျှော်လင့်ချက်က ပါနေပြီ... ပေးဆပ်ခြင်းဟာ တဘက်လူကိစ္စ အရင်မစဉ်းစားခင် ပထမဆုံးငြိ်မ်းချမ်းတာ ကိုယ့်ကိုယ်ပါ... ကိုယ့်ရင်ထဲက နှစ်နှစ်ကာကာ ချစ်လို့ ကို ကိုယ်လုပ်ပေးတာ, စေတနာမှန်လို့ ကို ကိ်ုယ်ပေးတာ ဘာပြန်ရစရာလိုသေးလို့ လဲနော်...

ခုနောက်ပိုင်း Facebook ယဉ်ကျေးမှုနဲ့ အတူ ပရဟိတဖက်ရှင်တွေပါ ခေတ်စားလာကြတယ်... ပရဟိတ အများအကျိုးအတွက် ကိုယ်ကျိုးစွန့် တကယ်လုပ်တဲ့သူတွေဟာ မျှော်လင့်ချက် အလွန်နည်းကြပါတယ်... မျှော်လင့်ချက်ကြီးနဲ့  ပရဟိတလုပ်နေတယ်ဆိုရင်တော့ တခုခုလွဲချော်နေပြီပေါ့နော်... တကယ်ပေးချင်သလား... ပြတ်အောင်ပေးပလိုက်ပါလို့  တိုက်တွန်းချင်ပါတယ်... ငါက ပရဟိတ လုပ်နေတာ... ငါလိုလူမျိုးကို ကျေးဇူးမတင်ဘူးဆို သွားပြီပေါ့နော်... ကိုယ်ပေးလိုက်တဲ့သူတွေကို တကယ်ချစ်တာလား... ကိုယ့်ကိုယ်ကိုချစ်လို့  သူများတွေကချစ်စေချင်လို့ အပြလုပ်တာလား အတော်ကိုကွာပါတယ်...

ဒီလိုပါပဲ Facebook ယဉ်ကျေးမှုထွန်းကားလာတဲ့အခါ ကော်မန့် ချိုချိုလေးတွေ လိုချင်ကြတော့ virtual world မှာ fake relationship တွေ များလာတယ်... ကိုယ့်နဂိုပုံစံ real image ပေါ်မှာ အရေခွံလှလှလေးတွေ ခြုံပြလာကြတယ်... စရိုက်ကြမ်းတဲ့သူကလဲ အပြယဉ်ကျေးလာတယ်... ရက်စက်တတ်တဲ့သူက ကြင်နာချင်ယောင်ဆောင်လာတယ်... အရမ်းအန္တရာယ်များပါတယ်... ကြောင်ကြာကြာရေမငုပ်နိုင်တဲ့အခါ relationship မှာ complications တွေဖြစ်လို့  ဇာတ်သိမ်းတွေက block တာနဲ့  unfriend လုပ်တာနဲ့  အကျည်းတွေတန်ကုန်ကြပါတယ်...

ကိုယ့်ကိုယ်ကို ချစ်တာအပြစ်လားလို့  ကျွန်မကိုများမေးလာခဲ့ရင် အပြစ်မဟုတ်ပါဘူးလို့  ကျွန်မဖြေမှာပါ... ကျွန်မလဲ ကျွန်မကိုယ်ကျွန်မချစ်ပါတယ်... ကျွန်မပြောချင်တာက relationship တိုင်းမှာ ကိုယ့်ကိုယ်ကို ချစ်စိတ်အားကြီးနေရင် တကယ်မချစ်တတ်တော့ ရေရှည်မှာ impact ဖြစ်နိုင်တာကို ပြောချင်တာပါ... အဆိုးဆုံးကတော့ အတ္တအရမ်းကြီးလာရင် အချစ်ပျောက်သလို, respect အပြန်အလှန်လေးစားမှုလဲ ပျောက်သွားတာပါ... ကျွန်မပြောချင်တာက ကိုယ့်ကိုယ်ကိုချစ်ပါ... ဒါပေမယ့် သူတပါးကို မထိခိုက်မနစ်နာစေပါနဲ့ လို့ ...

သင့်မှာအချစ်ရှိသလား Do you have love?

ရှိတယ်လို့ အလွယ်တကူဖြေကြမှာပါ... သင့်မှာ သူတပါးကို ကိ်ုယ်ချင်းစာတတ်, စာနာသနားတတ်, မျှဝေခံစားတတ်တဲ့အချစ်ရှိပါသလား... အဲဒီလို အချစ်ရှိရင် every relationship becomes beautiful relationship ဖြစ်လာမှာပါ... လူနှစ်ယောက်ကြားမှာ တကယ်လိုအပ်တာဟာ စကားချိုချိုတွေပြောတတ်တဲ့နှုတ်ခမ်းဖျားတခုမဟုတ်ပါဘူး... တကယ်ချစ်တတ်တဲ့နှလုံးသားတခုပါ...

တန်ခူး
6:00pm
15 Jan 2017

မှန်

ကွဲကျသွားခဲ့လဲ
အပိုင်းအစတွေထဲက
မြဲနေတဲ့သစ္စာ။

တန်ခူး
2:15am
15-Jan-2018

ကိုယ်ကစလို့ ပြုပြင်ပါ

အမှောင်ကိုမကြိုက်ရင်
အလင်းပြသူကိုမစောင့်နဲ့ 
ကိုယ်ကအလင်းပြနိုင်အောင်ကြိုးစားပါ...

နေပူတာမနှစ်သက်ရင်
အရိပ်ပေးမယ့်သူကိုမမျှော်နဲ့ 
ကိုယ်ကအရိပ်ပေးသူဖြစ်အောင်အားထုတ်ပါ...

သီလပျက်သူကိုမနှစ်မြို့ ရင်
အပြစ်ဖို့ လို့ ကဲ့ရဲ့မဆိုနဲ့ 
ကိုယ်သာသီလလုံအောင်စောင့်ထိန်းပါ...

လဲပြိုတာကိုလက်မခံနိုင်ရင်
ဖေးကူသူကိုမငေးနဲ့ 
ကိုယ်ကကိုယ့်ကိုမလဲပြိုအောင်ရဲရင့်ပါ...

အလ်ိမ်အညာကိုနာကျင်ရင်
မလ်ိမ်ညာတတ်သူကိုမရှာနဲ့ 
ကိုယ်ကိုယ်တိုင်ကမလ်ိမ်တတ်အောင်ကျင့်ကြံပါ...

သူ့ ကြောင့်ငါကြောင့်
မင်းကြောင့်ဒင်းကြောင့်လို့ 
ထိုးတဲ့လက်ညှိးတွေခဏသိမ်းလို့ 
ကိုယ်ကိုယ့်ကိုအသေအချာဆန်းစစ်
မေတ္တာအနှစ်တွေနဲ့ 
ကိုယ်ကစလို့ ပြုပြင်ပါ...။

တန်ခူး
11:33pm
7-Jan-2018

ဆံပင်ရှည်များမှတဆင့်….

