ငယ်ဘ၀

အဲဒီတုန်းက ငါဟာ အပြူံးတုတွေ ပေးတတ်တဲ့ လူတွေနဲ့ ကံကောင်းစွာ မတွေ့ခဲ့ တာလား...ဒါမှမဟုတ် ငါကိုယ်တိုင်ကပဲ အပြူံးစစ်တွေလို့ နုံအစွာ ယုံကြည်နေခဲ့တာလား...။

အဲဒီတုန်းက ငါက လူတွေကို မျက်စိ မှိတ်ပြီး ယုံကြည် ခဲ့တာလား...ဒါမှမဟုတ် အံ့သြစရာ ကောင်းစွာ ယုံကြည်ရတဲ့ လူတွေနဲ့ တကယ်ဆုံခဲ့တာလား...။

အဲဒီတုန်းက ငါဟာ ကတိစကားမှန်လျှင် တည်ရမြဲလို့ ရူးသွပ်စွာ ကောက်ချက်ချခဲ့ တာလား...ဒါမှမဟုတ် ထူးဆန်းစွာ ကတိတည်တတ်တဲ့ လူတွေနဲ့သာ တွေ့ခဲ့တာလား...။

အဲဒီတုန်းက ငါချစ်တဲ့သူတွေက ငါ့အနားမှာ အမြဲရှိနေခဲ့တာလား...ဒါမှမဟုတ် ငါက ငါချစ်တဲ့သူတွေဆီက ဘယ်တော့မှဝေးဝေး မသွားခဲ့တာလား...။

အဲဒီတုန်းက ငါဟာ ပျော်ရွှင်စရာ တွေကိုသာ အမြဲရှာဖွေ နေခဲ့ တာလား...ဒါမှမဟုတ် ပျော်ရွှင်စရာတွေက သဘောကောင်းစွာ ငါ့ဆီ ရောက်လာတတ်တာလား...။

အဲဒီတုန်းက ငါဟာ အိပ်မက်ချိုချိုတွေကို ရွေးမက်ခဲ့ တာလား...ဒါမှမဟုတ် ငါ့အိပ်မက်တွေရဲ့ အရသာကိုက ချိုမြနေတာလား...။

အဲဒီတုန်းက ငါ့ရဲ့ညတွေမှာ လအမြဲသာ နေခဲ့တာလား...ဒါမှမဟုတ် လသာတဲ့ညတွေမှပဲ ငါနိုးထခဲ့တာလား...။

အဲဒီတုန်းက ငါလျှောက်တဲ့ လမ်းတိုင်းက ဖြောင့်ဖြူး နေခဲ့တာလား...ဒါမှမဟုတ် လမ်းဖြောင့်ဖြောင့်တွေကို ငါရွေးလျှောက်ခဲ့တာလား...။

အဲဒီတုန်းက ငါကိုယ်တိုင်က အဖြူရောင်လား...ဒါမှမဟုတ် အဖြူရောင်တွေကြားထဲက ငါလား...။

အဲဒီတုန်းက ငါ့ကဗျာတွေက ပျိုမျစ်နေခဲ့တာလား...ဒါမှမဟုတ် ပျိုမျစ်နေတဲ့ ငါ့နှလုံးသားက ရေးခဲ့လို့လား...။

တန်ခူး

5:30PM 21-Jan-2008