“ယောင်္ကျားတို့ ဘုန်းလက်ရုံး၊ မိန်းမတို့ ဘုန်းဆံထုံး” ဆိုတဲ့ ဆိုရိုးစကားကို မသိနားမလည်ခင် အရွယ်ကတည်းက ဆံပင်ရှည်ရှည်တွေကို ကျွန်မက နှစ်သက်တတ်ခဲ့တာ ခုထိမှတ်မိနေသေးတယ်…။ ကျွန်မ ၂တန်း၊ ၃တန်း အရွယ် “က” တမ်း၊ “ခုန်” တမ်း ကစားကြပြီဆို မျက်နှာသုတ်ပုဝါကြီးကို ခေါင်းမှာအုပ်ပြီး ဆံပင်အရှည်ကြီးလုပ်ခဲ့တာ…။ အဲဒီတုန်းက အမေ့ဆံပင်တွေက ခြေသလုံးထိရှည်သေးတယ်…။ အမေများ ခေါင်းဖြီးနေပြီဆို ကျွန်မက အမေ့နံဘေးနေရင်း အမေဆံပင်တွေကို ကိုင်ကိုင်ကြည့်လို့  အားကျနေခဲ့တာ…။ အမေတို့  တက္ကသိုလ်တက်တုန်းက အမေ့ဆံပင်တွေက ခြေမျက်စိထိရှည်တယ်လို့  အမေပြန်ပြောတော့ ကျွန်မတက္ကသိုလ်တက်ရင် အဲဒီလောက် ဆံပင်ရှည်ကြီးနဲ့  ဖြစ်ချင်မိခဲ့ပြန်တယ်…။ ရှစ်တန်းလောက် အပျိုပေါက်အရွယ်ရောက်တော့ ကျောင်းမှာ တချို့  သူငယ်ချင်းတွေ ဆံပင်အရှည်လေးတွေ ဖြစ်လာတော့ နဂိုကဆံပင်ရှည်ထားချင်တဲ့စိတ်တွေ ထိန်းမနိုင်ဖြစ်ပြီး အဖေ့ကို ပူဆာမိခဲ့တယ်…။ အဖေက အပျိုကြီးစိတ်ဖြစ်မှာစိုးလို့  အချိန်တန်ရင် ဆံပင်ညှပ်ဆိုင်ရောက်တော့ စန္ဒာပုံပါပဲ...။ တက္ကသိုလ် ပထမနှစ်ရောက်တဲ့အထိ အဖေခွင့်မပြုလို့  ယောင်္ကျားဆန်ဆန် ဆံပင်တိုတိုနဲ့ တက်ခဲ့ရတယ်…။

ကျွန်မတို့  တက္ကသိုလ်ရောက်တော့ ဆံပင်အရှည်တွေအရမ်းခေတ်စားတဲ့ခေတ်…။ မင်းသမီး ဇင်မာဦး… တင်နီလာဝင်း… လင်းဇာနည်ဇော်… စိုးမြတ်သူဇာ… သူတို့ အကုန်ဆံပင်ရှည်လေးတွေနဲ့  အလွန်လှကြတာ…။ တက္ကသိုလ်က သူငယ်ချင်းမိန်းကလေး တော်တော်များများကလဲ ဆံပင်ရှည်လေးတွေ တ၀ဲဝဲနဲ့ ….။ ခေတ်စားတဲ့ သီချင်းတွေကလဲ “ညနေခင်းရဲ့လေပြေထဲမှာ…. မင်းဆံနွယ်တွေ တောင်ပံခတ်လို့ နေ” တို့ …. “ဆံပင်ရှည်ရှည်အရပ်မြင့်မြင့် ကိုယ့်ချစ်သူလေး..” တို့ …. “ဆံပင်ရှည်ရှည် ကောင်မလေးများတွေ့ ရင် ယောင်ရမ်းပြီးရပ်ကြည့်နေမိတယ်”…. တို့ နဲ့  သီချင်းတော်တော်များများမှာ ဆံပင်ရှည်ရှည်ကောင်မလေးတွေက နေရာယူလို့ ထားပြန်တာ….။ ဒုတိယနှစ်ကျောင်းတွေပိတ်တော့ တက္ကသိုလ်ကျောင်းသူ ယောင်္ကျားဆံပင်နဲ့ ကျွန်မကို အဖေက သနားသွားပုံရတယ်…။ ဆံပင်ညှပ်ဆိုင် မခေါ်သွားတော့ ကျွန်မကလဲ တနေ့ ထက်တနေ့  ရှည်လာတဲ့ဆံပင်လေးတွေကို တကိုင်ကိုင်နဲ့  ပျော်လို့ လေ…။ ဆံပင်လေးတွေ ကုတ်ထောက်တဲ့ အရှည်ရောက်တော့ ကုတ်ထောက်ရင် အရှည်မမြန်တတ်ဘူးဆိုလို့  စည်းထားလိုက် ခေါက်တင်လိုက်နဲ့  အလုပ်တွေကိ်ု ရှုပ်လို့ ….။ ညအိပ်ရင် ကျစ်ဆံမြီးကျစ်အိပ်ရင် ဆံပင်အရှည်မြန်တယ်ဆိုလို့  ကျစ်ဆံမြီးကျစ်အိပ်လား အိပ်ရဲ့…။ ကျောင်း၃နှစ်ပိတ်ပြီး ပြန်ဖွင့်တော့ ကျွန်မဆံပင်လေးတွေ ကုတ်ကျော်ပြီး ဆံပင်အရှည် စာရင်းဝင်လာခဲ့ပြီလေ…။ အိမ်ကကြီးကြီးကလဲ ကျွန်မဆံပင်လေးတွေကို ဆံထုံးလေးထုံးပေးလိုက်… ကျစ်ဆံမြီးလေးကျစ်ပေးလိုက်…. တ၀က်ခွဲစည်းပေးလိုက်နဲ့  တနေ့ တမျိုး မရိုးရအောင် လုပ်ပေးတတ်ပါတယ်…။

အကြေကောက်တွေ… 3 steps 4 steps တွေ ခေတ်စားလာတဲ့အချိန်ကျ အဖေ့ဆီက အရင်ကလို စန္ဒာပုံအစား “ယောင်္ကျားတို့ ဘုန်းလက်ရုံး၊ မိန်းမတို့ ဘုန်း ဆံထုံး” ဆိုတဲ့ စကားတဖွဖွကြားရတတ်ပါတယ်…။ တနေ့ တခြားရှည်လာတဲ့ ကျွန်မဆံပင်ကို ဖြတ်ပစ်မှာ အဖေစိုးရိမ်လာပြီး စာမေးပွဲနားနီးလို့  ဆံပင်နဲနဲတိရင်တောင် အဖေမသိအောက် တိတ်တိတ်လေး တိရတဲ့အထိပါပဲ…။ ကျွန်မကိုယ်တိုင်ကလဲ ဆံပင်ရှည်တွေ မြတ်နိုးတာမို့  ကျွန်မဆံပင်ရှည်တွေကို ဖြတ်ပစ်ဖို့ ဆိုတာ နဲနဲလေးမှမစဉ်းစားခဲ့ပါဘူး…။ ထက်ထက်မိုးဦးဆံပင်ရှည်လေးနဲ့  ကြော်ငြာတွေ ရှမ်းရှမ်းတောက် အောက်မြင်နေတဲ့အချိန်ကျ ဆံပင်ရှည်တွေပြန်ခေတ်စားပြန်တယ်…။ ကျွန်မကတော့ တခြားဆံပင်ပုံဘယ်လိုမှ လုပ်မရတဲ့ ဖြောင့်လွန်းတဲ့ဆံပင်တွေကြောင့် ရှေ့ ကဆာမူရိုင်းနဲ့  နောက်အရှည်ကြီးကို မူပိုင်ထားခဲ့တာပါ…။ ကျွန်မနဲ့  အဲဒီဆံပင်ကို လူတွေတွဲမှတ်မိတဲ့အထိပါပဲ…။ ဆံပင်တွေကို ဘယ်လောက် ရူးသွပ်သလဲဆို ဆံပင်ပျက်စီးမှာစိုးလို့  မလျှော်ခင် အုန်းဆီမှန်မှန်လိမ်းပြီး သဘာဝတရော်၊ ကင်မွန်းခေါင်းလျှော်ရည်နဲ့ သာ လျှော်ခဲ့ပါတယ်…။ ဆံသားတွေ ပျက်စီးမှာစိုးလို့  သိပ်တောင် မစီးဖြစ်ပဲ ဘယ်လောက်အိုက်အိုက် ဒီတိုင်းချထားတတ်ပါတယ်…။ ကျွန်မကြီးကြီးကိုယ်တိုင် စိတ်ရှည်လက်ရှည် လုပ်ပေးတဲ့ လဘက်ပုပ်၊ ထောလပတ်ရွက် နဲ့ အုန်းဆီ ရောစပ်ထားတဲ့ ဆံပင်လိမ်းဆေးကိုလဲ ပုံမှန်လိမ်းရင်း ကျွန်မဆံပင်ရှည်တွေကို အတော်ဂရုစိုက်ခဲ့ပါတယ်…။ ဒီရောက်တော့ ဒီကရေကြောင့်ရယ် အချိန်မရသဘာဝခေါင်းလျှော်ရေမရတော့ chemicalခေါင်းလျှော်ရေတွေ လျှော်တာကြောင့်ရယ် ကျွန်မဆံပင်တွေ အရင်ကလိုမဟုတ်ပဲ အရမ်းကျွတ်ပြီး ပိုပိုပါးလာခဲ့ပါတယ်…။ ဒါပေမယ့်လဲ ဆံပင်ရှည်မြတ်နိုးတဲ့ကျွန်မ ဆံပင်ရှည်တွေကို ဆက်ထိန်းသိမ်းထားခဲ့ပါတယ်…။



ဆံပင်ရှည်တွေကို ကျန်းမာရေးမကောင်းလို့ ဖြတ်ရင်တောင် ကျော်လယ်လောက်ထိသာ ဖြတ်ပြီး အရှည်အတိုင်းထားခဲ့တာ ပြီးခဲ့တဲ့နှစ်ကုန်ထိပါပဲ…။ သွေးအရမ်းအလှူချင်တဲ့ ကျွန်မ သွေးနီဥအားနည်းတတ်တာမို့  ဆရာဝန်က သွေးမလှူခိုင်းပါဘူး...။ သွေးလှူဖို့  အခွင့်မရခဲ့တာမို့  ဆံပင်တွေကို ရွှေဆံပင်တံတားလမ်းအတွက် လှူလို့ ရတယ်ဆိုတာ သိရတော့ ကျွန်မတသက်လုံး မြတ်မြတ်နိုးနိုးထားတဲ့ ဆံပင်တွေကို လှူချင်တဲ့ သဒ္ဒါတရားပေါ်ခဲ့ပါတယ်…။ ဆံပင်ဖြတ်ဖို့ ဆို အမြဲတုန့် နှေးနေတတ်တဲ့ကျွန်မဆီမှာ ဖြစ်ပေါ်လာတဲ့လှူချင်တဲ့စိတ်ကို ကျွန်မကို ကျွန်မအံ့သြမိတဲ့အထိပါပဲ…။ ရွှေဆံပင်တံတားလမ်းဆိုတာကတော့ လမ်းပန်းဆက်သွယ်ရေး ခက်ခဲလွန်းလို့  (၁၀)မိုင်ဝေးတဲ့ အရပ်မှာရှိတဲ့ ဆေးရုံကို ၃နာရီလောက်ကြာအောင် သွားရလို့  အသက်မဆုံးရှုံးသင့်ပဲ ဆုံးရှူံးသွားခဲ့ကြတဲ့ သူတွေကို မျက်မြင်တွေ့ ပြီး ဆရာတော်အရှင်ဝေပုလ္လက ဦးဆောင်ပြီး ပိုက်ဆံရှိသူရော မရှိသူပါလှူဒါန်းနိုင်တဲ့ ဆံပင်အလှူ( ဇိဝိတဒါနအလှူ) နဲ့  လမ်းတွေ တံတားတွေခင်းခဲ့တာ အခုဆို အလောင်းတော်ကဿပပင်မလမ်း နဲ့  တံတားပေါင်းများစွာ ခင်းနိုင်ခဲ့ပြီးဖြစ်ပါတယ်…။ ငွေလှူလိုက်လို့  ရတာများ ဆံပင်ဘာလို့ လှူသလဲလို့  ကျွန်မကို မေးခဲ့ရင်တော့ အထက်ကပြောသလို ကျွန်မမြတ်နိုးတဲ့ ကျွန်မခန္ဓာကိုယ်က အစိတ်အပိုင်းကို လှူရတာမိုလို့  ငွေထက်ပိုအဓိပ္ပါယ်ရှိတဲ့ အလှူလို့  ခံစားကြည်နူးမိလို့ လို့  ဖြေရမှာပါပဲ…။

အမြဲကြောလယ်လောက်ထက်တိုအောင် မညှပ်တဲ့ကျွန်မ ဒီတခါတော့ ဆံပင်တွေကို တပေကျော်လှူလို့  ရအောင် ကုတ်ကျော်ကျော်အထိ ညှပ်ပြီး လှူဒါန်းခဲ့ပါတယ်…။ ဆရာတော်ဆီမှာ ဆံပင်ကို လှူဒါန်းနေချိန်မှာ ဖြစ်တဲ့ပီတိက တခါမှမဖြစ်ဖူးတဲ့ တကယ့်ကြည်နူးစရာကောင်းတဲ့ပီတိပါ…။ မရှိလို့  မလှူရဘူးဆိုသူများ ကျွန်မရဲ့ဒီပို့ စ်လေးဖတ်မိရင် ကိုယ့်ဆံပင်တွေကလဲ မြတ်သောအလှူတခုဖြစ်နိုင်ကြောင်း သိသွားခဲ့ရင် ကျွန်မကျေနပ်မိမှာပါ…။ ဆံပင်လှူလိုသူများရှိရင် အောက်ပါ contact များမှတဆင့်လှူဒါန်းနိုင်ကြောင်း သတင်းကောင်းပါးပါရစေ…။

ဦးပညာဝံသလင်္ကာရ၊ ဦးသုဘောဂ

အရှေ့ ဝါယာလက် ၂ လမ်း၊ ကမ္ဘာအေး၊ မရမ်းကုန်းမြို့ နယ်၊ ရန်ကုန်မြို့ ။

ဖုန်း - ၀၉-၆၄၅၀၆၅၄၊ ၀၉-၂၅၆၁၉၈၀၉၁

ဆံပင်အလှူကတဆင့် လမ်းတံတားအလှူဖြစ်တာမို့  လမ်းတံတားလှူဒါန်းရခြင်းကရတဲ့ အကျိုး ၅မျိုးကို ဝေမျှပါရစေနော်…။

ကမ်းပါးသစ်ပင်၊

တောင်တွင်ထိပ်က၊

လိမ့်၍ကျလည်း၊

ဘေးမှလွတ်ဘိ၊

မှီခိုရှိ၏၊

မှတ်ဘိတစ်မျိုး၊

သူခိုးမင်းဘေး၊

နှိပ်စက်ဝေးပြီး၊

ရန်ဘေးတဖန်၊

အောင်နိုင်ပြန်၍၊

လျှင်မြန်ဆင်မြင်း၊

ယာဉ်ရခြင်းပ၊

ဤငါးဝသည်၊

မှတ်ကြလမ်းတံတား လှူကျိုးတည်း။

တန်ခူး

9:15pm 8-Feb-2015

စာလေးတစောင်

ဟိုးအဝေးက ကိုယ်ချစ်တဲ့သူတယောက်ယောက်ဆီက တံဆိပ်ခေါင်းလေး ကပ်ထားတဲ့ စာအိတ်ကလေးနဲ့  စာလေးတစောင် ဖတ်ချင်တဲ့အာသီသတွေ ကိုယ့်မှာ ဖြစ်နေတာ မဆန်းဘူးလား…။ အဲဒီစာလေးထဲမှာ စာပို့ လိုက်သူက သူ့ ခံစားချက်တွေကို နှလုံးသားကတဆင့် လက်ချောင်းသွယ်သွယ်လေးတွေဆီ စီးမျောရင်း ကိုယ့်ဆီကို အရောက်ပို့ ထားတဲ့ စကားလုံးလေးတွေရှိနေရမယ်…။ ဖြစ်နိုင်ရင် အဲဒီစာလေးကို နက်ပြာရောင် ယူနီဖောင်းလေးဝတ်ထားတဲ့ မျက်နှာချိုချိုနဲ့  စာပို့ သမားလေးက အိမ်ရှေ့ ကနေ စက်ဘီးလေး ကလင်ကလင် အသံပြုပြီး ကိုယ်မျှော်လင့်မထားတဲ့ အချိန်မှာ လာပို့ တာမျိုးပေါ့…။ စာလေးကို လက်ခံလိုက်ပြီး စာအိတ်လေးပေါ်က လက်ရေးလေးတွေကို ကြည့်ရင်း စာအိတ်လေးထဲက စာတစောင်ကို ရင်ခုန်စွာ မှန်းဆပျော်ရွှင်ရတဲ့ ခံစားမှု…။ အဲဒီလို ခံစားမှုလေးမခံစားရတာများ ဆယ်စုနှစ်လောက်တောင် ကြာရောပေါ့…။ ဒီတော့လဲ… ဒီခံစားမှုလေးကို လွမ်းမိတာ ဆန်းသလားနော်…။

လက်ရှိအခြေအနေမှာ စာတွေနဲ့ များ ဝေးနေလို့ တော့ မဟုတ်ပါဘူး…။ စာတွေ စာတွေ တနေ့ တနေ့  ဖတ်လိုက်ရတာ မနဲ ပါဘူး…။ ပြန်လိုက်ရတဲ့စာတွေကလဲ မနဲပါဘူး…။ အဲဒီစာတွေက စာအိတ်မဲ့တဲ့စာတွေ… လက်ရေးမဲ့တဲ့စာတွေ… ထိတွေ့ ကိုင်တွယ်လို့ မရတဲ့စာတွေ…။ အဲဒီစာတွေထဲမှာ တောင်းဆိုမှုတွေ… တာဝန်တွေ… အလိုမကျမှုတွေ… မျှော်လင့်ချက်တွေ… မတော်လောဘတွေ… တိုက်ခိုက်မှုတွေနဲ့ … မွန်းကြပ်လို့ နေတယ်…။ အဲဒီစာတွေကို ကိုယ်မလိုချင် မဖတ်ချင် မပြန်ချင်ပေမယ့်လဲ… အဲဒီစာတွေက ကိုယ့်ဘ၀အတွက် ထမင်းတလုပ်ဖြစ်နေပြန်တော့…။ တနေ့ တနေ့ များပြားလှတဲ့ အဲဒီစာတွေကြားထဲမှာ ကိုယ်က စာရွက်ဖြူဖြူလေးပေါ်မှာ လက်ရေးလေးနဲ့ ရေးထားတဲ့ စာလေးတစောင်ကို အမောတကော ရှာဖွေနေတတ်တယ်…။ မေတ္တာတရားတွေ သံယောဇဉ်တွေနဲ့  ထုံမွှမ်းထားတဲ့စာတစောင်… ဘယ်များ ပျောက်ဆုံးနေပါလိမ့်နော်…။

တိုးတက်လာတဲ့ခေတ်ကြီးမှာ ခလုတ်လေးတချက်နှိပ်လိုက်ရုံနဲ့  ဟိုးကမ္ဘာတခြမ်းကသူကို ဒီဘက်ကနေ ဆက်သွယ်လို့ ရနေမှတော့ စာတတန် ပေတတန်တွေ အလုပ်ရှုပ် အချိန်ကုန်ပါတယ်လို့  ပြောရတဲ့ခေတ်ကြီးမို့  ကိုယ့်ကို လူတွေက ကြောင်တောင်တောင် လို့  ထင်ကြမလားပဲနော်…။ email… facebook… viber… skype… အဲဒီလောက် လူတယောက်နဲ့ တယောက် လွယ်ကူစွာ ဆက်သွယ်လို့ ရနေတဲ့ခေတ်မှာ စာလေးတစောင်ရဲ့ အရေးပါမှုက မှေးမှိန်လို့ များ သွားခဲ့သလား…။ ဘာပဲဖြစ်ဖြစ် ရေးသူရဲ့ ကိုယ်ပိုင်လက်ရေးလေးတွေကို ကိုယ့်လက်လေးနဲ့ ထိတွေ့  ဖတ်ခွင့်ရတဲ့ စာတစောင်မှာ စာပို့ သူနဲ့ စာလက်ခံရသူရဲ့ကြားက မမြင်နိုင်တဲ့ သံယောဇဉ်ကြိုးတွေက တိတ်တိတ်လေး အသက်ဝင်နေတယ်ဆိုတာ ငြင်းမရပါဘူး…။ ကိုယ့်ဘ၀မှာ စာအိတ်ပေါ်မှာ ကိုယ့်နာမည်လေးရေးပြီး တံဆိပ်ခေါင်းလေးကပ်လို့  ကိုယ့်ဆီ အရောက်ပို့ တဲ့ စာလေးပေါင်း များစွာ လက်ခံရခဲ့ဘူးတာမို့  ပြန်တွေးမိတိုင်း ကျေနပ်မိပါတယ်…။ ဒီခေတ်ကြီးမှာသာ မွေးခဲ့ရင် စာအိတ်ပေါ်ရော စာရွက်ပေါ်မှာပါ ကွန်ပြူတာပုံနှိပ်စာလုံးတွေနဲ့  ရေးထားတဲ့ စက်ရုပ်ဆန်တဲ့ ကွန်ပြူတာဆန်တဲ့စာတွေပဲ တွေ့ ဖူးမှာလို့  တွေးမိပါတယ်…။

စာလေးတစောင်ဟာ ရပ်ဝေးမြေခြားက ဘိုးဘွားဆွေမျိုးသားချင်းတွေရဲ့ ချစ်ခြင်းမေတ္တာတွေကို သယ်ဆောင်ယူနိုင်စွမ်းရှိတယ်ဆိုရင် ယုံမလား…။ အညာက အဖိုး၊အဖွား၊ဆွေမျိုးသားချင်းတွေ သတိတရတလတခါလောက် ပို့ လိုက်တဲ့စာလေးတွေကလဲ အညာနဲ့ အမြဲထိတွေ့ နီးစပ်နေရသလို… ဆွေမျိုးတွေ ကိုယ့်နံဘေးရောက်ပြီး ဟိုကအဖြစ်အပျက်တွေ ပြောပြနေသလို ရင်ထဲကို နွေးထွေးမှုတွေ အရောက်ပို့ ပေးတတ်တယ်…။ ဖောင်တိန်အမဲရောင်လေးနဲ့  စာရေးစက္ကူလေးပေါ်မှာ သပ်သပ်ရပ်ရပ်… အဖြစ်အပျက်တွေ စီစီရီရီ ရေးတတ်တဲ့ စာလေးတွေက ကိုယ့်အဖိုး ( မေမေ့အဖေဆီက) စာလေးတွေပါ…။ အဖိုးစာလေးတွေမှာ ဆုံးမစာလေးတွေအမြဲထည့်ရေးတတ်သလို မြင်းခြံတမြို့ လုံးက အဖြစ်အပျက်လေးတွေလဲ ဝေေ၀ဆာဆာ ထည့်ရေးတတ်တာမို့  ရသစုံတဲ့ စာလေးတွေ ဖြစ်နေတတ်ပါတယ်…။ အဖိုးစာများရောက်လာပြီဆို ကိုယ်တို့ တမိသားစုလုံး အတူစိတ်ဝင်တစား ဖတ်ကြမြဲပါ…။ ကိုယ်တို့ ခေတ်က အရေးတကြီး အကြောင်းကြားစရာရှိရင် သံကြိုးရိုက်လေ့ရှိပါတယ်…။ သံကြိုးဆိုတာ စာလို စာအိတ်လေးတွေနဲ့  ကဗျာမဆန်ပေမယ့် စာတကြောင်းနှစ်ကြောင်းမှာ ပြောချင်တာ လိုရင်းတိုရှင်းဖြစ်အောင် ရေးရတာမျိုးပါ…။ စာပို့ သမားကလဲ သံကြိုးပါတယ်ဗျို့ ဆို နိုးနိုးကြားကြားရှိအောင် အိမ်ရှေ့ ကနေ စက်ဘီးဘဲလ်သံလေးတင်မက လူကပါအော်ပြောတတ်ပါတယ်…။ သံကြိုးလို့ ဆိုတာနဲ့  ပူပင်မှုတွေ ရောက်လာတတ်ပါတယ်… ဘယ်သူများနေမကောင်းလို့ လဲဆိုတဲ့ ပူပင်မှုမျိူးပါ…။ ဒါပေမယ့်… သံကြိုးက တခါတလေ ၀မ်းသာစရာ သတင်းတွေ သယ်လာတတ်သေးတာ…။ ဆယ်တန်းကို တော်တော်နဲ့ မအောင်တဲ့ ကိုယ့်ဦးလေး ဆယ်တန်းအောင်တဲ့နှစ်က “ကျောက်ခဲရေပေါ်ပေါ်ပြီ” ဆိုတဲ့ ကိုယ့်ဘကြီးရဲ့ ၆လုံးထဲသော သံကြိုးတစောင်က ကိုယ်တို့ တမိသားစုလုံးအတွက် ပျော်ရွှင်မှုတွေ သယ်ဆောင်လာတာ ခုထိကိုယ်အမှတ်ရနေတုန်း…။

စာလေးတစောင်ဟာ အကွာအဝေးဆိုတာတွေကို မေ့ပျောက်နိုင်အောင် ချုံ့ ယူနိုင်စွမ်းရှိနေပြန်ရော…။ ကျောင်းတွေပိတ်တုန်း သူငယ်ချင်းတွေ အချင်းချင်းလွမ်းကြလို့  တမြို့ တရွာကနေ တကူးတက အချိန်ကုန်ခံပြီး အလွမ်းတွေစာအိတ်လေးထဲထည့် ပို့ လိုက်တဲ့ စာလေးတွေက သူငယ်ချင်းတွေကြားက သံယောဇဉ်ကို ပိုလို့ အမြစ်တွယ် ခိုင်မြဲစေအောင် အစွမ်းတွေထက်လွန်းလှတယ်…။ စာအိတ်ပေါ်က လက်ရေးလေးတွေကို ကြည့်ပြီး… ဘယ်သူငယ်ချင်းဆီက ဖြစ်မလဲဆိုတာ မှန်းဆကြည့်ရတာ ရင်ခုန်စရာပါ…။ ကိုယ်တို့ ခေတ်က အာအိုင်တီက တနိုင်ငံလုံး တကျောင်းထဲရှိတာမို့  … အနယ်နယ်အရပ်ရပ်က သူငယ်ချင်းတွေဆီက စာလေးတွေ လက်ခံရရှိတာ ပျော်စရာပါ…။ တချို့ အနုပညာ ၀ါသနာပါတဲ့ သူငယ်ချင်းတွေက ကဗျာတို ကဗျာစလေးတွေ ထည့်ရေးပေးတတ်တဲ့အခါ ကိုယ်ဖြင့်ပျော်လို့ မဆုံးပါဘူး…။ အဲဒီ သူငယ်ချင်းတွေဆီက တကူးတက ရေးပို့ တဲ့ စာလေးတွေကို တမြတ်တနိုး အမှတ်တရ သိမ်းထားပြီး လွမ်းတိုင်းဖွင့်ဖတ်တတ်ပါတယ်…။ အထူးသဖြင့်.. အရေးအခင်း ၃နှစ်ပိတ်တဲ့ အချိန်တွေက စာလေးတွေ ကိုယ့်သေတ္တာလေးထဲမှာ အများကြီးစုမိတဲ့အချိန်လေးပါပဲ…။

စာလေးတစောင်ဟာ ဘ၀နှစ်ခု အစပြုဖို့ လဲ ဖြစ်နေတတ်သေးတာ မဟုတ်လား…။ ပွင့်လင်းမြင်သာလာတဲ့ ဒီဘက်ခေတ်မှာ ကောင်လေးတယောက်က ကောင်မလေးတယောက်ကို ဖုန်းထဲကပဲဖြစ်ဖြစ်… chattingလုပ်ရင်း ဖြစ်ဖြစ်…ဒါမှမဟုတ်… ကဗျာဆန်တဲ့ကော်ဖီဆိုင်လေးတခုမှာဖြစ်ဖြစ်… သူ့ ရင်ထဲက ခံစားချက်ကို ရင်ဖွင့်ကြပါတယ်…။ ကိုယ်တို့ ခေတ်မှာတော့ တချို့ တွေက ရင်ထဲက ခံစားချက်တွေကို စာလေးတစောင်နဲ့  ရင်ဖွင့်တတ်ကြတယ်…။ ကိုယ်နဲ့  ကိုယ့်ချစ်သူ ( ခုတော့ ကိုယ့်ခင်ပွန်းပေါ့) ရဲ့ သူငယ်ချင်းဆိုတဲ့ နံရံလေးကို ဖြိုခွင်းလို့  ချစ်သူဘ၀အစပြုဖို့  စခဲ့တာလဲ ချစ်သူရဲ့ ရိုးသားလွန်းတဲ့… အဖွဲ့ အနွဲ့ မပါ.. လက်တွေ့ ဆန်ပေမယ့် ချစ်သူရင်ထဲက ခံစားချက်ကို ထိုးဖောက်မြင်နိုင်တဲ့ စာလေးတစောင်က စခဲ့တာပါ…။ အဲဒီစာလေးဟာ ကိုယ့်ဘ၀ရဲ့မှတ်တိုင်လေးတခုဆိုလဲ မမှားသလို ကိုယ်တို့ နှစ်ယောက်တဘ၀ထူထောင်ဖို့ အမှတ်တရ လှပတဲ့ နိဒါန်းလေးဆိုလဲ မမှားဘူးလေ…။

စာလေးတစောင်ဟာ မိုင်ပေါင်းများစွာ ဝေးနေတဲ့ ချစ်သူနှစ်ဦးရဲ့ အလွမ်းတွေဝေဒနာတွေကို ဖြေလျော့သက်သာသွားအောင်လဲ ကုစားတတ်သေးရဲ့လေ…။ တယောက်နဲ့ တယောက်ဝေးနေတဲ့ကြတဲ့ အချိန်မှာ သစ္စာတရားတွေ… ဂရုစိုက်မှုတွေ… နားလည်မှုတွေ… လွမ်းဆွတ်တမ်းတမှုတွေဟာ စာလေးကတဆင့် တယောက်နှလုံးသားကနေ တယောက်နှလုံးသားဆီ စီးဆင်းသွားတတ်တာ…။ ချစ်သူကိုယ်တိုင်ရေးတဲ့ ခပ်သော့သော့ ချစ်သူလက်ရေးလေးတွေက ချစ်သူကိုယ့်နံဘေးမှာ ရှိနေသလို နာကျင်ခါးသက်တဲ့ အလွမ်းဝေဒနာတွေက ခဏထွက်ပေါက်ရ သက်သာစေခဲ့တာ ကိုယ်တွေ့ ပါပဲ…။ ကိုယ့်အလွမ်းဝေဒနာတွေကို ကုစားသက်သာပေးခဲ့တဲ့ အဲဒီစာလေးတွေကို ကိုယ်မြတ်နိုးလွန်းလို့  ကိုယ့်ဘီရိုလေးထဲက ကတ်ထူပုံးလေးမှာ ယနေ့ ထက်ထိ မပျောက်မပျက်အောင် သိမ်းဆည်းထားဆဲပါ…။

စာလေးတစောင်ဟာ တခါတလေကျပြန်တော့ တီးတိုးတိုင်ပင် ရင်ဖွင့်စရာ နေရာလေးဖြစ်နေတတ်ပြန်ရော…။ ပို့ သူရဲ့ ဆုံးဖြတ်ရခက်နေတဲ့ အကြောင်းအရာတခုခု… ဒါမှမဟုတ် မွန်းကြပ်နေတဲ့ အခြေအနေတခုခု… ဒါမှမဟုတ် အားငယ်ခိုကိုးရာမဲ့နေတဲ့ ခံစားချက်တခုခုကို သိစေချင်သူ တယောက်အတွက် အလုံခြုံဆုံး ရင်ဖွင့်စရာနေရာက စာလေးတစောင်ဖြစ်လို့ …။ လက်ခံရရှိသူရဲ့ ကိုယ်ချင်းစာတရား… မေတ္တာတရားတွေ အခြေခံတဲ့ ရင်နဲ့ ရင်းတဲ့ အကြံဥာဏ်လေးတွေ အပြည့်ပါတဲ့ ပြန်စာလေးတစောင်ဟာ ပို့ သူရဲ့ လက်ရှိအခက်အခဲကနေ လွတ်မြောက်စရာ နေရာလေးတခုပါပဲ…။

အဲဒီလို မျှော်လင့်နေတဲ့ ကိုယ့်ဆီကို စာရေးသူရဲ့ လက်လေးနဲ့ ရေးထားတဲ့ လက်ရေးစာလေးတစောင် တကယ်ကို့  ရရှိလာခဲ့ပါတယ်…။ ကိုယ်တခါမှ မမြင်ဘူးတဲ့ ပို့ သူရဲ့စာလေးဟာ ကိုယ့်ရင်ထဲကို ကြည်နူးမှုတွေ ပေးစွမ်းနိုင်တာ မဆန်းဘူးလား…။ စာလေးထဲမှာ ကျေးဇူးတရားတွေပါတယ်… အားငယ်မှုတွေပါတယ်… အနာဂတ်အတွက် ရည်ရွယ်ချက်တွေပါတယ်… အင်အားတွေပါတယ်… ကြိုးစားမှုတွေပါတယ်… နွေးထွေးရင်းနှီးမှုတွေပါတယ်… ပြီးတော့ စာလေးထဲမှာ ဘ၀တခုပါတယ်…။ အဲဒီစာလေးဟာ ကိုယ်မျှော်လင့်တောင့်တနေတာထက် ပိုတဲ့ အဓိပ္ပါယ်တွေ လေးနက်မှုတွေ ပေးနိုင်လွန်းတာမို့  စာပို့ သူလေးကို ကျေးဇူးတင်နေမိတော့တယ်...။



(စာကြွင်း…။ BPP အတွက် ကျွန်မကို တခုတ်တရ စာရေးဖြစ်အောင် တက်ဂ်ပေးကြတဲ့ ချစ်သူငယ်ချင်းစုချစ်သူနဲ့  ချစ်ညီမလေး မေဓာဝီ တို့ ကို ချစ်လို့  ဒီပို့ စ်လေးကို ရေးပါတယ်…။ BPP ရည်ရွယ်ချက်မပျက်ရအောင်.. တက်ဂ်ဂိမ်းတို့ ထုံးစံမပျက်အောင် ဆက်တက်ဂ်ချင်သူများကတော့.

၁) စာမရေးတာ အတော်ကြာနေတဲ့ ချစ်သမီးလေးနှစ်ယောက်မေမေ ညီမလေးနုစံ

၂) ဖဘပေါ်မှာ note လေးတွေရေးပြီး ဘလော့ပေါ်ပျောက်နေတဲ့ ညီမလေးခွန်မြလှိုင်နဲ့ 

၃) ဖဘပေါ် status လေးတွေမကြာမကြာတင်ပြီး ဘလော့ပေါ်ပျောက်နေတဲ့ ညီမလေးပေါက်

၎) ပျောက်နေတာကြပြီဖြစ်တဲ့ ချစ်သော အာအိုင်တီ မမ မသိဂီင်္

၅) အမိမြန်မာပြည်ရောက် ချစ်သောမမ မခင်ဦးမေ

၆) စာရေးကောင်းတဲ့ ကျွန်မနှစ်သက်သော စာရေးဆရာမမ မမေငြိမ်း

ရ) ဖဘပေါ်မှာ နေ့ တိုင်းတွေ့ နေရပေမယ့် ဘလော့ပေါ်မှာ လွမ်းမိနေတဲ့ မမ မခင်မင်းဇော်

တပုံကြီးတက်ဂ်တာ စာတွေတပုံကြီးဖတ်ချင်လို့ ပါ… စိတ်မဆိုးနဲ့ နော်…)

တန်ခူး

27-Sep-2014 8:20PM

ကင်းတဲလေးနဲ့ ဂီတသံ

ကျွန်မညဘက်တွေ ညည့်နက်တဲ့အထိ အလုပ်လုပ်ရတဲ့အခါမျိုးမှာ ကြောက်တတ်တဲ့ ကျွန်မကို အမျိုးသားက တီဗွီကြည့်ရင်း စိတ်ရှည်လက်ရှည်စောင့်ပေးတတ်ပါတယ်…။ ဒါပေမယ့် သူပင်ပန်းနွမ်းနယ်နေတဲ့အခါမျိုးဆို ကျွန်မသူ့ ကို အိပ်ခိုင်းပြီး တယောက်ထဲ သားနဲ့ အမျိုးသား အိပ်နေတဲ့ ကုတင်နံဘေးမှာ အလုပ်လုပ်တတ်ပါတယ်…။ အဲဒီအခါတိုင်း ပတ်ဝန်းကျင်က ဆိတ်ငြိမ် နေတတ်တာကြောင့် တခါတခါ ဟိုးအဝေးက ဂီတသံလေးကို လွမ်းမိတတ်တယ်…။ ကျွန်မလွမ်းပုံ ဆန်းချက်များ ဆိတ်ငြိမ်တတ်လွန်းမှုကို သည်းမခံနိုင်တဲ့အခါ ခွေးဟောင်သံတောင် တမ်းတမိတဲ့အထိပဲ…။

ကျွန်မက ငယ်ငယ်က သိပ်ကြောက်တတ်ခဲ့တာ…။ ညည့်နက်သန်းခေါင် စာကျက်တဲ့အခါ ကျွန်မကြီးကြီးက ကျွန်မနံဘေးမှာ အိပ်ရင်းစောင့်ပေးရတဲ့အထိ…။ ခုမှသာ အသံတွေကို မက်မက်မောမော တောင့်တတတ်နေပေမယ့် အဲဒီတုန်းက အသံလေး ချွတ်ချွတ်ကြားတာနဲ့  ကြီးကြီးကို နှိုးပါလေရော…။ ကြီးကြီးခမျာ ကျွန်မစာမေးပွဲနီးတဲ့အချိန်ဆို အိပ်ရေးဝတယ် မရှိပါဘူး…။ ကြီးကြီး အညာကို အပြီးပြန်သွားတော့ ကျွန်မကြောက်ကြောက်နဲ့  တယောက်ထဲစာကျက်ရတဲ့ညတွေမှာ ကျွန်မအဖော်က ဂီတသံလေးပါပဲ…။ အဲဒီတုန်းက လမ်းတိုင်းလမ်းတိုင်းမှာ ရပ်ကွက်လုံခြုံရေး၊ မီးရေး၊ ထင်းရေး အတွက် ကိုယ်ထူကိုယ်ထနဲ့  ကင်းစောင့်ဖို့  ကင်းတဲလေးတွေရှိတတ်ပါတယ်…။ ခုတော့ အဲဒီလိုရှိသေးလား မသိဘူးနော်…။ ကင်းတဲလေးတွေက များသောအားဖြင့် ခြေတံရှည် ၀ါးခင်း၊သက်ကယ် သို့  ဓနိမိုးလေးတွေပါ…။ ကင်းတဲထဲမှာ အရေးဆို အချက်ပေးလို့ ရအောင် သံပြားဝိုင်းကြီးတခုနဲ့ သံချောင်းတခုရှိပါတယ်…။ အဲဒီသံချောင်းသံကြားပြီဆို ရပ်ကွက်က မီးလား သူခိုးလားဆို နိုးနိုးကြားကြားရှိကြပါတယ်…။

ရပ်ကွက်ထဲက ယောင်္ကျားသားရှိတဲ့ အိမ်တိုင်း ညဖက် အလှည့်ကျ ကင်းစောင့်လေ့ရှိပါတယ်…။ ယောင်္ကျားသားမရှိတဲ့အိမ်တွေကို ရပ်ကွက်ထဲက အကိုကြီးတွေက စောင့်ပေးပါတယ်…။ ရပ်ကွက်လေး ငြိမ်းချမ်းနေပြီဆို ကင်းစောင့်တဲ့အကိုကြီးတွေက ဂီတာလေးကို တိုးတိုးလေးတီးပြီး သီချင်းလေးတွေ ဆိုတတ်ပါတယ်…။ ကျွန်မတို့ အိမ်က လမ်းထောင့်မှာမို့  ၀ရန်တာကကြည့်ရင် ကင်းတဲလေးကို လှမ်းမြင်ရပါတယ်…။ ညဖက်တွေမှာ လတ်ဆတ်တဲ့လေအေးအေးရတဲ့ ၀ရန်တာမှာ ကျွန်မစာကျက်လေ့ ရှိပါတယ်…။ ကြောက်တတ်တဲ့ ကျွန်မအတွက် ကင်းတဲက ဂီတာသံတိုးတိုးလေးနဲ့  သီချင်းသံတိုးတိုးလေးက ဒီညမှာ ငါတယောက်ထဲမဟုတ်ပါလားဆို ကြောက်စိတ်ပြေစေတာမို့  ကင်းတဲထဲက ကင်းစောင့်တဲ့ အကိုကြီးတွေကို ကြိတ်ကျေးဇူးတင်မိပါတယ်…။

လူခြေတိတ်ချိန်မို့  ဂီတာကို အကျယ်ကြီး မတီး… သီချင်းကို အကျယ်ကြီးမဆိုပေမယ့် ကျွန်မတို့ အိမ်က အနီးလေးမို့  သူတို့ ဆိုတဲ့ သီချင်းတိုင်းကို သေချာကြားရပါတယ်…။ ခဏခဏ ကြားရတတ်တဲ့သီချင်းလေးတွေက မွန်းအောင်ရဲ့ ရိုးရိုးလေး၊ ၀တ်မှုန်၊ ယု၊ လွမ်းရတဲ့ညတွေ လွန်ပါစေ၊ ၈/၈၂ အင်းလျား၊ စိုင်းထီးဆိုင်ရဲ့ မေမြို့ မိုး၊ မောင့်လပြည့်ဝန်း၊ လေညာအရပ်ကအချစ်၊ မောင့်အရိုင်းပန်း၊ ခိုင်ထူးရဲ့ သိလား၊ တချို့ တွေနေနိုင်လွန်းတယ်၊ စစ်ကိုင်းလမ်း၊ ထူးအိမ်သင်ရဲ့ ခေါင်းလောင်းလေးတွေ မြည်နေပြီ၊ ဝေးသွားတဲ့အခါ၊ ဂျေညီညီရဲ့ အရိပ်ကလေး… စတဲ့ သိပ်ဆူဆူညံညံကြီး မဟုတ်ပဲ ညရဲ့ ငြိမ်းချမ်းမှုထဲမှာ စီးဝင်မျောပါသွားနိုင်တဲ့ သီချင်းလေးတွေပါ…။ တချို့ ဆို တကယ့်ကို အဆိုတော်ကြီးတွေလို ဆိုနိုင်တာ အံ့သြစရာပါ…။ စာမေးပွဲနားနီးလို့  ပင်ပန်းနေတဲ့စိတ်တွေက အဲဒီကင်းတဲက ပျံ့ လွင့်လာတဲ့ ဂီတသံလေးကြောင့် ပြန်လည်ကြည်လင်တတ်လာလို့  ကင်းတဲလေးနဲ့  ဂီတသံဟာ ကျွန်မအဖော်ဖြစ်မှန်းမသိဖြစ်လာခဲ့ပါတယ်…။ တိတ်ဆိတ်တဲ့ညတွေမှာ ဂီတာသံလေးပျောက်နေရင် တခုခုလိုအပ်နေသလို ခံစားရတဲ့အထိပါ…။

ခေတ်တွေပြောင်းလာပြီး ကျွန်မမောင်လေးတို့ ခေတ်ရောက်လာတော့ မွန်းအောင်၊ ခိုင်ထူး၊ စိုင်းထီးဆိုင်ကနေ ဇော်ဝင်းထွတ်၊လေးဖြူ၊အငဲ၊မျိုးကြီး၊ မျိုးကျော့မြိုင်ဖြစ်လာခဲ့ပါတယ်…။ စာမကျက်ရတော့တဲ့ ကျွန်မက အိပ်ယာထဲကနေ အဲဒီသီချင်းလေးတွေလဲ နှစ်သက်စွာနားထောင်မြဲပါ…။ ညနဲ့ ဂီတ ဘယ်လောက် ပနံရလိုက်ဖက်လိုက်ပါသလဲနော်…။ ညရဲ့ ငြိမ်သက်ငြိမ်းချမ်းမှုကြောင့် သီချင်းသီဆိုသူတွေကလဲ ငြိမ်းချမ်းအေးဆေးတဲ့ သီချင်းလေးတွေ ရွေးဆိုတတ်ကြတယ်…။ ကျွန်မက အဆောင်မနေဘူးသူဆိုတော့ အဆောင်ရှေ့ ဂီတ၀ိုင်းလေးတွေဆို ပိုလို့ တောင် အသက်ဝင် နားထောင်ကောင်းလိမ့်မယ်ဆိုတာ မှန်းဆလို့ ရပါတယ်…။

ဒီရောက်ပြီးမှ အိမ်အလည်ပြန်တဲ့အခါ အိပ်မပျော်တဲ့ညတွေမှာ အိမ်ရှေ့ က ပျောက်ဆုံးသွားတဲ့ ကင်းတဲလေးနဲ့  ဂီတသံကို လွမ်းမိတတ်ပါတယ်…။ အမေ့စံပယ်ရုံလေးက ခုံတန်းရှည်လေးအောက်မှာ ထိုင်ရင်း ဟိုးလွန်ခဲ့တဲ့ အနှစ်နှစ်ဆယ်ကျော်ကျော်လောက်က ၀ရန်တာမှာ စာအော်ကျက်တတ်တဲ့ ကောင်မလေးဖြစ်ခဲ့တဲ့ ကိုယ့်ပုံရိပ်လေးကို ကိုယ်မြင်ယောင်မိပါတယ်…။ အိမ်ဘေးလမ်းဈေးဆိုင်လေးမှာ လူငယ်လေးတွေ ဂီတာတီးသံကြားတော့ ကျွန်မနှစ်အတော်ကြာကြာ လွမ်းဆွတ်နေခဲ့တဲ့ ဂီတသံလေးမို့  နှစ်ခြိုက်စွာ နားစွင့်မိပါတယ်…။ စိုင်းစိုင်းခမ်းလှိုင်ည… ရဲလေးည… ဆိုတေးည… ဘန်နီဖြိုးည… ခေတ်တွေ အခါခါပြောင်းလာပေမယ့်… ပါးပေါ်မှာ သနပ်ခါးလေးနဲ့  ချစ်စရာကောင်းလိုက်တာကွယ်ဆိုတာလေးနဲ့  ခေတ်သစ်ညရဲ့ဂီတကိုလဲ ကျွန်မက နှစ်သက်မြတ်နိုးဆဲပါ…။ ကင်းတဲလေးက ဂီတသံအလွမ်းပြေပေါ့လေ…။

တန်ခူး

12:01 am 5 Sep 2014